Faleminderit, kryetar! E nderuar ministre, MASHT-i më 5. 9. 2019 kishte lidhur kontratë trevjeçare me procedurë të negociuar pa publikim për blerjen e licencave për përdorimin të pakufizuar kohor të softverëve për gjuhën shqipe dhe kompjuterin në vlerë prej 4 milionë e 392 mijë eurosh. Ministria kishte përgatitur planin ideor të këtij projekti, mirëpo nuk dihet se cilët zyrtarë, staf, e kanë përgatitur dhe hartuar këtë plan dhe nëse si i tillë ishte aprovuar nga menaxhmenti i ministrisë. MASHT-i i është drejtuar Agjencisë së Shoqërisë së Informacionit për të marrë pëlqim për inicimin e projektit. Komisioni i ASHI-së ka vlerësuar që nuk është kompetent dhe ka sugjeruar që ky vlerësim të merret në Qeveri. Në përgjigjen e ASHI-së po ashtu është njoftuar MASHT-i dhe korrektuesi i gjuhës shqipe është i blerë me MAP në atë kohë, sa së bashku me licencat e Microsoftit, si pako në Ofis 2016 dhe nuk duhej të përfshihej në termet e referencës dhe të paguhej edhe një herë. Menaxhmenti në vendimin e datës 10. 9. 2019 kishte caktuar menaxherin e projektit dhe organin mbikëqyrës të projektit. Auditori nuk ka gjetur dëshmi që ky organ është funksionalizuar dhe nëse është duke mbikëqyrur realizimin e këtij projekti. Më 23. 9. 2019 MASHT kishte paguar 1,5 milion euro, sipas raportit të pranimit të punëve, ku kishte caktuar një vlerë për tri lloje të aplikacioneve, përderisa një vlerë e tillë nuk ishte specifikuar në kontratë apo në plan të menaxhimit të kontratës. Pra, nuk ka ndonjë referencë si ishin caktuar këto vlera për këto pozicione. Duke marrë parasysh të gjeturat e auditorit, cilët do të jenë hapat që do të ndërmerrnin në lidhje me këtë projekt. A do t’i drejtoheni prokurorisë, a do t’i ndërprisni pagesat për këtë projekt?

Faleminderit, kryetar! Përveç kësaj pagese 1,5 milion euro, deri në kohën që po flasim është paguar edhe një pagesë tjetër, vlera e së cilës po ashtu është 1,5 milion euro. Kanë mbetur të papaguara diku edhe 1 milion e 300 mijë euro, a është bërë pezullimi i këtyre pagesave, a do të vazhdohet me pagesa apo do të pritet rezultati nga hetuesia. Duke marrë parasysh që ky projekt është fituar me kontratë të negociuar dhe përveç tjerash, është përfituar nga një organizatë joqeveritare që nuk i ka paguar as edhe një taksë shtetit në këtë tender mbi 4 milionë eurosh, do të thotë kjo është ndoshta pak edhe më shumë si informatë, e cila duhet të dihet edhe nga deputetët, edhe nga publiku. Mirëpo a do të vazhdohet me pagesë, për shkak qemë buxhetin për vitin 2022 me atë sa kam informacion, është vlera e paraparë në këtë vijë buxhetore mbi 1 milion e 300 mijë euro

Faleminderit, kryetar! Çështja ka të bëjë me mungesën e kreonit për të sëmurët me fibrozë cistike. I nderuar ministër, Duke parë mungesën e furnizimit me barna për të sëmurët me fibrozë cistike, në veçanti me kreonin, ku të sëmurët me fibrozë cistike nuk mund të t’ia dalë pa të. Jemi të shqetësuar me gjendjen e tyre. Pse ka ndodhur që të mbeten pa kreon për një kohë shumë të gjatë kur dihet që kreoni vjen kryesisht si donacion. Çfarë keni bërë që kreoni dhe barnat e tjerë për të sëmurët me fibrozë cistike të kenë furnizim të rregullt me barnat e nevojshme?Besoj që jeni në dijeni që është një sëmundje jashtëzakonisht e rëndë dhe që problemin edhe kur nuk ofrohen nga ministria ato, nuk mund t’i gjejnë barnat e tyre as në barnatoret në Kosovës, mirëpo duhet që të intereson dhe jashtë vendit të furnizohen me këto, që përveç tjerash, kanë kosto jashtëzakonisht të lartë. Është goxha problematike situata e krijuar tash e disa muaj për këtë çështje. Kishim dashur ta dimë se cilët hapa janë ndërmarrë apo pritet të ndërmerren në lidhje me këtë problem. 

Faleminderit, kryetar! Gjatë kohës sa e bëra pyetjen më erdhi një mesazh prej një prindi që e ka një të sëmurë me fibrozë cistike, ku thotë: sot, për shkak të mungesë së adekut, djalin e kam shtrirë në spital. Edhe veç kreoni 5 mijë, dhe të tjera barna nuk ka spital me të cilat mund të furnizohemi dhe që mund t’i marrim. Ky kreoni 6 mijë është për fëmijët në moshë shumë të vogël ose foshnjat e porsa lindura, por moshat e tjera e kanë të pamundur të furnizohen me kreon, kështu që në këtë përgjigje ndoshta do ishte mirë që ministri të kërkojë informacion më të saktë prej atyre që janë aty duke e kryer punën, për shkak se nuk është ajo që po më shkruajnë pikërisht prindërit e këtyre të sëmurëve me këtë sëmundje të rrallë.