Pyetjet parlamentare
Emri | Sektori | Pyetja | Drejtuar | Përgjigja |
---|---|---|---|---|
Kulturë |
Faleminderit, kryetar! I nderuar kryeministër, Kabinet qeveritar, Të nderuar deputetë, Të dashur qytetarë, Mbrojtja dhe kultivimi i trashëgimisë kulturore në Kosovë, është fusha më delikate dhe më e cenuar ndër vite. Ka shumë pritje në lidhje me daljen n
Lexo më shumë
Faleminderit, kryetar! I nderuar kryeministër, Kabinet qeveritar, Të nderuar deputetë, Të dashur qytetarë, Mbrojtja dhe kultivimi i trashëgimisë kulturore në Kosovë, është fusha më delikate dhe më e cenuar ndër vite. Ka shumë pritje në lidhje me daljen në pah të kësaj pasurie, e cila, po ashtu do të ishte paraprijëse e një programi të vërtetë turistik të Kosovës. I nderuar ministër, Sa monumente, objekte apo komplekse të fondit tonë të Trashëgimisë Kulturore janë duke u punuar aktualisht nga projektet me bashkëpunimet e Ministrisë së Kulturës, Rinisë dhe Sportit, dhe cilat janë planifikimet që keni për vitin 2023? Faleminderit! |
Hajrullah Ceku | Po | |
Infrastrukturë |
E kam një pyetje për ministrin. Magjistralja Podujevë-Prishtinë është bërë një nga rrugët më problematike dhe më të kobshme për drejtuesit e automjeteve dhe të udhëtarëve, si dhe kjo rrugë tanimë njihet edhe me ermin si “rruga e vdekjes”. Jan
Lexo më shumë
E kam një pyetje për ministrin. Magjistralja Podujevë-Prishtinë është bërë një nga rrugët më problematike dhe më të kobshme për drejtuesit e automjeteve dhe të udhëtarëve, si dhe kjo rrugë tanimë njihet edhe me ermin si “rruga e vdekjes”. Janë të dhembshme lajmet kur dëgjojmë se dikush humb jetën në komunikacion në këtë rrugë, e cila ka mbetur e papërfunduar me xhepa, me shumë rreth-rrotullime, pa sinjalizime dhe shenja të mjaftueshme të komunikacionit, të cilat po e rrezikojnë jetën e qytetarëve përditë e më shumë. Pyetje: Duke filluar nga viti 2011-2021 në rrugën Podujevë-Prishtinë sa është gjithsej numri i aksidenteve, numri i qytetarëve që kanë përfunduar me fatalitet vdekje dhe lëndime, mosha e të vdekurve dhe të lënduarve, numri i veturave të aksidentuara dhe mundësisht nëse keni të dhëna edhe për vlerat dhe dëmet materiale të shkatërruara me rastin e këtyre aksidenteve. |
Xhelal Sveçla | Po | |
Infrastrukturë |
Zoti ministër, po më intereson te rastet që kanë përfunduar me fatalitet. Po thua diku 57 qytetarë kanë pësuar me vdekje. Po më intereson a janë përfshirë këto të dhëna vetëm në momentin që ka ndodhur rasti, apo a keni edhe të dhëna që pas lëndimeve apo
Lexo më shumë
Zoti ministër, po më intereson te rastet që kanë përfunduar me fatalitet. Po thua diku 57 qytetarë kanë pësuar me vdekje. Po më intereson a janë përfshirë këto të dhëna vetëm në momentin që ka ndodhur rasti, apo a keni edhe të dhëna që pas lëndimeve apo ndërkohë nga pasojat e këtyre lëndimeve kanë pësuar edhe qytetarë të tjerë. Po më intereson a janë përfshirë edhe këto të mundshmet, a keni të dhëna për këtë? Edhe si shqetësim ka qenë imi, ndër të tjera se për katër muaj kanë ndodhur 6 mijë aksidente në Kosovë, 31 qytetarë kanë vdekur 4 mijë janë të lënduar. Ekspertët e komunikacionit një ndër shkaqet e aksidenteve kanë thënë që është edhe ka qenë shpejtësia, punimet në rrugë, rrugët e papërfunduara e tjera. Faleminderit! |
Xhelal Sveçla | Po | |
Financa |
Pyetja është si vijon: A do ta rishikoni buxhetin, kjo pyetje është shtruar para rishikimit të buxhetit dhe me këtë rishikim a do të merrni parasysh dhe të përfshini koston e Ligjit të pagave me rritjen e kostos së pagës minimale, pyetja e parë ose nënpy
Lexo më shumë
Pyetja është si vijon: A do ta rishikoni buxhetin, kjo pyetje është shtruar para rishikimit të buxhetit dhe me këtë rishikim a do të merrni parasysh dhe të përfshini koston e Ligjit të pagave me rritjen e kostos së pagës minimale, pyetja e parë ose nënpyetje e kësaj pyetjeje. Pjesë tjetër e kësaj pyetje është rritja e kostos, pra të përfshihet kosto ose sa kushtojnë të gjitha pensionet bazë të pagës minimale, përfshirë këtu edhe pensionet e të gjitha kategorive të lirisë. A do të mund t’i ndani buxhet shtesë Ushtrisë së Kosovës, pra në këtë rishikim dhe a do të mund të ndani buxhet ose të merrni hua apo kredi të buta për gazsjellësi Shkup-Prishtinë, pra a do të keni ndonjë mënyrë të re të financimit të këtij gazsjellësi? Pyetja veç për saktësi është bërë më 19 maj 2022, pra është një pyetje e 19 majit para ardhjes deri te diskutimi ose rishqyrtimi i buxhetit. Megjithatë kërkoj përgjigje prej kryeministrit për këto çështje të cekura, pra kostoja e Ligjit të pagave është e paraparë në pjesën që po vjen, a do të vijë njëherë ai ligj? Kosto e pensioneve bazë dhe e kategorive të lirisë, buxhet shtesë për Ushtrinë e Kosovës a do të mund të ndahen ndonjë buxhet shtesë. Edhe së fundi, a ka ndonjë mënyrë të re të financimit të gazsjellësit ShkupPrishtinë? |
Albin Kurti | Po | |
Financa |
Lidhur me buxhetin për ushtrinë i kam dy nënpyetje. Së pari, kryeministër, a ka pengesa që vendimin që është legjitim për Fondin për Siguri ta ngreni në nivel të një ligji, të na e sillni në nivel të një ligji këtu në Parlament, a ju pengon diçka, është
Lexo më shumë
Lidhur me buxhetin për ushtrinë i kam dy nënpyetje. Së pari, kryeministër, a ka pengesa që vendimin që është legjitim për Fondin për Siguri ta ngreni në nivel të një ligji, të na e sillni në nivel të një ligji këtu në Parlament, a ju pengon diçka, është problem të bëhet, ju premtoj votën tonë të Aleancës në këtë rast nëse e sillni të njëjtin, pa asnjë ndryshim. Dhe, e dyta, a jeni në dijeni që keni vonesa me implementim të buxhetit. Pra, Ministria e Mbrojtjes nuk po arrin të investojë buxhetin, ne po kërkojmë prapë të jepet më shumë, se e dimë që është urgjente gjendja, mirëpo a jeni në dijeni që ka ngecje në implementim të buxhetit? |
Albin Kurti | Po | |
Dialog |
Faleminderit, kryeparlamentar! I nderuar Kabinet qeveritar, Të nderuar qytetarë, Ju e dini që unë kam prejardhjen prej Pejës, më saktë, vij nga Rugova, një vatër me traditë për shumë çka. Arsyeja pse unë e kam ngritur këtë pyetje dhe këtë çështje është p
Lexo më shumë
Faleminderit, kryeparlamentar! I nderuar Kabinet qeveritar, Të nderuar qytetarë, Ju e dini që unë kam prejardhjen prej Pejës, më saktë, vij nga Rugova, një vatër me traditë për shumë çka. Arsyeja pse unë e kam ngritur këtë pyetje dhe këtë çështje është prononcimi i fundit i presidentit të Malit të Zi, zotit Gjukanoviq, lidhur me gatishmërinë e tij pro rishikimit dhe përmbylljes së çështjes së demarkacionit mes Kosovës dhe Malit të Zi. Ju e dini fort mirë që Komisioni i ri shtetëror, i themeluar në vitin 2017, ka gjetur diskrepanca në raport me Komisionin Mehaj, i cili paraprakisht e pati bërë një shikim të vijës kufitare. Bazuar me marrëveshjen e vitit 2015 në Vjenë, pra është pika 9, neni 12, bazuar në ligjin dhe me marrëveshjeve të nënshkruara nga ana e dy presidentëve të Malit të Zi zotit Vujanoviq dhe zotit Thaçi nga ana jonë, për rishikimin dhe eventualisht korrigjimin e vijës kufitare në drejtim të Çakorrit dhe të Kullës së Zhlebit, pyetja ime për juve është kjo: A e keni në plan që të formoni komisionin e ekspertëve për rishikim të vijës kufitare ndërmjet Malit të Zi dhe Kosovës dhe, nëse po, kur e keni në plan? Faleminderit! |
Albin Kurti | Po | |
Shëndetësi |
Megjithatë, do ta parashtroj pyetjen. Ministrit i dëshiroj shërim të shpejtë, sepse na është lajmëruar përmes një sekretarie që sot nuk do të jetë këtu për shkak të gjendjes së rëndë shëndetësore, ndërsa në fakt mbrëmë e kam parë në një takim dhe në një
Lexo më shumë
Megjithatë, do ta parashtroj pyetjen. Ministrit i dëshiroj shërim të shpejtë, sepse na është lajmëruar përmes një sekretarie që sot nuk do të jetë këtu për shkak të gjendjes së rëndë shëndetësore, ndërsa në fakt mbrëmë e kam parë në një takim dhe në një pritje të organizuar nga Ambasada Sllovene dhe u gëzova që ministri është mirë me shëndet. Çështja që e kam ngritur për ministrin ka qenë anulimi, jo i konkursit, po përjashtimi i 1200 profesionistëve shëndetësorë, të cilët janë angazhuar në kohë pandemie dhe kemi menduar se çfarë do të bëhet me fatin e tyre. Mirëpo, në momentin që Qeveria Kurti e ka emëruar një ministër të tillë, si zoti Rifati, dhe duke e ditur që vjen prej një vendi demokratik dhe e ka një kulturë të mirë menaxheriale, edhe ne si deputetë të opozitës dhe si opozitë kemi shpresuar që vërtet ato praktika të mira do t’i sjellë këtu dhe që do të kemi një menaxhim më të mirë të sistemit shëndetësor. Unë e kisha lutur ministrin, bashkë me kryeministrin, të shkojnë të bëjnë vizitë në Qendrën Klinike Universitare dhe në spitalet rajonale dhe t’i shohin radhët e gjata të pacientëve që presin për ta marrë një trajtim dhe sidomos radhët e gjata të listave të pritjes. Nëse ju rastis, unë isha me një rast familjar, kanë ardhur njerëzit që të pranohen për operim dhe ju thuhet se ka mungesë të barnave. Domethënë, mungojnë barnat më esenciale. Dhe, ata detyrohen të kthehen. Unë i kam parë ankesat e qytetarëve që janë ankuar, se nuk kanë para që të vijnë edhe një herë tjetër, për shkak se kanë ardhur prej një vendi të largët rural dhe veç udhëtimi prej atij vendi deri në Qendrën Klinike Universitare u ka kushtuar diku rreth 40 – 50 euro dhe ishte e çuditshme... |
Rifat Latifi | Jo | |
Qeverisje Lokale |
Po, meqë ministri është këtu, po ia parashtroj edhe pyetjen që e kam parashtruar edhe me shkrim në kohën e rregullt, sipas Rregullores së Kuvendit. Në rajonin e Gjilanit kemi komuna me shumicë serbe që udhëhiqen nga persona që njëkohësisht udhëhiqen edhe
Lexo më shumë
Po, meqë ministri është këtu, po ia parashtroj edhe pyetjen që e kam parashtruar edhe me shkrim në kohën e rregullt, sipas Rregullores së Kuvendit. Në rajonin e Gjilanit kemi komuna me shumicë serbe që udhëhiqen nga persona që njëkohësisht udhëhiqen edhe komunat paralele serbe. Pra, i njëjti person paguhet nga buxheti i Kosovës për ta udhëhequr një komunë, njëkohësisht paguhet edhe nga Serbia për të shkatërruar rendin kushtetues të asaj komune. I nderuar ministër, Lejimi i kandidimit të personave të tillë, e pastaj edhe zgjedhja e tyre si kryetarë komunash, a përbën shkelje kushtetuese dhe a keni ndonjë plan konkret për parandalimin e infiltrimit të këtyre personave në sistemin tonë qeverisës dhe a do të ndërmerrni ju ndonjë hap si ministër për rastin në fjalë? |
Elbert Krasniqi | Po | |
Financa |
: Faleminderit, kryetar i Kuvendit! I nderuar kryeministër, Gjatë Forumit ekonomik që është mbajtur në Davos ju e keni takuar edhe kryeministrin e Malit të Zi, Abazoviqin. Po edhe gjatë takimit të fundit, që ishte presidenti i Malit të Zi, Gjukanoviqi, i
Lexo më shumë
: Faleminderit, kryetar i Kuvendit! I nderuar kryeministër, Gjatë Forumit ekonomik që është mbajtur në Davos ju e keni takuar edhe kryeministrin e Malit të Zi, Abazoviqin. Po edhe gjatë takimit të fundit, që ishte presidenti i Malit të Zi, Gjukanoviqi, i thanë që rrugët, infrastruktura dhe prioritet janë rrugët Deçan - Plavë dhe rruga Pejë - Rozhajë. Dhe, e keni konfirmuar edhe ju pas takimit që e keni pasur në Davos. Ne e dimë që kjo rrugë s’ka qenë prioritet i kësaj Qeverie, bile-bile është thënë se po bëhet një rrugë për bjeshkë, është akuzuar edhe zoti Haradinaj. Por, nuk ka rëndësi. Me rëndësi është, që ju po mendoni se janë dy rrugë infrastrukturore që ndikojnë në zhvillimin ekonomik, edhe të Kosovës, edhe të Malit të Zi, por njëkohësisht janë rrugë që lidhin popujt dhe qytetarët, e sidomos ne që në Mal të Zi e kemi popullatën e Plavë, Gusi, Vuthaj, që janë shumica shqiptarë e që është me interes jetik. Unë pyetjen e pata parashtruar se a do të ketë në rishikim të buxhetit shtim të buxhetit, sepse është ndarë veç një 500 mijë euro. Po e shohim që nuk do të ketë rishikim të buxhetit dhe ka kaluar ajo fazë, por a do të jenë prioritet këto rrugë, edhe Deçan - Plavë, edhe Pejë - Rozhajë në buxhetin e vitit të ardhshëm? |
Albin Kurti | Po | |
Kulturë |
Më falni, s’po bën mikrofoni, kryetar! Ndoshta merret dikush dhe e rregullon këtë, po edhe votimin elektronik. I nderuar ministër, Më 31 maj ministria që ju udhëhiqni ka publikuar Udhëzimin administrativ nr. 01/2022 për kushtet, kriteret dhe proced
Lexo më shumë
Më falni, s’po bën mikrofoni, kryetar! Ndoshta merret dikush dhe e rregullon këtë, po edhe votimin elektronik. I nderuar ministër, Më 31 maj ministria që ju udhëhiqni ka publikuar Udhëzimin administrativ nr. 01/2022 për kushtet, kriteret dhe procedurat e themelimit, e të licencimit dhe rivlerësimit të federatave dhe organizatave sportive. Me këtë Udhëzim administrativ do të duhej të rregulloheshin procedurat e veçanta të rivlerësimit dhe licencimit, pezullimit apo revokimit të parakohshëm të licencave të federatave përkatëse.Përkundur përpjekjes së zyrtarëve të Ministrisë së Kulturës, të Rinisë dhe Sportit që punuan në draftin e këtij udhëzimi, e që u publikua edhe në media, ishte shumë i avancuar sa i përket kodit etik dhe qeverisjes së mirë, që ishte edhe në harmoni edhe me kriteret e Komitetit Olimpik Ndërkombëtar dhe federatave ndërkombëtare. Ju keni nënshkruar një Udhëzim administrativ që legjitimon kriminelët e dënuar për vepra penale nga më të ndryshme që të jenë pjesë e federatave sportive. Sipas nenit 11 të këtij Udhëzimi administrativ, ju keni thënë: “Asnjë federatë nuk mund të licencohet në rastet kur në organet drejtuese të tyre përgjegjësitë i ushtrojnë personat e dënuar me vendim të formës së prerë në ndonjë nga veprat penale të përcaktuara në kapitullin 33 të Kodit Penal, të cilat ndërlidhen me korrupsionin zyrtar dhe vepra penale”. Pra, ju keni amnistuar të gjithë kriminelët e dënuar nga kapitujt e tjerë të Kodit Penal, përfshirë këtu të gjithë ata që kanë kryer vepra terroriste, të gjithë ata që kanë kryer kontrabandë me njerëz, trafikim me narkotikë, vrasje të rëndë, kanosje, rrëmbim, torturë. Pra, të gjithë ata që kanë ushtruar dhunë në familje dhe janë dënuar për këtë, narkotikë, kontrabandë me njerëz, grupe të organizuara kriminale, pastaj ata që kanë qenë të dënuar për vjedhje të rëndë ose për grabitje të bankave, nesër mund t’i kemi kryetarë të federatave sportive, sepse i keni legjitimuar me Udhëzim administrativ. Ose, nesër një hajdut...Pra, të gjithë ata që janë të dënuar për kryerje të veprave penale, mund të jenë udhëheqës të federatave sportive. I nderuar ministër, Pyetja ime është: a jeni të vetëdijshëm se çfarë dëmi i keni bërë sportit me këtë Udhëzim administrativ? A e dini që e keni hapur rrugën për lloj-lloj kriminelësh që të jenë pjesë e federatave sportive dhe me këtë keni dëmtuar rënd imazhin e federatave sportive, duke ua hapur rrugën kriminelëve që të jenë pjesë e federatave. I largoni njerëzit e ndershëm dhe biznesmenët që janë të interesuar të investojnë. Prandaj, i nderuar ministër, Cila ka qenë arsyeja dhe motivi që e ndërruar draft-udhëzimin administrativ dhe ua hapët rrugët kriminelëve që të jenë pjesë të federatave? |
Hajrullah Ceku | Po |