Faleminderit, kryetar! Kabinet qeveritar, Të nderuar kolegë deputetë, I nderuar ministër Hekuran, i dimë veprimet e shumta, edhe me greva shumëditëshe, por jo vetëm, të ish-punëtorëve të Fabrikës së Gypave, të cilët i kanë bërë deri në vendimin e datës 19 mars 2014, ku Gjykata Kushtetuese rastin KI08/09 të datës 17 dhjetor 2010 e ka marrë në dobi të këtyre punëtorëve. Ministër Murati, edhe ti edhe unë vijmë nga po i njëjti qytet, ku ka funksionuar Fabrika e gypave dhe prej nga vijnë këta punëtorë, ju lutem, më informoni mua dhe përmes kësaj foltore të gjithë ata punëtorë se cila është qasja jonë ndaj çështjes së këtyre punëtorëve?