Deklarimet
Emri | Sektori | Çështja |
---|---|---|
Shërbime Publike |
Faleminderit, nënkryetare!
I nderuar Kabinet Qeveritar,
6
Të nderuar kolegë deputetë,
Media,
Qytetarë të Republikës së Kosovës,
Një prej problemeve kronike, të rënda dhe me shumë peshë, në jetën e qytetarëve të Kosovës
është forma dhe mënyra se s
Lexo më shumë
Faleminderit, nënkryetare! I nderuar Kabinet Qeveritar, 6 Të nderuar kolegë deputetë, Media, Qytetarë të Republikës së Kosovës, Një prej problemeve kronike, të rënda dhe me shumë peshë, në jetën e qytetarëve të Kosovës është forma dhe mënyra se si është trajtuar deri më tani prona publike në Kosovë. Në ditët e fundit u aktualizua një rast, i cili tregon mungesën e përgjegjësisë së Komunës ndaj pronës publike, por rastet e tilla nuk janë fenomene akute, të cilat ad hoc na paraqiten në opinione. Rastet e tilla janë përfaqësim i keqpërdorimit sistematik, manipulimit dhe abuzimit me pronën publike. Keqpërdorimi i pronës publike dhe transformimi i saj fillimisht jashtëligjshëm dhe pastaj duke u legalizuar nga institucione, të cilat në vend se ta ndalonin tjetërsimin kanë miratuar atë, nuk janë vepra të ndara kriminele me efekt të izoluar. Tjetërsimi i pronave jashtëligjshëm drejtpërdrejtë kanë ndikuar në numrin më të vogël të shkollave, kopshteve, qendrave të mjekësisë familjare, stacioneve të autobusëve, qendrave kulturore e shumë institucioneve tjera në shërbim të publikut. Efektet e tjetërsimit të tyre ndihen çdo ditë dhe do të kalojë një kohë e gjatë, që pasojat negative do të ndihen dhe do t’i përcjellin qytetarët e Republikës së Kosovës. Si kemi ardhur deri në situatën, kur kemi lënë komunat pa hapësira të mirëfillta publike? Dy janë format më të ndjekura, se si është tjetërsuar prona publike në atë private. Përkundrejt faktit që në vitin 2003 kishim administratën ndërkombëtare të UNMIK-ut, e cila asokohe vlerësonte të jashtëligjshme dhe me bazë diskriminuese transformime që kanë ndodhur pas vitit 1989, për arsye se kanë qenë të bazuara në një sistem represiv dhe diskriminues në Kosovë, prapë u zbulua mënyra se si të realizoheshin dhe legalizoheshin transformimet nga institucionet vendore të Kosovës në dëm të interesit të qytetarëve të Kosovës. Në mënyrë sistematike u falsifikuan dokumente, të cilat kinse tregonin se prona të caktuara ishin privatizuar nga serbët gjatë periudhës së okupimit, përderisa evidentohej se kinse të njëjtat prona tani u shiteshin shqiptarëve. Shumica apo një numër i konsiderueshëm i këtij dokumentacioni ishte përgatitur në periudhën e pasluftës apo pas shpalljes së Pavarësisë dhe jo në datat, në të cilat figuronte transformimi. Me dhjetëra e qindra janë transformimet e kësaj natyre brenda secilës komunë në Kosovë. Zinxhiri i zyrtarëve të përfshirë në proces fillon prej zyrtarëve komunalë në kadastër, avokatëve të komunës dhe përfaqësuesve të Gjykatës, të cilët me radhë, edhe sikur të kishte ndodhur transformimi në kohën e represionit, prapë kanë legjitimuar padrejtësitë. Ata që ishin të thirrur në ruajtjen e pronës publike u bënë pjesë e humbjes së pronës publike dhe dëmtimit të interesit publik. Një tjetër proces që drastikisht ka dëmtuar pronën, ka qenë ai i privatizimit përmes transformimit të pronës shoqërore në atë private dhe pastaj të njëjtat t’u jepen në shfrytëzim institucioneve publike me kosto dhjetëfish më të madhe, duke dëmtuar kështu Buxhetin e shtetit, por duke rritur 7 profitet e individëve të caktuar. Rast i përsëritur në vazhdimësi janë shpronësimet për ndërtim të rrugëve dhe autostradave. Sot në këtë ditë, në këtë datë, janë borxhe 180 milionë euro për shpronësime në Ministrinë e Infrastrukturës. 180 milionë euro të miratuara në Buxhet, ndërsa nga Qeveria e kaluar në Buxhetin e këtij viti janë vetëm 7 milionë e 390 mijë të buxhetuara për shpronësime apo vetëm 4% e këtij borxhi. Shtesë kësaj, nuk ka pasur asnjë reflektim të vetëm në situatën e krijuar, por vetëm kërkesa dhe tendenca për fillim të saj. Nëse zbërthehen të gjitha këto mjete në objekte dhe nevoja të domosdoshme për qytetarët lista do të ishte e gjatë, por fatkeqësisht dëmi që është shkaktuar tani do një trajtim tjetër. Në trajtimin e pronës publike në Kosovë ka shumë nevojë për reformë, hetim e vlerësim për shfrytëzim të hapësirës, forma të vetëbandimit dhe pronësisë për zhvillim ekonomik, stabilitet social, respektim të trashëgimisë kulturore, drejtësi dhe efikasitet të sistemit gjyqësor. Të gjitha këto pjesërisht, ose plotësisht, ndikojnë në drejtimin që do ta marrë shoqëria kosovare në të ardhmen. Andaj, më herët se sa më vonë duhet të fillojmë trajtimin e mirëfilltë të këtij problemi madhor dhe të jemi të vëmendshëm për pasojat e trashëguara në kërkesa, të cilat synojnë të rëndojnë dhe thellojnë hendekun financiar me të cilin po ballafaqohet Qeveria e Republikës së Kosovës. Faleminderit! |
|
Siguri |
Faleminderit, kryesuese e seancës!
Të nderuar kolegë deputetë,
Të dashur qytetarë të Republikës së Kosovës,
Në javën që lamë pas në Kosovë u shënua një ngjarje shumë e rëndësishme, një ngjarje krenarie
që ishte ajo një ushtrim fushor i Forcës së Sig
Lexo më shumë
Faleminderit, kryesuese e seancës! Të nderuar kolegë deputetë, Të dashur qytetarë të Republikës së Kosovës, Në javën që lamë pas në Kosovë u shënua një ngjarje shumë e rëndësishme, një ngjarje krenarie që ishte ajo një ushtrim fushor i Forcës së Sigurisë së Kosovës në programin Defender Europe 2021, i cili organizohet për herë të parë nga Deti i Zi në Detin Adriatik dhe fatmirësisht, pjesë e këtij organizimi ishin edhe Forcat e Sigurisë së Kosovës. Ushtarët e Forcës së Sigurisë së Kosovës me krenari ishin përgatitur në periudhë të caktuar për të dalë të suksesshëm në këtë organizim, mirëpo me apo pa dashje u zbeh imazhi i FSK-së dhe imazhi i ngjarjes në përgjithësi. Kjo u bë nga institucionet e vendit dhe për këtë arsye jemi të detyruar që Qeverisë së Republikës së Kosovës t’ia adresojmë disa pyetje dhe të na bëhet e qartë edhe neve si deputetë po edhe qytetarëve të Republikës së Kosovës. Pjesëmarrja e bashkëshortit të presidentes në uniformë në këtë ceremoni i zbehu imazhin shtetit tonë dhe Ushtrisë sonë. Prandaj, për Qeverinë kam disa pyetje si në vijim: Çfarë grade mbanë Prindon Sadriu, ose bashkëshorti i presidentes së Republikës së Kosovës? Si rezervist që është ai, që ju e keni potencuar në vazhdimësi, ai është i obliguar të marrë pjesë në trajnime. Kur është ftuar dhe në sa 8 trajnime ka marrë pjesë? Kur dhe ku i ka realizuar ato? A ka pasur ftesë për pjesëmarrje në këtë ceremoni dhe nëse po, nga kush është ftuar, meqë presidentja e vendit është edhe komandante supreme e kësaj force? Nëse nuk ka pasur ftesë për pjesëmarrje, atëherë në çfarë cilësie ka marrë pjesë bashkëshorti i presidentes me uniformë në këtë ceremoni? Nëse ka qenë vetëm si burrë i presidentes, atëherë pse e ka veshur uniformën e FSK-së? Nëse ka marrë pjesë si ushtarak rezervë, atëherë pse është pozicionuar afër gjeneralit të FSK-së, kur këtë nuk ia lejon grada që ai e bart? A është e gjitha kjo shkelje e protokollit ushtarak, shkelje e ligjeve dhe e rregullave të aprovuara, shkelje e Kushtetutës edhe nga presidentja keqpërdorim i pozitës zyrtare për interesa individuale e personale? Përderisa Ligji për komponentin rezervë të Forcës së Sigurisë së Kosovës shumë qartë e rregullon përbërjen kushtet e shërbimit, të drejtat dhe përgjegjësitë individuale, përgjegjësitë e punëdhënësit dhe procedurat e mobilizimit në komponentin rezervë të FSK-së, sipas paragrafit 4 të nenit 7 përgjegjësitë individuale të këtij ligji shprehimisht përcaktohet, se pjesëtari rezervë i Forcës së Sigurisë së Kosovës duhet të bartë uniformën vetëm kur është në detyrë, ose gjatë kohës kur shkon apo kthehet nga detyra. Mbi bazën e këtij neni a mund të na njoftoni, se si është e mundur që zotëria në fjalë e ka veshur uniformën, edhe pse nuk është ftuar për angazhim si rezervist në FSK, siç përcaktohet me këtë ligj. Këto pyetje jeni të detyruar të na jepni ne si deputetë të këtij Kuvendi e mbi të gjitha qytetarëve të Republikës së Kosovës, sepse e kemi për obligim që ta ruajmë imazhin e FSK-së, që është një institucioni më kredibil dhe më i besueshëm në vend. Nuk guxojmë për ego personale që ta rrezikojmë kredibilitetin e ushtrisë sonë. |
|
Financa |
Faleminderit, nënkryetare e Kuvendit!
Çështja që do ta ngre e kemi ngritur edhe në mandatet e kaluara, pikërisht edhe nga deputetja
Teuta Haxhiu, është Ligji për skemat sociale të financuara nga shteti. Të gjithë të pensionuarve
kontributdhënës dhe a
Lexo më shumë
Faleminderit, nënkryetare e Kuvendit! Çështja që do ta ngre e kemi ngritur edhe në mandatet e kaluara, pikërisht edhe nga deputetja Teuta Haxhiu, është Ligji për skemat sociale të financuara nga shteti. Të gjithë të pensionuarve kontributdhënës dhe atyre jokontributdhënës i paguan pensionin bazik, që në shumë është një mbështetje sociale për këtë kategori. Përveç pensionit bazik shteti i Kosovës ka paguar edhe pensionin kontributpagues të moshës. Pensioni i rregullt mujor për qytetarët e punësuar në Republikën e Kosovës, të cilët i kanë paguar kontributet në ish-fondin pensional të Kosovës para datës 1. 1. 1999 sipas dispozitave të Ligjit për sigurimin pensional dhe invalidor atë kohë të Kosovës, e sheh që për skemat pensionale të financuara nga shteti neni 3.5. 9 Duke pasur parasysh që shumica e shqiptarëve që kanë punuar janë larguar me dhunë nga puna në vitet e ‘90-ta, të cilët nuk kanë pranuar të punojnë në masatë dhunshme të regjimit të Millosheviqit në periudhën dhjetëvjeçare të viteve të ‘90-ta, pensionistët kontributdhënës para vitit 1999 e shohin si shumë diskriminuese periudhën 15-vjeçare të stazhit për shumë arsye. Si rrjedhojë e këtyre fakteve ka shumë pak kontributdhënës që mund ta plotësojnë periudhën 15 vjeçare të stazhit, normalisht nëse pak prej tyre janë ende në jetë. Ministria e Punës dhe Mirëqenies Sociale duhet të ndryshojë Udhëzimin Administrativ MPMS 9/2015, neni 6, paragrafi 2.3 dhe t’u njihet kjo e drejtë të gjithë kontributdhënësve që kanë më së paku 10 vjet stazh pune të vërtetuara sipas kërkesave të këtij udhëzimi administrativ. Si rrjedhojë Ligji për skemat financiare të financuara nga shteti duhet të ndryshojë për pensionistët kontributdhënës t’i gëzojnë pensionet varësisht nga vitet sa kanë punuar dhe ky të rregullohet me ligj, sepse kjo padrejtësi që u është bërë pensionistëve është vërtet një padrejtësi e madhe. Edhe një çështje tjetër që desha ta ngre, të gjithë jemi për rend dhe ligj dhe askush s’është mbi ligjin. Sot deputetja e Lëvizjes Vetëvendosje ka munguar në seancën gjyqësore ku akuzohet për korrupsion e për këtë seanca ka dështuar. Atëherë, cila është arsyeja që kjo deputete nuk i është përgjigjur ftesës për të marrë pjesë në seancën gjyqësore? Pra, deputetët e Vetëvendosjes e injorojnë Ligjin, sepse tash janë në pushtet e janë mbi ligjin. Kjo nuk është qeverisje ndryshe, po më keq sesa qeverisje. Pra, kjo Qeveri që është thirrur për një Qeveri me duar të pastra po del që është mashtrim, sepse kemi ministra me aktakuza, por edhe shumë deputetë nga Lëvizja Vetëvendosje që janë me aktakuza. Kopje e keqe e kësaj Qeverie. |
|
Ekonomi |
E nderuar nënkryetare,
Kabinet Qeveritar,
Të nderuar deputetë,
Qytetarë të Kosovës,
Unë i kam tri gjetje të shpejta sa i përket nevojës për rishikimin e Ligjit për rimëkëmbje
ekonomike dhe këtë po e them duke u bazuar në këto kondita.
E para, ësht
Lexo më shumë
E nderuar nënkryetare, Kabinet Qeveritar, Të nderuar deputetë, Qytetarë të Kosovës, Unë i kam tri gjetje të shpejta sa i përket nevojës për rishikimin e Ligjit për rimëkëmbje ekonomike dhe këtë po e them duke u bazuar në këto kondita. E para, është për shkak të vështirësive që janë shfaqur gjatë vitit 2020, të gjitha organizatat financiare ndërkombëtare, po edhe Bashkimi Evropian i ka paraparë tri parakushte ose rreziqe sa i përket rikthimit ekonomik, marrë parasysh tkurrjen që e patëm vitin që shkoi, që vlerësohet 5 deri 6 për qind. 10 E para ka qenë stabiliteti politik. Unë besoj që ai është tejkaluar. E dyta është vaksinimi. Unë mendoj që lajmi më i mirë që i është dhënë Kosovës, po edhe rikthimit ekonomik, është sigurimi i 1,2 milion vaksinave, krahas 200 mijë që janë siguruar në formë të donacionit. Nevoja, masivizimi i vaksinimit është parakushti bazë, për arsye sepse kjo neve na mundëson ta hapim ekonominë edhe të rikthehet diaspora, për ata që e lexojnë ekonominë. Krahas remitencave, shpenzimet e diasporës gjatë vizitave këtu në Kosovë na ndihmojnë neve ta kompensojmë deficitin e theksuar tregtar që e kemi. Dy. Unë po e shoh në bazë të diskutimeve, ende ka mbetur ajo ideja që janë humbur 100 mijë vende pune, 60 mijë. Unë mendoj që kjo duhet të rishikohet, sepse nuk është e qëndrueshme. Në bazë të të dhënave të fundit, para dy javësh, numri i vendeve të punës në Kosovë ka mbërri në 372 mijë, që është shifra e njëjtë me tremujorin e parë të vitit 2019. Pra, nuk po flasim më efektivisht për vende të humbura të punës. Ajo çka ka ndodhur është që ka pasur lëvizje të fuqisë punëtore prej një industrie në industri tjetër. Disa industri, si teknologjia informative, përpunimi, nxjerrëse, kanë më tepër kërkesë. Disa industri të tjera më pak. Pra, e dyta është një indikator tjetër i rëndësishëm është që numri i atyre njerëzve që po kërkojnë aktivisht punë është 103 mijë, që është po ashtu i njëjtë ose më i vogël sesa në vitin 2019. Ky është një indikacion që ekonomia po ashtu, indikatori i dytë që ekonomia po stabilizohet. E treta, i shikova unë edhe indikatorin e eksporteve. Këtë tremujor kemi regjistruar 140 milionë eksporte, që i bie diku rreth 47 për qind më shumë sesa tremujori i njëjtë i vitit 2020 dhe vitit 2019. E katërta, që është e rëndësishme, numri i bizneseve të reja. Vetëm ta përfundoj. Numri i bizneseve të reja në këtë tremujor ka qenë 800, që është numri rekord i bizneseve të reja të hapura për një tremujor, apo rreth 200 më shumë sesa tremujorin e parë të vitit 2019. Unë mendoj që është edhe një shenjë tjetër që ekonomia. Edhe një minutë. Ajo çka është e rëndësishme, ne në emër të Lëvizjes Vetëvendosje, i kërkojmë Qeverisë që ta rishikojë. Krejt këto masa kërkojnë një rishikim të masave, jo më proporcionalisht siç janë bërë në të kaluarën, mirëpo kriteri themelor i asistencës ekonomike gjatë rishikimit, zoti ministër, duhet të jetë i bazuar në evidencë të humbjes nga pandemia. Pra, ky duhet të jetë kriteri. Ndihmohen ato industri që kanë pësuar nga pandemia. Dy, që është e rëndësishme, duhet të ndihmohet biznesi i vogël dhe i madh. 11 Tre, grupet shoqërore, duhet të ndihmohen gratë, duhet të ndihmohen të rinjtë. Ato janë të kanë pësuar më së keqi gjatë pandemisë. Katër, që është e rëndësishme, kjo nuk e përjashton nevojën për reforma strukturore në ekonomi, përfshirë prej politikës fiskale deri te sistemi gjyqësor, sepse nuk mund të ketë zhvillim ekonomik përderisa një rast i thjeshtë në Gjykatë një biznesit i merr 500 ditë. Në vendet e tjera i merr 70 ditë, në Kosovë i merr 500 ditë. Kjo duhet të adresohet. Gjithashtu, në afat të gjatë. |
|
Dialog |
Faleminderit kryesuese!
Të nderuar kolegë deputetë,
Qytetarë të Kosovës,
Po kuptohet tashmë çdo ditë e më shumë se Qeveria Kurti asnjëherë s’e ka pasur për qëllim
qeverisjen, por nuk e kanë as më të voglën ide për nevojat më elementare që sot i kanë
Lexo më shumë
Faleminderit kryesuese! Të nderuar kolegë deputetë, Qytetarë të Kosovës, Po kuptohet tashmë çdo ditë e më shumë se Qeveria Kurti asnjëherë s’e ka pasur për qëllim qeverisjen, por nuk e kanë as më të voglën ide për nevojat më elementare që sot i kanë qytetarët e Republikës së Kosovës. Ashtu siç ka qenë gjithmonë e ditur, Kurti dhe të tjerët kanë dëshmuar vetëm një qëllim, të përdhosjes së gjithçkaje që përfaqëson shtetin e Kosovës, duke sulmuar gjithë mbrojtësit e tij. As mungesa e flamurit amerikan në takimin e Gërvallës me Palmerin nuk ishte aksidentale, sikurse nuk është as përçmimi i figurës së Vokerit. Dje nga rruga e opozita, e sot nga pushteti, Kurti dhe të tjerët nuk lanë pa lëvizur gurë të themelit të shtetësisë së Kosovës për ta dorëzuar të shembur në tavolinën e Lajçakut. Kosova e Kurtit do të ulet në tavolinën e bisedimeve me Serbinë me letrën e dëshmisë së tyre përmbi, si një shtet kriminal i rezultuar nga një organizatë kriminale. Me imazhin e konstruktuar për opinionin ndërkombëtar të një Kosove kriminale, me historik kriminal, në prag të një marrëveshje të ndërmjetësuar dhe të ndikuar nga komuniteti ndërkombëtar. Të gjithë ata që kanë dashur ta dinë, e kanë ditur se mohimi i shtetësisë së Kosovës, mohimi i ushtrisë, e aq më tepër përpjekjet për defunksionalizimin e institucioneve përmes dhunës e flakës, nuk kanë qenë e as nuk do të jenë ndonjëherë argument kundër Serbisë, as cilitdo kundërshtar të Republikës së Kosovës. përkundrazi. Prandaj, për të gjithë ata që kanë jetuar realitetin, mashtrimet e Kurtit nuk përbëjnë sot habi. Ai thjesht po zbaton qëllimin e tij. Qëllimi i tij nuk ka qenë asnjëherë që ta sfidoj Serbinë, as s’e ka sfiduar ndonjëherë. Për krimet e ushtarëve të Ushtrisë Çlirimtare të Kosovës më nuk po flet Serbia. Këtë rol për mediat ndërkombëtare po e bëjnë dhe po e kryejnë qysh është më së miri vartës së Kurtit. Po flas për Kurtin i cili me mirësjellje kërkon leje për vizitën në Manastir të Deçanit, ndërkohë që ka edhe institucionin burimor të sovranit të Kosovës dhe çdo institucion tjetër publik. Hesht ndaj Rakiqit, ndërsa sulmon me molotov çdo udhëheqës shqiptar. 12 Kurti dhe të tjerët kanë sfiduar vetëm shtetin e Kosovës, prandaj sot nuk e kanë as idenë më të vogël sesi të improvizojnë drejtimin e këtij shteti. E ata që besonin përrallën e Kurtit për barazinë sociale, për shanse të barabarta në punësim, për lulëzim ekonomik, fitimin e dinjitetit me reciprocitet, sot janë të revoltuar dhe të mashtruar. Ata që donin ta besonin Kurtin, i cili me lehtësinë e padurueshme luante me ndjenjat e familjarëve të të pagjeturve, viktimat e çdo të prekur nga lufta, duke u premtuar atë që do ta shkelte sapo të vinte në pushtet, sot ndjehen të dëshpëruar, sot më shumë se kurrë ndjehen të tradhtuar. |
|
Drejta të Njeriut |
Faleminderit e nderuar nënkryetare!
Të nderuar kolegë,
Një reagim i vonë mund të jetë më i vlefshëm sesa mungesa e reagimit, por ka të ngjarë që as e
para dhe as e dyta nuk e zgjidhin problemin. Për dhunën në shkolla, për atë fizike më shpesh e
krejt
Lexo më shumë
Faleminderit e nderuar nënkryetare! Të nderuar kolegë, Një reagim i vonë mund të jetë më i vlefshëm sesa mungesa e reagimit, por ka të ngjarë që as e para dhe as e dyta nuk e zgjidhin problemin. Për dhunën në shkolla, për atë fizike më shpesh e krejt rrallë për dhunës psikike, për ngacmimet seksuale, për duhanin, alkoolin, drogën, për vjedhjet dhe demolimet. Është folur pak e është vepruar shumë pak deri më tash. Deri tash institucionet janë ngjallur vetëm kur është dashur që të shënohet ndonjë ditë a datë e veçantë dhe kanë pasur reagim vetëm atëherë kur ka ndodhur ndonjë rast i dhunës që është bërë medial. Besoj që sot pajtoheni të gjithë që reagimi i vonë nuk është zgjidhja. Zgjidhja është vetëm intervenimi i hershëm dhe kjo bëhet vetëm atëherë kur e kuptojmë, por edhe e pranojmë që për diçka të tillë është bërë shumë pak dhe kanë dështuar edhe institucionet, por edhe ne si pjesë të kësaj shoqërie. Mund të jetë krejt e pashpjegueshme për dikë se si të gjitha llojet e dhunës janë kthyer në një praktikë të pranueshme, që mund të modelohet në të ardhmen nga ata që janë fëmijë sot, e mund të jenë prindër nesër. Duke u rritur në një ambient ku dhuna psikologjike është ushqimi i mëngjesit, drekës dhe darkës, fëmijët jo vetëm që përjetojnë traumë psikologjike, por rrezikojnë të kthehen në ushtrues të dhunës psikologjike nesër. Dhe sa kushton një intervenim i vonë mund ta kuptoni edhe në të dhënat e hulumtimeve të fundit shkencore nga psikologjia, përkthyer ndryshe praktikisht, dhuna fizike sot ka qenë dje dhunë psikike e nesër mund të jetë vrasje apo vetëvrasje. Prandaj, për të mos qenë vonë, duhet ta bëjmë praktikë intervenimin e hershëm. Atë lloj intervenimi që e përfshin secilin institucion, ku marrin edukatën dhe ndërtojnë personalitetin fëmijët tanë. Në familje, që shpesh kthehet në një strehë të pasigurt, në shkollë, aty ku fëmijët jo rrallë fyhen dhe etiketohen, edhe nga bashëmoshatarët, e fatkeqësisht edhe nga mësimdhënësit. Në lagje, aty ku ndodh jo rrallë dhuna fizike. 13 Qeveria e re ka para vetes një problem që është trashëguar dhe trashu |
|
Dialog |
Faleminderit, kryesuese!
E pashë të arsyeshme të presim pak mos kryeministri do të jetë prezent në seancë. Ka qenë vizita
e partnerëve, miqve ndërkombëtarë këto ditë dhe sigurisht tema kryesore është dialogu dhe
fokusi në dialog. Po nga ajo çka po rap
Lexo më shumë
Faleminderit, kryesuese! E pashë të arsyeshme të presim pak mos kryeministri do të jetë prezent në seancë. Ka qenë vizita e partnerëve, miqve ndërkombëtarë këto ditë dhe sigurisht tema kryesore është dialogu dhe fokusi në dialog. Po nga ajo çka po raportohet dhe të cilat do të dëshironim të kemi disa pyetje për Kryeministrin e Republikës së Kosovës për takimin e pritur tash me presidentin e Serbisë, Aleksandër Vuçiq. Ishte interes i yni ta dimë se a do të ketë takim tani në qershor dhe eventualisht a janë plotësuar kriteret nga rezoluta e Kuvendit të Kosovës dhe thirrjet e Vetëvendosjes që nuk do të ketë takim pa kërkuar falje për krimet dhe gjenocidin në Kosovë, pa paguar apo marrë përgjegjësinë për dëmet e luftës dhe pa kthyer të pagjeturit. Nëse do të ketë një takim para tyre, atëherë cila është përgjegjësia apo fjala e dhënë, kërkesat, sulmet, etiketimet në të kaluarën. Besoj që Kryeministri do të vijë, ose do të ketë një përgjigje. Nëse nuk do të ketë takim, atëherë ne mbesim me shpresë se do të mbahen këto fjalë dhe këto premtime do të realizohen para takimit me vazhdimin e asaj që është quajtur politikë e kasapit të Ballkanit, zëdhënësit të Milosheviqit, Aleksandër Vuçiq. |