Deklarimet
Emri | Sektori | Çështja |
---|---|---|
Drejtësi |
Faleminderit, i nderuar kryetar Konjufca!
Të nderuar zëvendëskryeministra, ministra,
Të nderuar kolegë deputetë,
Të nderuar media,
Qytetarë, bashkatdhetarë,
Mirë se keni ardhur në Kosovë!
Sot është 22 korriku, një ditë e veçantë në kalendarin e sh
Lexo më shumë
Faleminderit, i nderuar kryetar Konjufca! Të nderuar zëvendëskryeministra, ministra, Të nderuar kolegë deputetë, Të nderuar media, Qytetarë, bashkatdhetarë, Mirë se keni ardhur në Kosovë! Sot është 22 korriku, një ditë e veçantë në kalendarin e shtetit të Kosovës. Sot bëhen 11 vjet nga dita në të cilën Gjykata e Drejtësisë shpalli vendimin se pavarësia e Kosovës nuk është në kundërshtim me të drejtën ndërkombëtare. Ndonëse nuk e kishim kërkuar ne, po ishte shteti serb ai që iu drejtua Gjykatës Ndërkombëtare të Drejtësisë, ky vendim ishte dhe mbetet një nga vendimet më të rëndësishme dhe historike për popullin e Kosovës. Me të u përmbyll një cikël i angazhimit dhe kontributit të dhënë nga shumë breza para nesh për lirinë dhe të drejtën e 5 vetëvendosjes së popullit të Kosovës. Ky vendim forcoi themelet e pavarësisë, sovranitetit dhe shtoi subjektivitetin ndërkombëtar të Republikës së Kosovës. Megjithatë sot 11 vjet pas këtij vendimi, Republika e Kosovës vazhdon të sfidohet nga politikat destruktive dhe obstruksioniste, të cilat ende po ia krijon po i njëjti shtet, Serbia. Shteti serb vazhdon të prodhojë ide rreth ndarjes së Kosovës, ide rreth shkëmbimit të territoreve, e kush e di në të ardhmen se me çfarë idesh të reja mund të dalë. Por, të nderuar deputetë, Të dashur qytetarë të Republikës, Neve na mbetet të forcojmë Republikën tonë, të bëjmë shtëpi të përbashkët për të gjithë qytetarët e saj, të sigurt dhe me mirëqenie për gjeneratat që po jetojnë dhe për të tjerat që do të vijnë pas. Bisedimet që po zhvillohen në Bruksel nuk janë të lehta, por sot janë në një frymë të re dhe dalluese nga ajo çfarë kishim më parë. Sot bëhen katër muaj që ky Kuvend votoi Qeverinë e Republikës së Kosovës, e cila mori mandatin e dhënë nga populli si asnjëherë më parë, me mbi 50%. Andaj, ne Kuvendi i Republikës së Kosovës, Qeveria e Republikës së Kosovës, mbeten të përkushtuar që në Bruksel të zhvillojnë bisedime mes dy shteteve, me përpjekje për të përmirësuar marrëdhëniet ndërshtetërore dhe asnjëherë në dëm të Kosovës apo popullit të saj. Të dashur qytetarë, Që nga dita e djeshme ky Kuvend gjithashtu hapi dyert për diasporën dhe bashkatdhetarët tanë. Ata të cilët janë duke vizituar të dashurit e tyre, vizitojnë punën e Kuvendit dhe njihen edhe me aktivitetin tonë si deputetë. Është shumë e rëndësishme që bashkatdhetarët të takojnë deputetët, është e domosdoshme që ridefinimi i rolit të diasporës në këto ditë të bëhet edhe me angazhimin e tyre aktiv në zhvillimin e Kosovës. Tani kur mërgatën e kemi pjesëmarrës aktiv në procesin demokratik dhe procesin zgjedhor, e cila qartë e artikulon vizionin e saj për Kosovën, është e rëndësishme të kuptojmë se në Kosovë ne mund të ndahemi pozitë dhe opozitë, por mërgatën e kemi një. Gjatë këtyre ditëve është e rëndësishme që ndërmarrësit të takohen dhe të bisedojnë për ide të reja zhvillimore. Të rinjtë të jenë bashkë për inovacion, për turizëm dhe mundësi të promovimit të Kosovës më shumë dhe më mirë në vendet ku ata veprojnë. Rrugëtimin e mërgatës ta shndërrojmë në një urë lidhëse të aktivitetit ekonomik, akademik dhe zhvillimor dhe rolin e tyre ta kthejmë nga ngritja dhe mbajtja e remitencave që e zhvillon konsumin dhe e mban mirëqenien e familjes, në pjesëmarrës aktiv në zhvillim dhe në projektet zhvillimore. 6 Për derisa është shumë e rëndësishme të reflektojmë nga e kaluara dhe përpjekjet tona për shtetësi, është tepër e rëndësishme që në këtë proces të mos harrojmë se kemi detyra të projektojmë të sotmen dhe të ardhmen bashkërisht dhe më të fortë se asnjëherë më parë. Andaj, për të gjithë ata që sot janë në Kosovë, uroj të kaloni sa më bukur dhe uroj që ky udhëtim të jetë produktiv dhe t’ju jap shumë arsye të tjera që të ktheheni për punë, e jo vetëm për pushime. Faleminderit! |
|
Punë të Jashtme |
Të nderuar deputetë,
Të dashur bashkatdhetarë,
Kryeministër, mirë se u ktheve në Republikën e Kosovës, shpresojmë që qëndrimi yt 14-ditor në
bregdetin e Greqisë dhe në bregdetin e Francës po ta jep një farë busti, një farë shtytje për të
fillua të hy
Lexo më shumë
Të nderuar deputetë, Të dashur bashkatdhetarë, Kryeministër, mirë se u ktheve në Republikën e Kosovës, shpresojmë që qëndrimi yt 14-ditor në bregdetin e Greqisë dhe në bregdetin e Francës po ta jep një farë busti, një farë shtytje për të fillua të hysh në punë dhe ta përfundosh këtë muajin e mjaltit që nuk po të përfundon. Pra, 14 ditë vizitë jashtë vendit për një kryeministër do të kishte qenë e arsyeshme sikur të kishte marrë pjesë në ndonjë konferencë, ku përfaqëson interesa shtetërore e kombëtare, për t’i mbrojtur ato ose për t’i avancuar ato. 14 ditë vizitë jashtë vendit të kryeministrit tonë nuk kishte të bënte asgjë as shtetërore e as me interesa kombëtare, sepse nuk e di çfarë interesi kombëtar e shtetëror ka Kosova nga seminaret e së majtës në një mbledhje eseistësh, ku flitet për gjithçka, e veç për Republikën tonë jo. Në anën tjetër, Festivali i Kanës është për artistë, e jo për autoritete politike që pretendojnë se e kuptojnë artin dhe kulturën. Kështu sillen zakonisht vetëm ato autoritete politike që pretendojnë një lloj simbolike që ngjason me monarki, e që kërkojnë rehabilitim të imazhit të tyre ndërkombëtar, pasi që kanë lënë bërë lëmsh qeverisjen e brendshme dhe asi kemi parë shumë në Lindjen e Mesme. Por kurrsesi, se kjo nuk i takon një kryeministri të një republike që ka ende probleme themelore ekonomike e sociale, qytetarët e së cilës nuk mund të lëvizin pa viza, e lërë më të kenë mundësi për të qëndruar për hotele luksoze në Greqi e Francë, në të cilat qëndron kryeministri ynë. Ajo çka nxori në hap kjo guidë turistike e kryeministrit nuk qe përfaqësimi i Kosovës, por e vërteta e asaj çfarë përfaqëson Kosova dhe qytetari i saj për këtë kryeministër. Fatkeqësisht, asgjë, sepse po të ishte ndryshe, ditën që e ka marrë lajmi qoftë edhe një qytetar i vetmi i Kosovës që i është rrezikuar jeta nga një helmim i panjohur, e lere më 1500 qytetarë të Deçanit që u helmuan e u identifikuan me helmim nga Escherichia Coli do të ishte dashur që të kthehesh dhe të marrësh përgjegjësitë që të takojnë në këtë situatë të rëndë, çfarë ishte komuna e Deçanit. Pra, vendi ku ishte kryeministri ynë ishte nja 6-7 orë larg me veturë. 7 Por jo vetëm kaq, gjatë kësaj guide turistike tënden, Kosovën e goditi një situatë e rënduar edhe nga vërshimet, ku qytetet e tëra, si Gjilani, Skenderaj, Prishtina e zona të tjera u prekën e u goditën nga prurjet e mëdha të ujit. Normalisht që për këto nuk po të akuzojmë ty, mirëpo u rrezikua direkt jeta e qytetarëve dhe u dëmtuan shumë ekonomi familjare, të mbjella e biznese. Pra, në atë kohë t’i ishe në Kanë dhe vazhdove guidën tënde pa kurrfarë telashe. Bile për rastin e Deçanit e bëre një postim, po për rastin e vërshimeve as postim nuk bëre. Kjo tregon papërgjegjësinë tënde, kryeministër. Po ta japim një shembull, gjatë këtyre ditëve po ashtu edhe Gjermania, si shteti më i fuqishëm në Evropë, u godit nga prurjet, nga reshjet e mëdha dhe prurjet e ujit. Mirëpo, kryeministrja e këtij vendi e ndërpreu vizitën në Shtetet e Bashkuara të Amerikës dhe u gjend pranë qytetarëve të saj. Ndërsa ti, kryeministri i vendit më të varfër në Evropë, nuk e prishe rehatinë tënde në Nicë, në Kanë, në Monako e Monte Carlo, pra për të qenë afër qytetarëve tuaj. Pra, kjo tregon papërgjegjësi të madhe, kryeministër. Pra, edhe si opozitar normalisht nuk do të dëshiroja që papërgjegjësia të shkojë deri në këtë nivel. Faleminderit! |
|
Dialog |
Faleminderit, kryetar!
Të nderuar kolegë deputetë,
Të dashur qytetarë,
Kryeministër, qysh të shkoj takimi me Vuçiqin, po ju pyes, sepse juve nuk po ju bie ndërmend që
të bashkëpunoni me opozitën e të respektoni institucionin e Kuvendit të Republikës
Lexo më shumë
Faleminderit, kryetar! Të nderuar kolegë deputetë, Të dashur qytetarë, Kryeministër, qysh të shkoj takimi me Vuçiqin, po ju pyes, sepse juve nuk po ju bie ndërmend që të bashkëpunoni me opozitën e të respektoni institucionin e Kuvendit të Republikës së Kosovës, duke e ditur se ky Kuvend ka miratuar një rezolutë me të cilin obligoheni t’i raportoni Kuvendit të Republikës së Kosovës para dhe pas çdo veprimi që ndërmerret lidhur me dialogun me Serbinë. Zoti Kurti, e kini nisur gabim dialogun, madje keni shkelur edhe parimet tuaja, me të cilat keni manipuluar me ndjenjat e qytetarëve, e veçanërisht me ndjenjat e familjarëve që ende nuk dinë asgjë për fatin e më të dashurve të tyre ende të pagjetur. A i përmendët të pagjeturit në takim, çka do t’u thuash qytetarëve që i keni mashtruar se nuk futeni në bisedime pa e gjetur edhe të pagjeturin e fundit. Derisa me nxitim dhe fshehurazi takoheni për të dialoguar me Vuçiqin. Po ju them fshehurazi, sepse Kuvendi i Kosovës nuk është njoftuar fare për këtë takim dhe agjendën e këtij takimi, vetëm ajo që është raportuar në media. E konsideroj se është e dëmshme edhe për demokracinë. Pastaj mungesa e transparencës në raport me dialogun e bën të dyshim këtë proces. Zoti Kurti, ju vetë keni kritikuar vazhdimisht qeveritë në të kaluarën për mungesën e transparencës. Çka ndodhi që i harruat ato kritika dhe fare nuk i kushtoni rëndësi kësaj çështje. 8 Ju duhet ta dini se kjo qasje mospërfillëse ndaj Kuvendit të Republikës së Kosovës është e dëmshme dhe duhet të ndryshohet sa më parë, sepse keni instaluar praktika të gabueshme. Në bazë të deklarimit tuaj, ne kuptuam se janë refuzuar propozime tuaja, si deklarata për paqen, e cila për mendimin tim nuk ka qenë e nevojshme të kërkohet sepse ajo bëhet vetëm në ato raste kur vendet rrezikohen të hyjnë në luftë, e ne nuk kemi këtë rrezik derisa e kem praninë e KFORit këtu, besoj që këtë gjë e dini edhe ju vetë. Është një thënie që e përdor populli, kur njeriu tregohet i keq se ‘paraja e prish njeriun’, e juve, si duket, ju ka prishur pushteti, sepse keni ndryshuar aq shumë sa që kam dyshime që nuk e njehni as veten tuaj. Më duhet t’ ju kujtoj se para se të vini në pushtet keni thënë se nuk do të dialogoni, dialogun do ta nisni nga poshtë lart, para se të dialogoni me qytetarët serbë në Kosovë dhe jo me Serbinë, por kjo ra poshtë dhe u harrua, sepse erdhët në pushtet. Pastaj, keni thënë se nuk do të takoheni me Vuçiqin pa kërkuar falje për krimet e kryera në Kosovë, kërkim-falje nuk kishte, por dialog po, u harrua edhe kjo nga ju. Pastaj, vazhdimisht keni thënë se do të vendosni reciprocitet dhe çdo marrëdhënie me shtetin serb do të jetë reciproke, nuk ndodhi as kjo. Pra, të gjitha parimet e dhëna rreth çështjes së dialogut i keni shkelur bashkë me shumë fjalë e premtime të tjera, përmes të cilave i keni mashtruar qytetarët e këtij vendi. Nëse e keni ditur se nuk mund t’i përmbani këto parime, nuk është dashur t’i mashtroni qytetarët, sepse nuk e kanë për borxh. Zoti kryeministër, duhet ta dini, shteti nuk mbahet me demagogji, shteti mbahet me punë, përkushtim, transparencë dhe profesionalizëm që të gjitha këto juve ju mungojnë. Faleminderit! |
|
Infrastrukturë |
Mirëmëngjesi, të nderuar deputetë!
Kabinet qeveritar,
Qytetarë të Kosovës,
Media,
Po ashtu, vëllezër e motrat tona nga diaspora që janë sot me neve.
Sot unë i kam dy pyetje dhe dilema shqetësuese që janë të pranishme në vendin tonë për disa
ditë.
Lexo më shumë
Mirëmëngjesi, të nderuar deputetë! Kabinet qeveritar, Qytetarë të Kosovës, Media, Po ashtu, vëllezër e motrat tona nga diaspora që janë sot me neve. Sot unë i kam dy pyetje dhe dilema shqetësuese që janë të pranishme në vendin tonë për disa ditë. E para ka lidhje me taksën 5 euro. Të gjithë e dimë, e di edhe opinioni publik që këtë kontratë nuk e kanë nënshkruar ministrat as Abrashi, as Abdixhiku, as ministri Lekaj, por po thuhet që as 9 ministri prezent s’e ka nënshkruar këtë kontratë. Është enigmatike dhe është e nevojshme të sqarohet se kush e ka nënshkruar këtë kontratë që lidhet me taksën 5 euro, a është ligjore dhe pse pikërisht 5 euro. Kur e dimë që kemi një gjendje të rënduar ekonomike e sociale të qytetarëve të shtetit tonë. Pra, kjo është një barrë e rëndë për qytetarët e vendit dhe meqë nuk po dihet kush e ka nënshkruar, ju lutem që për hir të korrektësisë, largoni këtë taksë, e cila nuk mund të njihet ndryshe veçse vjedhje e pastër dhe ligjore e shtetit ndaj qytetarëve. Pyetja e dytë është për ministrin e Bujqësisë, për subvencionet. Ministër, a mund të di çka ka ndodhur me subvencione dhe grantet e fermerëve, a je interesuar dhe pse e ndalove ndihmën për ta, është viti i parë pas lufte që njerëzit nuk kanë aplikuar, bujqit, për grante që ishte dashur të shpërndahen grantet dhe subvencionet për ta. Ju jeni ardhur për barazi, kjo nuk po duket që është barazi. Është mirë që po arrestohen keqbërësit, mirëpo bujqësia nuk bën të lihet në mëshirën e fatit, madje edhe në kohën kur ka pasur vërshime, breshër dhe dëme të tjera. Zoti ministër, unë ty të kam pritur të të shoh me çizme duke i vlerësuar dëmet dhe duke u ndihmuar, mirëpo ty, si duket, po të pëlqen zyra, asistentët e veturat e këto që po i bën. Në këto pyetje kam qejf të më përgjigjen ministrat, as ju shokët këtu që jeni përballë, po as zoti Hegel, po ju dy më kallëzoni saktë çka ka ndodhur me këto sende. |
|
Shëndetësi |
Faleminderit, i nderuar kryetar i Kuvendit!
I nderuar kryeministër,
I nderuar Kabinet qeveritar,
Kolegë deputetë,
Ju qytetarë të nderuar të Republikës së Kosovës, në veçanti bashkatdhetarë, të cilët këto ditë
edhe po e vizitojnë institucionin më të
Lexo më shumë
Faleminderit, i nderuar kryetar i Kuvendit! I nderuar kryeministër, I nderuar Kabinet qeveritar, Kolegë deputetë, Ju qytetarë të nderuar të Republikës së Kosovës, në veçanti bashkatdhetarë, të cilët këto ditë edhe po e vizitojnë institucionin më të lartë vendimmarrës. Para se ta përçoj mesazhin këtu sot në foltore, dua të them vetëm një gjë si përgjigje ndaj disa fjalimeve që dëgjuam këtu sot, ajo çfarë dëgjoj besoni në kontakte të përditshme me qytetarët, të cilët më thonë: deputete, mos merrni mundin që t’ju replikoni, sepse për gjithë ato çfarë kanë bënë për këto 20 vjet, nuk u beson askush më. Të nderuar qytetarë, Edhe pse situata aktuale epidemiologjike është e qetë në vend, të dhënat e fundit nga Organizata Botërore e Shëndetësisë rreth shtrirjes së variantit Delta në vendet e ndryshme janë shqetësuese. 10 Vetëm në katër javët e fundit në Britaninë e Madhe u paraqitën 38 mijë e 745 raste të tilla, në Shtetet e Bashkuara të Amerikës 2 579 raste dhe në Portugali 1091. Fatmirësisht dy rastet e paraqitura në Republikën e Kosovës u shëruan, por kjo nuk na bënë të ndihemi të qetë karshi kësaj rritje të shpejtë që po ndodh në nivel global. Shtrirja e saj është aq e shpejtë sa që komuniteti shkencor tërheq vërejtjen e paraqitjes së mundshme të një vale të tretë që në muajin shtator të këtij viti. Të dashur qytetarë, Sipas OBSH-së varianti Delta është më i transmetueshëm, më rezistent ndaj antitrupave dhe më infektues se sa lloji i parë i virusit. Në qoftë se me llojin fillestar të COVID-19 secili person i infektuar infektoi afërsisht dy të tjerë, me variantin Delta gjendja është më shqetësuese dhe vlerësimet e para shkencore tregojnë se një person i infektuar llojin Delta arrin të infektojë pesë deri në tetë persona të tjerë. Sipas komunitetit shkencor, varianti Delta sapo të shfaqet në një rajon, ky lloj bëhet më dominues. Rruga e vetme parandaluese në përhapjen e variantit Delta është vaksinimi i qytetarëve. Përmes vaksinimit ne parandalojmë format më serioze të zhvillimit të infektimit, shtrirjes në spital dhe vdekshmërisë për shkak të variantit Delta. Tani, gjëja më e rëndësishme dhe më e domosdoshme është të vaksinohemi, me dy dozat e vaksinave të cilat janë në disponim, janë në Kosovë dhe janë të miratuara nga Organizata Botërore e Shëndetësisë, në mënyrë që të mbrohemi nga varianti Delta dhe variante të tjera të COVID-19. Vetëm me vaksinim parandalojmë valën e tretë të mbylljes, e cila lehtësisht mund të shkaktohet nga ky virus. Andaj, të nderuar kolegë deputetë, Është e domosdoshme që të gjithë ne të bashkohemi në përkrahje të kapaciteteve...Pra, është e domosdoshme që të gjithë ne të bashkohemi në përkrahje të kapaciteteve institucionale në sensibilizimin e qytetarëve për t’u vaksinuar sa më parë. Bashkë ia dalim! Faleminderit! |
|
Kulturë |
Faleminderit, kryetar i Kuvendit!
I nderuar Kabinet qeveritar,
Kryeministër,
Të nderuar përfaqësues të mërgatës sonë,
Deputetë të Parlamentit të Kosovës,
Zoti kryeministër, gjatë kohës që ju keni parakaluar në tepihun e kuq, në tapetin e kuq në
Fes
Lexo më shumë
Faleminderit, kryetar i Kuvendit! I nderuar Kabinet qeveritar, Kryeministër, Të nderuar përfaqësues të mërgatës sonë, Deputetë të Parlamentit të Kosovës, Zoti kryeministër, gjatë kohës që ju keni parakaluar në tepihun e kuq, në tapetin e kuq në Festivalin në Kanë, shumë qytetarë të Republikës së Kosovës janë përballur me përmbytje të jashtëzakonshme dhe përderisa liderë të fuqishëm të shteteve me një demokraci të konsoliduar kanë qenë afër qytetarëve të tyre, ju keni zgjedhur që t’i braktisni ata, ashtu siç e tha edhe zoti Tahiri, për dy javë ditë dhe kjo është shpërfillja më e madhe që ju po ua bëni në vazhdimësi këtyre njerëzve, të cilët janë goditur rëndë, janë goditur kulturat e tyre bujqësore, është goditur jeta e rënduar e shumë qytetarëve në të gjitha komunat e Republikës së Kosovës dhe përderisa e kemi edhe ministrin e Bujqësisë këtu, do të doja të di nëse do të ketë ndihma për dëmet që janë shkaktuar gjatë kësaj kohe të rëndë të reshjeve në Republikën e Kosovës. Një çështje tjetër të cilën do ta ngre sot është që javën e kaluar Kuvendi i Republikës së Kosovës, Komisioni për Media, Komisionit ad hoc ka intervistuar kandidatët për Komisionin e Pavarur të Mediave. Natyrisht që i gjithë procesi i intervistimit të këtyre kandidatëve është zhvilluar pa praninë e medias dhe pa praninë e shoqërisë civile. Pra, nuk kanë qenë të njoftuar as mediat, nuk kanë qenë të njoftuara as shoqëria civile lidhur me këtë proces, madje nuk ka pasur as informim në ueb-faqen e Kuvendit, e për pasojë ju e dini që ne kemi pasur një reagim të madh të shoqërisë civile dhe jo vetëm të shoqërisë civile vendore, por kemi pasur edhe të organizatave të fuqishme ndërkombëtare, të cilat e kanë dënuar këtë qasje të Kuvendit të Republikës së Kosovës, e veçanërisht të mazhorancës. Të nderuar deputetë, pra sipas shoqërisë civile, ky proces ka qenë tërësisht jotransparent dhe thirrja e tyre është që këto intervista, të cilat janë bërë me kandidatë të Komisionit të Pavarur të Mediave që kanë konkurruar në konkursin e fundit, të ripërsëritet. Procesi është tërësisht legjitim, është bërë natyrisht që është bërë i ndarë nga transparenca, i ndarë nga opinioni publik, i ndarë nga shoqëria civile dhe i ndarë nga mediat. Pra, një proces i mbyllur dhe jotransparent, meqë ju e dini që tashmë partia në pushtet ka pasur kandidatë, të cilët ka vendosur që t’i listojë dhe t’i sjellë këtu si të rreshtuarit e saj, ju do të jeni dëshmitarë që në zgjedhjet e anëtarëve të Komisionit të Pavarur të Mediave do të jenë të rreshtuar ata njerëz që kanë brohoritur gjatë gjithë kohës për partinë, e cila ka fituar zgjedhjet, prandaj ata do të shpërblehen në një proces që nuk ka qenë fer, po jotransparent dhe tërësisht i mbyllur nga shoqëria civile dhe nga opinioni publik. |
|
Shërbime Publike |
Faleminderit, kryetar i Kuvendit!
Kryeministër,
12
Është e udhës të thuhet mirë se ke ardhur, me të vërtetë një kryeministër i vendit, i cili mungon
për një kohë të gjatë, ndoshta duhet ta kishte arsyen e vet, por e paarsyeshme është mungesa e
Qev
Lexo më shumë
Faleminderit, kryetar i Kuvendit! Kryeministër, 12 Është e udhës të thuhet mirë se ke ardhur, me të vërtetë një kryeministër i vendit, i cili mungon për një kohë të gjatë, ndoshta duhet ta kishte arsyen e vet, por e paarsyeshme është mungesa e Qeverisë në Kuvendin e Republikës së Kosovës. Nëse ju keni shkuar jashtë vendit për dy javë, mendoj që Qeveria është dashur të jetë prezent edhe në Kuvend, por edhe në kryerjen e detyrave, shumëçka çka u thanë këtu, por ndoshta nuk është e tepërt të përsëritet dhe të tregohet çka ka ndodhur për këto dy javë që ju nuk keni qenë prezent. Zoti kryeministër, asnjë marrëveshje ndërkombëtare nuk ka kaluar në Kuvendin e Kosovës, të cilat janë në interes të vendit, por të cilat në të kaluarën janë thënë që janë të dëmshme, janë me afera korruptive dhe nuk mund të procedohen më tutje. E dyta, kryeministër, gjatë kësaj kohe ka ndodhur edhe në aspektin human ngjarjet në Komunën e Deçanit, që ju keni qëndruar larg, po ashtu edhe dikasteri i Ministrisë së Shëndetësisë. E treta, kryeministër, vërshimet u potencua, asnjë qasje e kësaj qeverie, thuajse ka ndodhur në një vend të tretë. E katërta, jo më pak e rëndësishme për demokracinë është organizuar një protestë ndaj ish-kolegëve tuaj dhe ka përfunduar dhunshëm. E pesta, kryeministër, nëse ju kanë treguar, Ministria e Infrastrukturës po tenton të vjedhë paranë publike. Në një ofertë, e cila kushton jo më shumë se 0,06 centë, këta po tentojnë t’ua shesin qytetarëve 5 euro. Nuk e di a të kanë treguar vlerën, shumën, sa automjete në Kosovë dhe si po tentohet të vidhet përmes një shume të vogël, por që e dëmton xhepin e qytetarëve të Republikës së Kosovës. Andaj, kryeministër, e dinë të gjithë, Qeveria është organ kolegjial, është solidar, nuk është autoritar dhe nuk mendoj që duhet të mos ketë adresime në mungesë të kryeministrit. Arsyet ju jepni pse keni munguar kaq gjatë, por nuk arsyetohen të gjitha këto fakte dhe kjo neglizhencë thuajse nuk ka qeveri fare në Republikën e Kosovës. Lutjet tona apo mirëkuptimi ynë konsiston në atë që duhet të jeni të përgjegjshëm, është edhe ligji më i rëndësishëm vjetor, Ligji i buxhetit dhe kryeministri dhe ministrat nuk kanë qenë prezentë në leximin e parë. Kjo tregon mospërfillje ndaj votës qytetare, edhe ju kisha lutur në fund, kryeministër, në aspektin politik dhe partiak, nëse dikush duhet të na kthejë përgjigje, atëherë jeni ju si qeveri, por ju lutem na ruani nga ata, të cilët kanë defiluar në të gjitha partitë politike për të na dhënë përgjigje... |
|
Infrastrukturë |
: I nderuar kryetar Konjufca!
I nderuar Kabinet qeveritar,
Kryeministër Kurti,
Të nderuar deputetë,
13
Të dashur qytetarë të Republikës së Kosovës,
Dëshiroj të rikthej në diskursin parlamentar dhe po ashtu, të ngre në vëmendjen e ministrit
Liburn
Lexo më shumë
: I nderuar kryetar Konjufca! I nderuar Kabinet qeveritar, Kryeministër Kurti, Të nderuar deputetë, 13 Të dashur qytetarë të Republikës së Kosovës, Dëshiroj të rikthej në diskursin parlamentar dhe po ashtu, të ngre në vëmendjen e ministrit Liburn Aliu një problematikë dekadëshe, e cila është diskutuar edhe më herët në legjislaturat e kaluara, mirëpo që fatkeqësisht asnjëherë nuk ka arritur të gjejë një zgjidhje permanente, edhe pse shumë qeveri lokale dhe qendrore janë ndërruar. Bëhet fjalë për stacionin transfer të mbeturinave në Gjakovë, gjegjësisht në lagjen Ali Ibra, stacion transfer ky në letër, ngase për tash e shumë vjet është shndërruar në një deponi, ku sipas kompanisë rajonale të pastrimit Çabrati në ditë në këtë deponi derdhen rreth 100 tonë mbeturina. Djegia e kohëpaskohshme e mbeturinave e shndërron frymëmarrjen e lirë të qytetarëve të Gjakovës në një luks të papërballueshëm, edhe pse kjo problematikë është ngritur ndër vite, inferioriteti dhe neglizhenca e institucioneve karshi kësaj çështje është e paparë. Mungesa e vullnetit politik për zgjidhjen e një problematike kaq substanciale shoqërore, e cila e kanos drejtpërdrejt jetën e qytetarëve, është e paimagjinueshme. Në korrik të vitit të kaluar qeveria asokohe kishte ndarë rreth 400 mijë euro për zgjidhjen e kësaj problematike, efekt i së cilës është larg të dëshiruarës sot. Ne edhe në atë kohë kishim ngritur shqetësimet tona se kjo shumë, duke marrë parasysh akumulimin e mbeturinave ndër vite, është e pamjaftueshme. Rreth 200 familje, të cilat jetojnë në lagjen Ali Ibra, ekspozohen direkt ndaj rreziqeve të shumta mjedisore e shëndetësore, rreziqe këto që janë edhe të dokumentuara nga studime të shumta të publikuara. Këto familje jetojnë në një ambient, i cili ndër vite ka akumuluar për më shumë se rreth 600 mijë tonë mbeturina, të dhëna këto sipas kompanisë rajonale të pastrimit Çabrati në Gjakovë. Unë po besoj që në këtë çështje kaq vitale për qytetarët e Gjakovës, do të gjej edhe përkrahjen e deputetëve të zonës, të Komisionit për Mjedis e të gjithë aktorëve të tjerë relevantë që së bashku me autoritetet lokale edhe qendrore t’i jepet fund një herë e përgjithmonë një fenomeni kaq të dëmshëm shoqëror. Kjo problematikë është mjaft komplekse, ngase inkorporon në vete edhe barriera juridike e procese gjyqësore, andaj bashkëpunimi i të gjithë neve është i nevojshëm. Faleminderit! |
|
Bujqësi dhe Blegtori |
Të nderuar qytetarë të Republikës së Kosovës,
Sot është hera e dytë që po e ngre si temë shqetësimet e bujqve dhe vonesat për subvencione.
Nga vizita e fundit në Rahovec dhe takimet me fermerë, ata ndjehen të harruar nga dora e shtetit.
Bile, si kërk
Lexo më shumë
Të nderuar qytetarë të Republikës së Kosovës, Sot është hera e dytë që po e ngre si temë shqetësimet e bujqve dhe vonesat për subvencione. Nga vizita e fundit në Rahovec dhe takimet me fermerë, ata ndjehen të harruar nga dora e shtetit. Bile, si kërkesë për ta përcjellë te ministri është vizita e prodhimeve të tyre dhe për ta parë nga afër se si po ecin muajt dhe perimet sezonale, të cilat nuk presin derisa juve t’ju bëhet tamam, ministër. 14 Nuk e di cilat janë arsyet e këtyre vonesave, e s’po dua të besoj që jeni duke i ruajtur për kohë fushate, sepse shumë vonë do të jetë për bujqit. Pagesa direkte, subvencione për vitin 2020, faza e dytë e fermerëve që nuk i kanë pranuar pagesat, kur do të paguhen? Atyre tashmë ju kanë zhdukur edhe dëshmitë e aplikimit, sepse disa perime kanë kaluar kohën e tyre. Sipas vendimit të Qeverisë, ka qenë se çdo subvencion do të jetë i dyfishuar, e fatkeqësisht ata ende s’kanë marrë asgjë. Vreshtat janë shqetësim tjetër që u është zvogëluar shumë subvencionimi për hektar, por ende nuk kanë marrë as aq dhe do të ishte mirë të ndërroni këtë vendim, sepse me 5 mijë euro për hektar nuk mbulohet as mbijetesa e vreshtave. Atyre u kanë mbetur vreshtat pa pajisje me ‘stuba’ në vitit të dytë dhe pa lidhje “y”, ato të vitit të tretë, në këtë formë ju po kontribuoni në moszhvillimin e vreshtarisë, që pos tjerash është një agrokulturë për paraqitje të mirë dhe me të shumë vreshtarë mbajnë familjet e tyre. Dhe, po e përsëris edhe një herë, do të ishte mirë që sa më parë të tejkalohet tema e subvencionimit dhe të kalohet te sigurimet bujqësore, me anë të të cilave bujqit do të rregullonin punën e dëmshpërblimeve nga dëmet e ndryshme. Ndoshta, po ju duket e tepërt, sepse kjo temë u trajtua edhe nga kolegët, por bujqit presin që ju sa më parë të reagoni dhe t’ju gjendeni pranë. Faleminderit! |