Deklarimet
Emri | Sektori | Çështja |
---|---|---|
Drejtësi |
Të nderuar kolegë deputetë dhe kolege deputete,
I nderuar kryetar i Kuvendit,
Qytetarë të dashur,
Jemi në muajin qershor, kur shënojmë ditët e çlirimit të qyteteve të Kosovës, ashtu sikur edhe
çlirimin e gjithë Kosovës dhe largimin e forcave pushtues
Lexo më shumë
Të nderuar kolegë deputetë dhe kolege deputete, I nderuar kryetar i Kuvendit, Qytetarë të dashur, Jemi në muajin qershor, kur shënojmë ditët e çlirimit të qyteteve të Kosovës, ashtu sikur edhe çlirimin e gjithë Kosovës dhe largimin e forcave pushtuese serbe nga vendi ynë. Pas sakrificës të popullit të Kosovës, pas luftës së lavdishme të Ushtrisë Çlirimtare si dhe pas ndërhyrjes së forcave të NATO-s, Kosova tash e 22 vjet shënon dhe përkujton ditët e çlirimit dhe sakrificën e të rënëve për liri. Të rënët dhe emrat e tyre janë dëshmia e historisë së popullit tonë, ata lanë gjurmë me jetët e tyre. Varrezat e dëshmorëve, përmendoret, pllakat përkujtimore, shtëpitë muze, bustet dhe shtatoret janë vetë historia dhe dëshmia e sakrificës së popullit tonë në luftën për liri. Në respekt të historisë dhe në mirëmbajtje të kujtesës, duhet bërë gjithçka që këto ditë përkujtimore ta kenë përkushtimin tonë maksimal, veçanërisht përkushtimin e institucioneve që e kanë për obligim mirëmbajtjen me dinjitet të kësaj kujtese. Agjencia për Mbrojtjen e Memorialëve, komunat e Kosovës dhe organizatat e veteranëve të luftës së UÇK-së duhet ta kenë përkushtimin dhe kujdesin e tyre, duke u angazhuar në mirëmbajtje të varrezave të dëshmorëve, përmendoreve, busteve dhe shtatoreve të heronjve çdo ditë të vitit, por në veçanti në ditët përkujtimore. Edhe ashtu do të duhej të kishim më shumë përmendore e monumente, por së paku t’i mirëmbajmë me dinjitet ato që i kemi. 4 Jemi dëshmitarë që, me gjithë përkushtimin dhe angazhimin e familjarëve të dëshmorëve dhe veteranëve, institucionet përkatëse nuk e kanë bërë punën e mjaftueshme që memoria historike ta ketë mirëmbajtjen më të mirë të mundshme. Flamuj kombëtarë të grisur nga era, apo barë i thatë mbi varreza. Lule dhe kurora të shpërndara gjithandej, e në disa raste edhe pllaka të thyera. Për shoqërinë tonë janë plagë më të rënda sesa plagët që morën të rënët në luftë. Në këta dy përvjetorët e fundit të çlirimit të Kosovës ishte pandemia që na ndau nga tubimet dhe akademitë përkujtimore, por asgjë nuk do të duhej të na ndalte që rrugicat deri te vari i dëshmorit të ishin më të pastruara e më të shtruara, që flamujt pranë përmendoreve dhe varrezave të mos ishin të vjetruar dhe të grisur nga era, që rrethojat e komplekseve përkujtimore të mos ishin të rrëzuara apo që shkronjat mbi varrin dhe lapidarin e dëshmorit të mos shlyheshin. Në shumë raste nuk ka munguar përkujdesja ndaj këtyre monumenteve nëpër komuna, po asnjëherë nuk është i tepërt angazhimi ynë maksimal që kujtesa historike dhe përkushtimi ndaj të rënëve për liri të jetë gjithmonë e freskët. Qeveria e Kosovës ka vë një hap të madh dhe vendimtarë që kjo kujdes historike të jetë e përhershme dhe përkujtimi për të rënët të jetë sa më i dinjitetshëm. Prandaj, formimin e Komunitetit ndërministror për projektin e Kompleksit Memorial Adem Jashari në Prekaz le ta marrim si një motiv shtesë të angazhimit edhe për pushtetin lokal në ruajtjen e vlerave tona kombëtare e historike. Qeveria e Kosovës do të vazhdojë edhe më tej në ruajtjen edhe mirëmbajtjen e dinjitetshme të kësaj kujtese historike. Do të ketë edhe projekte të tjera të mëdha. Por, po ashtu kërkojmë edhe nga kryetarët e komunave, edhe nga Agjencia për Mbrojtjen e Monumenteve Historike që familjeve të dëshmorëve dhe veteranëve të luftës t’ua lehtësojë ditët e përkujtimit për familjarët dhe bashkëluftëtarët e rënë për liri. Ashti siç vlera e luftës së UÇK-së duhet të jetë vlerë e pacenueshme, po ashtu edhe kujtesa historike duhet të jetë e freskët dhe e mirëmbajtur me dinjitet. Me këtë rast, në emër të Grupit Parlamentar të Lëvizjes Vetëvendosje, të gjithë qytetarëve të Kosovës, familjarëve të dëshmorëve dhe në veçanti bashkëluftëtarëve të mi u uroj ditët e çlirimit të Kosovës, kurse dëshmorëve që dhanë jetën për liri, Lavdi e përjetshme! |
|
Financa |
Përshëndetje të gjithëve,
I nderuar kryetar,
Të nderuar deputetë,
Që nga fillimi i punës të kësaj Qeverie kam parë një tendencë të merret me tema abstrakte që nuk
e prekin drejtpërdrejt jetën e qytetarëve. Jemi në pandemi, ku buxheti familjar çdo he
Lexo më shumë
Përshëndetje të gjithëve, I nderuar kryetar, Të nderuar deputetë, Që nga fillimi i punës të kësaj Qeverie kam parë një tendencë të merret me tema abstrakte që nuk e prekin drejtpërdrejt jetën e qytetarëve. Jemi në pandemi, ku buxheti familjar çdo herë e më 5 shumë po tkurret. Familjet po rëndohen ma barrë financiare dhe kosto të papërballueshme shëndetësore. Prandaj, jam këtu t’ju njoftoj që sot kam iniciuar Projektligjin për rregullimin e çmimit të barnave medicinale. Është ligj që mbron xhepin e qytetarëve, ndalon abuzimin dhe lufton korrupsionin. Siç kam thënë shumë herë në këtë Kuvend çështja e rregullimit të çmimit të barnave është çështje jopolitike që na takon të gjithëve. Në maj të vitit 2019, atëherë si ministër i Shëndetësisë, pata nënshkruar Udhëzimin administrativ për rregullimin e çmimit të barnave, me qëllim që një herë e përgjithmonë të ndalohet abuzimi me çmime të barnave. Për mua, por edhe për të gjithë qytetarët e Kosovës implementimi i këtij udhëzimi ka qenë çështje e mbyllur, fatkeqësisht, edhe pse u nënshkrua, implementimi nuk ndodhi asnjëherë, përkundrazi, prapë pamë kontrata, të cilat nënshkruheshin me çmime deri në 2000% më të shtrenjta, pamë qytetarët tanë që ilaçet e 20 eurove gjatë pandemisë i blinin nga 200 apo 300 euro. Fillimet e pengesave për këtë reformë u panë në Qeverinë Kurti 1, eskaloi në Qeverinë Hoti, e cila një herë e anuloi udhëzimin, e pastaj, pas presionit publik, e pezulloi zbatimin e tij, asnjë hap konkret në implementim që nga ajo ditë nuk është ndërmarrë. Megjithatë duhet përmendur që kjo Qeveri Kurti 2 e ka futur në program legjislativ Ligjin për rregullimin e çmimeve të barnave, por për fundvit, për nëntor apo dhjetor. Drafte kanë ekzistuar që nga viti 2003, udhëzime të çmimeve nëpër grupe punuese, në komisione, grupe punuese, komisione, e kështu me radhë. Pra, tentativa për grupe punuese nuk kanë munguar asnjëherë, por ka munguar vullneti për konkretizimin dhe zbatimin e një politike për rregullimin e çmimit të barnave. Prandaj, duke parë tendencën për zvarritje të mëtejshme, për herë të dytë po marr një hap për konkretizimin dhe po e propozoj Ligjin për rregullimin e çmimeve të barnave. Të dashur qytetarë, Për vite me radhë Kosova ka blerë mbi 6 milionë euro më shtrenjtë barna spitalore. Për më tepër, qytetarët tanë kanë paguar 10 milionë euro më shtrenjtë për blerje të barnave në vit. Qytetarët e Kosovës ende blejnë barna më shtrenjtë në barnatoret e tyre se sa qytetarët në Shqipëri, Maqedoni dhe në Mal të Zi, për barnat e njëjta. Fatkeqësisht qytetarët e Kosovës blejnë barna të njëjta me çmime të ndryshme ditën dhe çmime të ndryshme natën. Barnat e njëjta kanë çmime të ndryshme në qytet, kanë çmime të ndryshme në fshatra. Sa më i varfër e sa më në hall qytetari, aq më i lartë çmimi i barnave. 6 Ftoj Qeverinë e Kosovës, e ministrin Vitia, që të mos e vononi vendimin e Qeverisë për këtë ligj. Pandemia edhe një herë na ka treguar që ne kemi nevojë për një shëndetësi më të zhvilluar, shërbime më të mira shëndetësore, aparatura të reja, por edhe barna të mjaftueshme në spitalet tona. Duhet ta përkrahim këtë ligj, ta ndalojmë korrupsionin me blerjen e barnave një herë e përgjithmonë, ta ruajmë xhepin e qytetarëve dhe t’ua kthejmë dinjitetin edhe farmacistëve tanë. Andaj, unë sot për pos që kam dorëzuar në Kuvend, do t’ia dorëzoj edhe ministrit Vitia një draft të këtij ligji final, duke kërkuar nga ai që të mos ngurrojë, që të mos ndalet që një herë e përgjithmonë ta ndalojë këtë abuzim të madh që po u bëhet qytetarëve tanë, që është nisur nga të tjerët e tani e ka fatin ta finalizojë edhe me ligj, do ta ketë përkrahjen tonë atëherë kur tregon guximin dhe vullnetin që ta ndalojë korrupsionin dhe abuzimin që po bohet me çmime të barnave. Faleminderit! |
|
Arsim |
Faleminderit, i nderuar kryetar!
Përfaqësues të kabinetit,
Të nderuar kolegë deputetë,
Të nderuar qytetarë,
Çështja që sot ngrita në Kuvend ka të bëjë me Ministrinë e Arsimit, edhe pse as ministrja, as
kryeministri nuk janë këtu, më vjen keq, po si
Lexo më shumë
Faleminderit, i nderuar kryetar! Përfaqësues të kabinetit, Të nderuar kolegë deputetë, Të nderuar qytetarë, Çështja që sot ngrita në Kuvend ka të bëjë me Ministrinë e Arsimit, edhe pse as ministrja, as kryeministri nuk janë këtu, më vjen keq, po sigurisht që dikush na dëgjon edhe besoj që ju përcjell. Vetëm para një jave debatuam për gjendjen në arsimin në kohë pandemie dhe të gjithë u pajtuam se gjendja nuk është aspak e mirë. Prandaj, kërkuam nga Qeveria që fusha e arsimit të bëhet prioritet, sepse kjo Qeveri meqenëse i ka numrat, e ka një mundësi të tillë. Deputetët e pozitës, por edhe Ministrja e Arsimit po vazhdojnë të bëjnë analiza dhe të bëjnë konstatime për gjendjen në arsim. Mirëpo, ju keni fituar mbi 50% të votave jo veç për të bërë analiza, jeni në krye të institucioneve të merrni vendime dhe ta bëni ndryshimin e pritur. Zoti Kurti, po ju drejtohem, po shpresoj që po na dëgjoni, juve si shef i ministrave, edhe asaj të Arsimit, lidhur më një vendim të pamençur, të dëmshëm që degradon edhe më tej arsimin. Më 31 maj ministrja Nagavci, në emër të Ministrisë së Arsimit, Shkencës, Teknologjisë dhe Inovacionit nënshkroi Protokollin e Bashkëpunimit me Kampusin evropian të Universitetit të Jorkut në Selanik-Kolegjin CITY, për ofrimin e 60 bursave për studentë nga Kosova. Bursa këto, të cilat do të financohen nga Ministria e Arsimit. Në komunikatë thuhet se përmes këtyre bursave studentë nga Kosova do të studiojnë në këtë kolegj në nivelet Bachelor, Master dhe MBA. Këto bursa do të fillojnë nga viti akademik 7 2021/2022 deri në përfundim të programit specifik akademik. Gjysma e tyre janë me tarifë 100% dhe gjysma e tyre me 50%. Në komunikatë thuhet se bashkëpunimi me Kolegjin CITY ka filluar që nga viti 2009, ndërsa numri i bursave është rritur nga viti në vit. Çka ka të keqe këtu? Sigurisht shumica prej jush do të thoni asgjë. Por më lejoni t’ju informoj se sa isha ministre e Arsimit pata ndërprerë këtë program, e fatmirësisht i njëjti nuk u vazhdua as nga ministri pasardhës. Me lejoni gjithashtu t’ju informoj se “City College” deri në 2020 ka përdorur emrin Universitetit të Sheffiled-it, tani nga viti 2020 ka bërë marrëveshje me Universitetin e York-ut. Por Universiteti Sheffield i Britanisë së Madhe, sipas Webometrics renditet i 72-i në rang botëror, ndërsa Universiteti i Sheffield-it në Greqi është i 11 mijë 979-i. Pra City College sipas Webometrics është i ranguar në pozitën 11 mijë 979-të, derisa Universiteti i Prishtinës është i ranguar në pozitën 3 022-të. Pra, City College është për 8 mijë 957 pozita më poshtë se Universiteti i Prishtinës. Më lejoni t’ju informojë, se Universiteti i Prishtinës është 4 herë më i mirë se City College në indikatorin e citimeve, edhe 3 086 pozita më lart në treguesin e ekselencës. Pse u bë kjo marrëveshje, interes i kujt është, kjo shihet qartë se nuk është as interes shtetëror dhe as interes i studentëve. I bëj thirrje kryeministrit që t’i kërkojë raport ministres së Arsimit dhe kjo marrëveshje të rishikohet dhe të anulohet menjëherë. Ky është keqpërdorim i buxhetit dhe ka qenë i tillë prej viti 2009. Mirëpo pse u vazhdua, pse u vazhdua nga ju? Ndoshta, në këtë biznes të Ministrisë së Arsimit ka punë edhe për Prokurorinë e Shtetit. Dhe kur thirreni në ndryshim, po ju them troç se ky ishte një ndryshim për të keq. Ku mbeti parulla “Duaje tënden”? Na keni kryqëzuar pse përkrahëm bizneset vendore për subvencionimin e pagës për një muaj në kohë të pandemisë. Ky kolegj është biznes privat? Plus është jashtë vendit. Me lejoni t’ju njoftoj se disa herë me mirë se ky kolegj qëndrojnë dy institucione private të arsimit të lartë në Kosovë, njëri 4 mijë dhe tjetri 3 mijë pozita të ranguara më mirë. Hyni në Webometrics dhe i shihni këto. 8 Pse nuk po jepni bursa për universitetet vendore, të cilat qëndrojnë shumë mirë të ranguara, por po jepni bursa pikërisht për një kolegj, i cili rangohet jashtëzakonisht degët në Selanik të Greqisë, ose i bëj thirrje Ministrisë së Arsimit që të ndajë bursa dhe studentët vetë të zgjedhin kolegjet, por jo të bëjnë një marrëveshje me një kolegj privat, i cili është jashtëzakonisht dobët i ranguar, siç e thashë 8 mijë e 758 pozita i ranguar më dobët, sipas Webometrics, në krahasim me Universitetin e Prishtinës. Faleminderit! |
|
Anti-Korrupsion |
Faleminderit, kryetar!
E nderuar zëvendëskryeministre,
Kabinet qeveritar,
Të nderuar deputetë,
Qytetarë të Republikës së Kosovës,
Sot jam këtu për t’i adresuar dy çështje shumë shqetësuese, të cilat po vijnë si rrjedhojë e një
logjike tepër të çud
Lexo më shumë
Faleminderit, kryetar! E nderuar zëvendëskryeministre, Kabinet qeveritar, Të nderuar deputetë, Qytetarë të Republikës së Kosovës, Sot jam këtu për t’i adresuar dy çështje shumë shqetësuese, të cilat po vijnë si rrjedhojë e një logjike tepër të çuditshme dhe tepër shqetësuese që Qeveria Kurti e ka, e cila ka filluar të përkthehet edhe në Kuvendin e Kosovës. Ka të bëjë për tendencën e partizimit, respektivisht kapjes së institucioneve të pavarura të Kuvendit të Kosovës, pra agjencive që raportojnë që janë trupa të këtij institucioni. Sa u përket punësimeve që kanë ndodhur në ministri dhe në Qeveri, normalisht që ne e kemi marrë me shqetësim faktin që në ministri dhe në Qeveri shihet qartë që ka punësime të nivelit nepotist dhe familjarë, mirëpo janë punësime politike, emërime politike, për të cilat ligjshmërish janë në rregull, përkundër faktit që zgjedhjen janë fitua që nipat, mesat e kushërinjtë janë për dasma, e nuk janë për të hyrë në Qeveri. Për këtë temë nuk po dua të ndalem, për shkak se në aspektin ligjor ju takon, është vendim juaji, e në aspektet e tjera se si ka ndodhur, nuk po dua t’i komentoj, por po dua të ndalem shumë seriozisht të flas për institucionet e pavarura. Shikoni, ky Parlament këtë javë e emëroi Komisionin për Informim dhe Privatësi. Është shumë interesant, kur ju pëlqen kritika e shoqërisë civile, që ka qenë me ju gjatë gjithë kohës, shumë i duartrokitnit. Kur ju pëlqen rekrutimi, me ekspertë të Ambasadës Britanike, thoshit “mirë, janë ndërkombëtarët”. Në momentin kur keni një rekomandim prej tyre që e kundërshton mendimin tuaj, ‘jo, ata nuk janë të mirë’. Mendoj që kjo logjikë i bën dëm vendit, mbi të gjitha i bën dëm sistemit politik dhe qeverisës që ne e kemi ndërtuar si shtet, pra të ndahet niveli i emërimeve politike, që edhe një herë thashë, në rregull jam me atë temë, është e juaja, por tek agjencitë e pavarura, te agjencitë që i raportojnë Kuvendit, që kanë mandat 4-vjeçar, ju lutem, ndaleni turrin. Ndaleni turrin, për arsye se janë edhe disa agjenci që janë duke ardhur dhe të cilat, e them me përgjegjësi të madhe, në qoftë se e filloni me këtë qasje, atëherë lirisht nuk po u themi më agjenci të pavarura, por po u themi agjenci të Lëvizjes Vetëvendosje. Pse po e them këtë? 9 Po dua t’ju paraprij që nesër të kem argumentin, e para, i kemi dy gjykatës të Gjykatës Kushtetuese, të cilët duhet zgjedhur. Është mirë të gjithë ne në Kuvend t’i zgjedhim më të mirët që i shërbejnë të mirës publike. E kemi shefin e Agjencisë Kundër Korrupsion, edhe këtu u bëj ftesë të gjithë njerëzve aplikoni, njerëz me kredenciale, të mos kemi një njeri që është politik. Pastaj, e kemi Auditorin Gjeneral të Kosovës, që është në proces e sipër të zgjidhet. Pastaj, kemi shumë punë që do t’i bëjmë bashkë. Unë e di, e kuptoj, do të thotë që ju edhe në komisione, edhe në Kuvend i keni numrat, është një praktikë që nuk e kemi provuar në demokraci përpara, për shkak se ju me të vërtetë i keni 61 vota vetë, mirëpo në qoftë se praktika shkon kah kapja e këtyre institucioneve me njerëz tuaj, besoni nuk i bëni hair vendit, as Qeverisë Kurti, as Vetëvendosjes, veç e krijoni një precedent që do të kthehet kundër nesh. Faleminderit! |
|
Infrastrukturë |
Faleminderit, kryetar!
Të nderuar deputetë të Kuvendit të Republikës,
Të dashur qytetarë,
Sot kam kërkuar fjalën jashtë rendit të ditës për të adresuar një çështje që po vjen për çdo ditë e
më tepër e po bëhet alarmante. Por, para se të filloj ta ad
Lexo më shumë
Faleminderit, kryetar! Të nderuar deputetë të Kuvendit të Republikës, Të dashur qytetarë, Sot kam kërkuar fjalën jashtë rendit të ditës për të adresuar një çështje që po vjen për çdo ditë e më tepër e po bëhet alarmante. Por, para se të filloj ta adresoj, dua të shpreh ngushëllimet e sinqerta për të gjitha familjet që kanë humbur dhe po vazhdojnë të humbasin të dashurit e tyre në aksidente të komunikacionit. Ngjarjet e vikendit të fundit, ku një familje katëranëtarëshe u shua si rezultat i aksidentit të komunikacionit dhe palës tjetër për vozitje “pa kokë”, nëse mund të quhet, është vetëm një alarm i radhës për atë se çfarë është duke ndodhur në rrugët tona dhe kjo patjetër që duhet të shënojë një urgjencë në veprimin institucional, për të mos qenë spektatorë ndaj asaj se çfarë po ndodh në rrugët e Kosovës. Dhe, për të reflektuar më mirë e për të kuptuar se sa urgjente është kjo problematikë, do t’ju ofroj disa të dhëna që, më vjen keq që po flasim për njerëz, për jetë njerëzish, por gjithsesi duhet të punojmë në bazë të statistikave për të kuptuar thellësinë e problemit. Do të bëj një krahasim të vitit 2019, të gjashtëmujorit të parë me këtë gjashtëmujor të parë të këtij viti, duke e eliminuar vitin 2020, duke qenë se ka qenë i pazakontë për shkak të pandemisë. Në vitin 2019, në gjashtëmujorin e parë kemi pasur 37 persona të vdekur në aksidente me fatalitet. Në vitin 2021 janë 50 persona, do të thotë 13 vdekje më shumë në gjashtëmujorin e parë të këtij viti. Në aksidente me lëndime në gjashtëmujorin e parë të vitit 2019 kanë qenë 2 mijë e 73, në këtë gjashtëmujor janë 2 mijë e 925 raste. Domethënë, diku rreth 900 raste më shumë. Persona të lënduar më 2019, në gjashtëmujorin e parë kanë qenë 3 mijë e 892, ndërsa në gjashtëmujorin e parë të këtij viti janë 5 mijë e 761, ose 1 mijë e 869 persona më shumë se sa në gjashtëmujorin e parë të vitit 2019. Aksidente me dëme të mëdha në gjashtëmujorin e parë të vitit 2019 kanë qenë 3 mijë e 447, ndërsa në këtë vit janë 5 mijë e 98 raste, ose 1 mijë e 651 raste më shumë. Andaj...Duhet ta shohim shumë të arsyeshme e urgjente nevojën e veprimeve institucionale. Unë këtu kam përgatitur një sërë masash, sugjerime, por kryesisht kanë të bëjnë me veprimin dhe rishikimin e protokollit të rrugëve dhe veprimit të Policisë së Kosovës, e cila ka për detyrë që të jetë në trafik në krye të detyrës. Sigurisht që deri tani kemi informacione të mjaftueshme se cilat janë pikat e rrezikshme në trafikun e Kosovës dhe këtu duhet të bëhet shtimi i kujdesit, veprimeve konkrete, siç kanë të bëjnë me shenjëzimin. Në shumicën e rasteve dhe rrugëve të Kosovës problemi kryesor është me shenjat e komunikacionit, ato ose janë të dëmtuara ose nuk ekzistojnë, ose janë të padukshme. Tjetra, ka të bëjë me ministritë përkatëse... |