Deklarimet
Emri | Sektori | Çështja |
---|---|---|
Shëndetësi |
Faleminderit, kryetar!
I nderur kryeministër Kurti,
Kabinet qeveritar,
Të nderuar kolegë deputetë,
Të dashur qytetarë të Republikës së Kosovës,
Statistikat e ditëve të fundit në përgjithësi dhe ato të ditës së djeshme në veçanti, shënojnë zilen e
a
Lexo më shumë
Faleminderit, kryetar! I nderur kryeministër Kurti, Kabinet qeveritar, Të nderuar kolegë deputetë, Të dashur qytetarë të Republikës së Kosovës, Statistikat e ditëve të fundit në përgjithësi dhe ato të ditës së djeshme në veçanti, shënojnë zilen e alarmit për të gjithë ne, për institucionet dhe masat e reja që mund apo duhet të ndërmerren për të parandaluar shpërndarjen e mëtutjeshme të virusit COVID 19. I vetmi parandalim për të mos shkuar në një mbyllje dhe në masa të reja më rigoroze, qytetarë të dashur, është vaksinimi. Më ka rastisur të dëgjoj shumë teori konspirative ditët e fundit, fatkeqësisht disa prej tyre të administruara dhe të shpërndara edhe përmes atyre që duhet t’i ndalin ato, si: -A je vaksinuar? Jo! Pse? Sapo kam dalë nga spitali me probleme të imunitetit dhe mjeku më ka udhëzuar të mos vaksinohem njëherë. A je vaksinuar? Jo! Pse? Do të udhëtoj për pushime dhe më thanë dy javë para se të udhëtosh me aeroplan nuk duhet të vaksinohesh. A je vaksinuar? Jo! Pse? Sepse, jam shtatzënë. A ke probleme me shtatzëni? Jo, vetëm se mjeku më tha prit edhe pak e mos u vaksino tash. A je vaksinuar? Jo! Kam dasmë, e më thanë që një javë pasi të vaksinohesh, sëmuresh, prandaj po e lë të vaksinohem pas dasmës. Të dashur qytetarë, të gjitha përgjigjet e mësipërme në pyetjen a je vaksinuar janë përgjigje që duhet korrigjuar dhe duhet ndërhyrë tek ata që ndikojnë me këto arsyetime që qytetarët tanë të mos vaksinohen. Vaksinimi nuk ndalohet për persona me probleme të ndryshme shëndetësore, qofshin ato të sistemit imunitar, pagjakësisë apo sëmundjet e ngjashme. Në të kundërtën, vaksinimi rekomandohet te kjo kategori, e cila nëse ballafaqohet me infeksion, do të ketë pasoja fatale. Vaksinimi nuk ndalohet për ata që udhëtojnë me aeroplan, në të kundërtën, rekomandohet. Para udhëtimit shkoni e vaksinohuni, të paktën me dozën e parë, e kur të vijë koha e jeni kthyer në Kosovë, merreni edhe dozën e dytë. Vaksinimi nuk ndalohet për gratë shtatzëna, përveç në situata shumë specifike dhe shumë të rralla, gratë shtatzëna janë shumë më të ndjeshme nëse infektohen me virus dhe sëmuren. Vaksinimi mbron nënën dhe foshnjën e palindur më mirë dhe më shumë nga virusi. Vaksinimi nuk lë pasoja, infektimi po. Vaksina stimulon sistemin tuaj 4 imunitar për t’u mbrojtur nga virusi, ky proces ndonjëherë mund të shkaktojë efekte anësore si ethe, të dridhura, dhimbje koke, por jo të gjithë e përjetojnë këtë. U apeloj të gjithë kolegëve të mi deputetë, të gjithë udhëheqësve në nivelin qendror dhe në nivelin lokal, kryetarëve të komunave, mësimdhënësve të inkurajojnë dhe të promovojnë vaksinimin si të vetmen formë parandaluese për shpërndarjen e virusit të modifikuar Delta. Bashkë me vaksinat, filloni edhe riaplikimin e masave, maskat, distancën, kujdesin nga tubimet e përbashkëta. U apeloj prijësve fetarë, imamëve, priftërinjve, shehlerëve, gjatë predikimeve tuaja inkurajoni përcjellësit tuaj të vaksinohen. Ndihmoni ata të ndihmojnë veten dhe familjet e tyre, rikujtojeni se vetëm të vaksinuar mund të vazhdoni me rregull takimet dhe ritet fetare, në të kundërtën, na pret izolimi dhe ndarja. Nga shifrat e të infektuarve dje, 888 sa ishin, 398 janë të moshave midis 20 dhe 40 vjeç, 117 janë të moshës 10 deri 19 vjeç dhe 17 fëmijë janë të moshës 0 deri në 9 vjeç. Nga gjinia i kemi 499 gra dhe 389 burra. Të gjitha teoritë, të cilat shpërndahen nga të tjerët për mosvaksinim duhet të dinë se po ndikojnë në kategorinë më vitale të popullsisë, ata të cilët janë në pikun e performansës dhe ata të cilët janë në kohën kur kontribuojnë për veten dhe familjen. Për të gjitha motrat, shoqet, gratë, nënat, ju lutem, vaksinohuni, mos e leni veten të pavaksinuar, mos bini pre e fjalëve dhe teorive të pabaza. Unë vetë jam e vaksinuar me të dy dozat e vaksinës pa asnjë efekt anësor. Varianti Delta shpërndahet shumë më shpejt dhe është shumë më i rrezikshëm, përhapja më e madhe e rasteve dhe rezultatet më të rënda, qofshin ato edhe me fatalitet janë te personat e pavaksinuar. Normat më të ulëta të shpërndarjes janë në vendet ku ka vaksinim të lartë. Mos luani me jetën e të afërmve tua, e vërtetë është që ende nuk dihet çdo gjë për vaksinën, por krejt çka duhet të dihet është se mbron jetë dhe shpëton jetë. Ju lutem, bëhuni bashkë të shpëtojmë jetë! |
|
Shëndetësi |
Faleminderit, kryetar!
Të nderuar deputetë të Kuvendit të Republikës,
Të dashur qytetarë,
Tashmë është e qartë se vendi ynë po hyn në një fazë të re të ballafaqimit me COVID 19, apo më
mirë thënë, me variantin e ri Delta.
Javën e kaluar, ditën e pre
Lexo më shumë
Faleminderit, kryetar! Të nderuar deputetë të Kuvendit të Republikës, Të dashur qytetarë, Tashmë është e qartë se vendi ynë po hyn në një fazë të re të ballafaqimit me COVID 19, apo më mirë thënë, me variantin e ri Delta. Javën e kaluar, ditën e premte, kur e mora fjalën dhe kur kërkova një angazhim më të madh të Qeverisë së Republikës së Kosovës, atë ditë Republika jonë kishte 271 raste. Edhe sot, një javë mbrapa kur po flasim, dje u shënuan 888 raste, apo 227% më shumë. Pra, imagjinoni nëse javën 5 tjetër do të kemi edhe një rritje të tillë. Pra, tashmë institucionet tona shëndetësore duket qartë se do të ballafaqohen me një fluks të madh të atyre që do të infektohen dhe fatkeqësisht do t’ju rrezikohet jeta nga ballafaqimi me variantin e ri, variantin Delta të COVID-19. I bëj thirrje Qeverisë së Republikës së Kosovës që të mos veprojë sikur këtë javë që pavarësisht thirrjeve të qytetarëve, pavarësisht thirrjeve të deputetëve, thirrjeve të mjekëve, nuk duket që kanë marrë masa më konkrete, nuk duket që janë rritur masat, pra pikërisht nën ndihmën e institucioneve shëndetësore me ballafaqimin me COVID-19. Pra, nuk besoj që duhet të qëndrojnë njëjtë edhe gjatë kësaj jave. Pra, mjekët janë ata që më shumë se kurrë u duhet ndihma e Qeverisë së Republikës së Kosovës, u duhet ndihma e Ministrisë së Shëndetësisë. Pra, sot na duhet një angazhim më i madh se kurrë i ministrit të Shëndetësisë në fuqizimin e spitaleve rajonale, me përkrahjen e spitaleve rajonale, edhe në përkrahjen e klinikës së Qendrës Klinike Universitare në Republikën e Kosovës. Prandaj, si deputetë të opozitës i bëjmë thirrje Qeverisë, sepse është organi më i rëndësishëm në këtë vend dhe në këtë rast jep ndihmën më të madhe në ballafaqim me COVID-in, pra në raport edhe me stafin tonë shëndetësor. Njëkohësisht, u bëjmë thirrje të gjithë qytetarëve të Republikës së Kosovës që t’i dëgjojnë këshillat e stafit profesionist shëndetësor që të vaksinohen, sepse e vetmja mënyrë, e vetmja formë që të kalojmë më lehtë këtë sfidë, në këtë periudhë mjaft të rëndë që duket se do të rëndohet çdo ditë e më shumë, është vetëm nëse do të vaksinohemi. Mirëpo, shohim që kemi një çalim po ashtu edhe në zonat rurale të vaksinimit, qysh e kam theksuar edhe herën e kaluar. Prandaj, sot na duhet një prezencë më e madhe e institucioneve tona shëndetësore në zonat rurale, sepse edhe si rezultat i mosinformimit të duhur, edhe si rezultat i distancës nga ku ata duhet të udhëtojnë për t’u vaksinuar, besoj që kjo bën që ky vaksinim të çalojë. Fatkeqësisht, edhe sot e kësaj dite jemi vendi me numrin më të vogël të qytetarëve të vaksinuar në kontinentin e Evropës. Dhe, nëse nuk do të kemi një angazhim më të madh të Qeverisë së Republikës së Kosovës, ne edhe në muajt e ardhshëm do të jemi vendi me numrin më të vogël të të vaksinuarve të qytetarëve të Republikës së Kosovës. Nuk besoj që rezultati arrihet vetvetiu, besoj që rezultati në luftë me pandeminë do të arrihet në rast se do ta kemi një angazhim më të madh të Qeverisë së Republikës së Kosovës në mbrojtjen e shëndetit të qytetarëve të Republikës së Kosovës. Prandaj, për së fundmi, edhe një herë i bëj thirrje ministrit Vitia, Qeverisë së Republikës së Kosovës që të kenë një angazhim më të madh. Java tjetër ta gjejë Republikën e Kosovës me masa shtesë, ta gjejë Republikën e Kosovës me angazhim më të madh qeveritar në mbarë vendin. Pra, edhe një herë, të nderuar qeveritarë, përkujdesuni më shumë për shëndetin e qytetarëve tanë, përkujdesuni më shumë për shëndetin e atyre, të cilët janë në moshë më të shtyrë dhe janë më të rrezikuar nga COVID-i dhe po ashtu, përkujdesuni më shumë që qytetarët tanë të jenë sa më të vaksinuar në ballafaqimin me këtë situatë. 6 Njëkohësisht, meqenëse e kemi edhe ministren e Arsimit në këtë seancë, i kërkojmë që të dalë me plan konkret se në rast do të mbyllemi nga shtatori e tutje, të kemi një sistem online më të mirë të përgatitur në raport me mësimnxënien, sidomos për klasat e ulët, të cilët janë të atakuarit nga ky proces i mësimnxënies, i cili po goditet nga pandemia. Faleminderit! |
|
Shëndetësi |
Faleminderit, kryetar i Kuvendit!
Kabinet qeveritar,
Kryeministër,
Kolegë deputetë,
Do të dukej e pandershme, mbi të gjitha do të tingëllonte subjektive të shprehim kritikat, fyerjet,
etiketimet edhe në aspektin intelektual, profesional, moral, mbi
Lexo më shumë
Faleminderit, kryetar i Kuvendit! Kabinet qeveritar, Kryeministër, Kolegë deputetë, Do të dukej e pandershme, mbi të gjitha do të tingëllonte subjektive të shprehim kritikat, fyerjet, etiketimet edhe në aspektin intelektual, profesional, moral, mbi të gjitha, në raport me atë se si është sjellë Lëvizja Vetëvendosje, kryetari Albin Kurti dhe të tjerët në raport me situatën pandemike vitin e kaluar në Republikën e Kosovës. Se si është sjellë dhe çka kanë treguar, apo mbi të gjitha, duke shprehur një lloj arrogance të saj për të treguar diferencim në menaxhimin e pandemisë, një pandemi, një virus i rrezikshëm, i cili e ka përfshirë mbarë globin, jo vetëm Republikën e Kosovës. Në vazhdimësi, me sinqeritetin më të madh kemi insistuar apo, më mirë të themi, kemi shprehur edhe gatishmërinë që sado pak me kontributin tonë të vogël, modest, të japim në vlerësimin e situatës pandemike, por jo të merremi vetëm me krahasime, prapë po e them, me etiketime, fyerje, se ka të bëjë me jetën e njerëzve. Nuk do ta përdorim as sot shprehjen e vdekjeve nga COVID-i, ashtu siç e përdornit ju, vrasje. Është e ulët, është tepër e ulët dhe është fatkeqësi edhe në fjalorin politik. Po, as rritjen e numrit të rasteve të përdorim katastrofë humanitare, për shkak të menaxhimit apo mosmenaxhimit, e gjitha ka të bëjë me qasjen, me angazhimin dhe reflektimin mbi situatën çfarë lëviz lakorja e virusit, jo vetëm në Republikën e Kosovës, por edhe në rajon. Edhe pompoziteti për të vlerësuar se e gjetëm me 781 raste dhe e prumë me 9 raste, ndërsa rritja enorme, katastrofale brenda jave në numrin në 1 mijë raste, me testime dhe pa identifikim të rasteve të kontaktit, situata me të vërtetë është alarmante. Jo pse dëshirojmë, por me të vërtetë është alarmante që mund të përkthehet në humbje të jetës së njerëzve. E kemi lutur dhe prapë e lusim Qeverinë e Republikës së Kosovës t’i kthehet vetvetes dhe realitetit, jo krahasimeve, jo etiketimeve. Një fat i mirë është që e ka dhe ka pasur Republika e Kosovës është mbështetja e partnerëve dhe miqve ndërkombëtarë. Qasja edhe në aspektin rajonal, edhe në aspektin përtej rajonit, duhet të jetë qasja në menaxhimin e situatës pandemike, jo vetëm qasja e mbylljes, e panikut, e mbylljes, e panikut. Kjo nuk tregon rezultat, prapë të rikthen në pikën zero dhe në rritjen e numrit, kurdo qoftë që ka hapje të tepruar dhe pa asnjë kontroll. E kemi thënë, mos i largoni infermierët, mos i largoni inspektorët sanitarë, mos ua ndalni shtesat mjekëve, mos bëni 7 veprime, me të cilat jepni atë pasqyrën se pandemia ka përfunduar në Kosovë. Ju e keni bërë këtë. Ky është gabimi më i madh që njerëzve ua keni dhënë lirinë që nuk ka virus në Republikën e Kosovës, për shkak të Qeverisë së re dhe të menaxhimit të situatës pandemike. Kjo është ndëshkimi dhe gabimi politik, strategjik, menaxherial. Riktheni njerëzit për të menaxhuar raste spitalore. Riktheni mbështetjen për stafin mbështetës dhe stafin profesional shëndetësor. Riktheni inspektorët për mbikëqyrjen e masave të liruara pa asnjë lloj analize. Dhe, pjesa tjetër që ndërlidhet me vaksinimin e popullatës. Po, keni menduar që me vaksinimin e kryeministrit do të ngarendin edhe 50.20% të popullatës të presin në rend për vaksina. I keni mbyllur dyert edhe të shtunave dhe të dielave. Kjo është fatkeqësi, ky është keqmenaxhim, andaj duhet reflektim tjetër. Në emër të Lidhjes Demokratike të Kosovës ju ftojmë njerëzisht që t’i riktheheni punës. Vetëm puna dhe përkushtimi e lehtëson menaxhimin e kësaj situate deri në eliminimin e tërësishëm të virusit. Jo në eliminimin politik, dëshiror, as të shtyrjes së bërrylave në raport me ministrat apo me Qeverinë, as në raport me gjuhën që keni përdorur dhe prapë po e them, gjuhë e ulët, morale profesionale, kombëtare, racore dhe të gjitha që i keni përdorur kur ka pasur rritje të lakores së rasteve, ndaj kryeministrit, ndaj koalicionit qeverisës, ndaj situatës dhe, mbi të gjitha, ndaj profesionistëve shëndetësorë. Faleminderit! |
|
Shëndetësi |
Faleminderit, kryetar!
I nderuar kryeministër,
Kabinet qeveritar,
Deputetë,
Qytetarë të Republikës së Kosovës,
Janë dy tema që për momentin janë të rëndësishme për t’u ngritur. E para ka të bëjë me
menaxhimin e pandemisë dhe e dyta ka të bëjë me pu
Lexo më shumë
Faleminderit, kryetar! I nderuar kryeministër, Kabinet qeveritar, Deputetë, Qytetarë të Republikës së Kosovës, Janë dy tema që për momentin janë të rëndësishme për t’u ngritur. E para ka të bëjë me menaxhimin e pandemisë dhe e dyta ka të bëjë me punëtorët në të gjithë sektorët, të cilët janë të angazhuar në luftën e pandemisë, duke filluar nga personeli mjekësor e deri te të gjithë të tjerët që janë të angazhuar. Te vaksinimi, ajo që dua të them në emër të Grupit Parlamentar të Aleancës për Ardhmërinë e Kosovës është se Qeveria ka dështuar në vetëdijesimin, edukimin, në planin operacional të vaksinimit në masë të qytetarëve të Republikës së Kosovës. E ka nënvlerësuar situatën duke u thirrur fillimisht në rezultatet e rënies së numrave, të cilët po shihet se nuk ishin si vijimësi e politikave të Qeverisë, por në fakt, ishin element krejt tjetër. Dhe tani, kur situata është përkeqësuar, është alarmante dhe është gjendja më e keqe në rajon, e ftojmë Qeverinë e Republikës së Kosovës që me urgjencë t’i marrë veprimet e vaksinimit në masë dhe njëkohësisht të fuqizimit të qendrave të mjekësisë familjare në të gjitha komunat e Kosovës, të gjitha qendrat ku ndodh vaksinimi, që vaksinimi të ndodhë sa më shpejt dhe sa më shumë. 8 Është e padrejtë t’u drejtohet gishti qytetarëve të Kosovës, është e padrejtë të adresohet edhe kritika ndaj opozitës për shkak se, siç e dini të gjithë ne, deputetët, kryetari i subjektit tonë politik, deputetët, të gjithë kanë bërë thirrje dhe kanë marrë vaksinim publik. Kjo nuk mjafton, duhet ta kuptoni. Përderisa nuk ekziston një plan i tillë, procesi i vaksinimit është në dështim e sipër, ndërsa menaxhimi i pandemisë po shkon në menaxhimin më të dobët në gjithë rajonin. Tema e dytë ka të bëjë me Ligjin e pagave, me ministrin Sveçla, të cilit dua t’ia rikujtoj edhe një herë një proces tepër të rëndësishëm, atë të finalizimit të Ligjit të pagave. Pse po e them këtë? Kur po u duhet personali mjekësor, po thoni: “Këta janë heronjtë tanë”. Kur po u duhet ndihma e veprimit të policëve të Kosovës gjithandej, po thoni: “Janë heronjtë tanë”. Kur po ju duhet reagimi i shpejtë i zjarrfikësve, po thoni: “Këta janë heronjtë tanë”. Pse nuk po veproni me Ligjin e pagave, përderisa nuk kemi asnjë informatë në raport me këtë temë. E vetmja formë e financimit, e pagës së drejtë është miratimi i Ligjit të pagave dhe puna dhe sjellja në Kuvend, si dhe buxhetimi i këtij ligji. Kjo nuk po ndodh. Fatkeqësisht, keni larguar nga puna të gjithë ata që kanë qenë pjesë e menaxhimit të pandemisë. Jeni duke dështuar në konceptin e shtesave për njerëz që janë të angazhuar mbi orar, ndërsa Ligji i pagave nuk është askund. Kërkojmë nga ju që ta formoni, ta inicioni dhe ta buxhetoni këtë ligj, i cili njëherë e përgjithmonë u jep përgjigje këtyre kategorive dhe i jep drejtësi gjithë hierarkisë shtetërore që janë të punësuar në sektorin publik. Faleminderit! |
|
Ekonomi |
Faleminderit, kryetar!
I nderuar kryeministër,
Kabinet qeveritar,
Të nderuar deputetë,
Janë të pakta vende në botë, ku diaspora e të cilave ka luajtur një rol kaq të rëndësishëm dhe
domethënës sikurse në Kosovë. Që prej angazhimit dhe kontributit në
Lexo më shumë
Faleminderit, kryetar! I nderuar kryeministër, Kabinet qeveritar, Të nderuar deputetë, Janë të pakta vende në botë, ku diaspora e të cilave ka luajtur një rol kaq të rëndësishëm dhe domethënës sikurse në Kosovë. Që prej angazhimit dhe kontributit në lirinë dhe pavarësinë e Kosovës e deri në mbështetje materiale e financiare, me të drejtë mund të themi se diaspora jonë përbën asetin më të veçantë që e kemi. Sigurimi i ekzistencës dhe mirëqenies për familjet e tyre në Kosovë u bë prioritet i çdo mërgimtari që mori rrugën jashtë vendit. Ajo që në dukje ishte largim, në fakt doli të jetë forcim i mëtejshëm i lidhjes me vendlindjen deri në përmasat e kontributit në të gjitha sferat e jetës shoqërore-ekonomike. E meqë jemi te kjo e fundit, te ekonomia, diaspora kontribuon ndërmjet 30-34% të GDP-së vjetore të Kosovës përmes remitencave, shpenzimeve në turizëm, shërbimeve dhe në ndërtimtari. 9 Diaspora gjatë vitit të kaluar të pandemisë ka kontribuar me 1 miliard euro remitenca. Remitencat e diasporës gjatë këtij viti janë rritur rreth 30%. Vetëm gjatë 6 muajve të parë familjet e Kosovës kanë pranuar mbi 700 milionë euro remitenca. Ata janë duke kontribuar në ngushtimin e deficitit tregtar dhe janë bartës të ringjalljes ekonomike prej mbi 5.6% në gjashtëmujorin e parë në Kosovë. Dhe, sivjet diaspora ka filluar të rikthehet në Kosovë pas një viti të vështirë që lamë pas. Këtë vit në muajin korrik kemi regjistruar 340 446 udhëtarë përmes aeroportit Adem Jashari, krahasuar me 88 607 në vitin 2020 dhe 280 013 në vitin 2019. 100 mijë vetura kanë ardhur në Kosovë nga diaspora vetëm në muajin korrik. 7 milionë euro janë investuar nga diaspora në Bono-thesar. Marrë parasysh këto të dhëna pas një viti aspak të lehtë si rezultat i pandemisë, besoj se e meritojnë një falënderim të veçantë nga të gjithë ne. Në fund, shfrytëzoj rastin edhe për një lutje për të gjithë mërgimtarët tanë. Deri më datë 18 gusht është afati i regjistrimit i përcaktuar nga Komisioni Qendror Zgjedhor për të votuar nga jashtë vendit. Ju bëjmë apel, që të nxitoni. Pra, regjistrohuni. Është e një rëndësie të veçantë pjesëmarrja juaj në zgjedhje lokale që do të mbahen më datë 17 tetor. Aplikoni brenda këtyre 6 ditëve që kanë mbetur. Andaj, edhe një herë, ju faleminderit nga zemra, diasporë! |
|
Shëndetësi |
Faleminderit, kryetar!
Kabinet qeveritar,
Të nderuar kolegë deputetë,
Situata me pandeminë po shkon drejt përkeqësimit dhe për këtë Qeveria e Kosovës nuk është
duke u angazhuar si duhet, nuk po i bëhet vonë. Nuk është brengë e kësaj Qeverie pandemia,
Lexo më shumë
Faleminderit, kryetar! Kabinet qeveritar, Të nderuar kolegë deputetë, Situata me pandeminë po shkon drejt përkeqësimit dhe për këtë Qeveria e Kosovës nuk është duke u angazhuar si duhet, nuk po i bëhet vonë. Nuk është brengë e kësaj Qeverie pandemia, por pushteti, lukset dhe favoret e tij. Por, për shkak të kësaj qytetarët do të penalizohen, do të vuajnë nga COVID-19 për shkak të papërgjegjësisë, dështimit të Albin Kurtit dhe të Arben Vitisë në vaksinim masiv të qytetarëve të Republikës së Kosovës. Qeveria ka dështuar të realizojë vaksinimin masiv të premtuar, ka dështuar në planifikim, ka dështuar në sigurim të vaksinave, ka dështuar në administrim të procesit të vaksinimit. Albin Kurti dhe Arben Vitia planifikuan që 60% të qytetarëve të Republikës së Kosovës t’i vaksinojnë deri në fund të vitit, duke mos llogaritur se kur këta po hartonin planin e vaksinimit, varianti Delta kishte përfshirë Indinë, botën dhe Evropën. Dhe, nuk u bëhej vonë që të planifikojnë si duhet që të vaksinohen qytetarët e Republikës së Kosovës. Për më keq, në momentin që Qeveria e Republikës së Kosovës nënshkroi kontratën me Phizer, e klasifikoi si dokument sekret dhe kjo qasje e Qeverisë, duke klasifikuar dokumente sekrete dokumentet publike, ka rritur konfuzionin te qytetarët, ka zvogëluar besimin e tyre në procesin e vaksinimit dhe në vaksinën. 10 Qeveria në krye të procesit vendosi njerëz të papërvojë, njerëz që nuk ishin të specializuar në fushën e vaksinimit dhe të trajtimit të këtij procesi, ka anashkaluar profesionistët më me përvojë që i kishim në këtë fushë të shëndetit publik dhe epidemiologjik, si profesor Isuf Dedushajn, profesor Naser Ramadanin, të cilët gjatë kësaj periudhe kohore i kemi parë shumë pak në medie, të mos themi fare. Njerëz që një jetë të tërë ia kanë kushtuar shëndetit publik, njerëz që nga disa herë kanë vaksinuar qytetarët e Republikës së Kosovës, janë anashkaluar nga Qeveria dhe në krye të procesit kanë vendosur njerëz të papërvojë. Ka anashkaluar mbështetjen për mjekët, për profesionistët shëndetësorë, për stafin mbështetës, për Policinë dhe Inspektoratin, por njëkohësisht kanë dhënë mbështetje për asistentët e tyre, për asistentet, për këshilltarë e këshilltare të ministrave, të cilët i kanë angazhuar në nga 7-8 komisione e marrin me dhjetëra mëditje atje, me mijëra euro mëditje, më shumë marrin mëditje sesa që marrin pagë. Ndërsa, nuk ka paguar mëditjet për profesionistët shëndetësorë, prandaj i kanë mbyllur qendrat e vaksinimit të shtunave dhe të dielave, sepse mjekët nuk kanë shkuar të punojnë pa pagesë. |
|
Tregti |
Faleminderit, kryetar!
I nderuar Kabinet qeveritar,
Kolegë deputetë,
Fatkeqësisht, tanimë po shohim që numri i infektimeve ditore ka arritur në gati njëmijë dhe me
këtë trend do të tejkalojë këtë numër shumë shpejt. Fatkeqësisht me logjikën tuaj, se
Lexo më shumë
Faleminderit, kryetar! I nderuar Kabinet qeveritar, Kolegë deputetë, Fatkeqësisht, tanimë po shohim që numri i infektimeve ditore ka arritur në gati njëmijë dhe me këtë trend do të tejkalojë këtë numër shumë shpejt. Fatkeqësisht me logjikën tuaj, se është sukses i juaji zbritja e infektimeve ditore nga 781 në 9, po ashtu me logjikën tuaj do të ishte edhe përgjegjësi dhe dështim i juaji rritja e numrit të infektimeve ditore nga 9 në 888. Logjikë e gabuar, por është e juaja. Fatkeqësisht, po ashtu vaksinimi po dështon. E përmendi edhe kolegu Zemaj, që të shtunave dhe të dielave nuk ka vaksinime, përderisa në një pjesë të madhe të botës perëndimore vaksinimet bëhen edhe në lokale, ose hapësira publike, përtej atyre që po bëhen vetëm në Kosovë. Fatkeqësisht, në Prishtinë ka 3-4 ditë që qytetarët nuk mund të caktojnë edhe terminë. Me këtë ritëm të mosmenaxhimit do të përfundojmë fatkeqësisht, ose ju do të përfundoni duke marrë vendime për të karantinuar qytetarët në këtë vjeshtë, shto kësaj faktin që po rriten çmimet, rrogat s’po rriten, të hyrat e bizneseve nuk po rriten dhe ekonomia kosovare fatkeqësisht do të kolapsojë. Karantinimi do të sjellë tkurrje të ekonomisë, që do të sjellë buxhet më të vogël për Qeverinë. Premtimet dhe programet tuaja do të mbeten fatkeqësisht vetëm dëshira në letër. Mund 11 të deklaroni për rritje ekonomike 7% e 8%, 25% e sa të doni, por qytetarët kosovarë nuk po shohin që xhepat e tyre po rriten e po trashen, por vetëm po zbrazen. Çka po bëni ju? Cili është plani juaj për çmimet që po rriten, për rrogat që s’po rriten, për bizneset që po dështojnë? Ju lutem, përgjigje për qytetarët e Kosovës, për ekonominë kosovare, që do të hyjë në një fazë të rrezikshme të dështimit ekonomik në vjeshtë e nuk po shohim asnjë program, e më e keqja, asnjë përgjegjësi tuajën në këtë drejtim. Pandemia nuk është vetëm çështje shëndetësore. Pandemia është çështje ekonomike dhe ky dimension i menaxhimit të pandemisë, ose thënë ndryshe menaxhimit të ekonomisë në rrethana pandemike po mungon në programet e përditshme në planet tuaja qeveritare. Prandaj, ju lus që sa më shpejt t’u jepni përgjigje qytetarëve të Kosovës në dështimin ekonomik që po vjen në këtë vjeshtë. |
|
Punë të Jashtme |
Faleminderit, kryetar i Kuvendit!
Nuk mund edhe unë pa e theksuar dhe me apel për qytetarët që të vaksinohen, sepse me këtë
trend të rritjes të të infektuarve do ta kemi një kolaps në shëndetësi, sepse nuk do të kemi
kapacitete spitalore për t’i trajt
Lexo më shumë
Faleminderit, kryetar i Kuvendit! Nuk mund edhe unë pa e theksuar dhe me apel për qytetarët që të vaksinohen, sepse me këtë trend të rritjes të të infektuarve do ta kemi një kolaps në shëndetësi, sepse nuk do të kemi kapacitete spitalore për t’i trajtuar të gjithë këta të infektuar dhe duke e ditur që po kemi mungesa të barnave dhe trajtimi për COVID ka një kosto të lartë buxhetore që është i papërballueshëm për qytetarët e Kosovës, siç e kemi thënë edhe herëve të tjera. Andaj, Qeveria duhet të kujdeset që të gjitha institucionet shëndetësore spitalore t’i furnizojë me barna adekuate për trajtimin e COVID-it. Një çështje tjetër, ne si deputetë kemi përgjegjësinë e monitorimit të punës së Qeverisë dhe format e monitorimit dihen, janë përmes deklarimeve jashtë rendit të ditës apo me pyetjet parlamentare. Por shpeshherë Qeveria nuk po ka transparencë, as llogaridhënie para deputetëve. Në seancat e kaluara i kam parashtruar dy pyetje parlamentare, në dy seanca radhazi dhe nuk kam marrë përgjigje. Njëra ka qenë që është çështje e rëndësishme, është mungesa e ambasadorëve dhe rekrutimi i ambasadorëve që duhet të ndodhë për shkak se shumë qendra botërore kanë ngelur pa ambasadorë dhe në këtë periudhë të rëndësishme, ku jemi në fazën e dialogut, nuk kemi përfaqësim të dinjitetshëm në ato qendra dhe kjo është një e metë e kësaj Qeverie që po e trajtojnë me seriozitet të paktë apo pa seriozitet këtë çështje që është e rëndësisë jetike. Një çështje tjetër është një pikë e Marrëveshjes së Uashingtonit. Ka qenë moratoriumi për mosaplikim në organizata ndërkombëtare. Ju si Lëvizje Vetëvendosje keni kundërshtuar se po i bëhet një padrejtësi Kosovës dhe tash ju e dini që ky moratorium përfundon në shtator. Unë kam dashur, kam bërë pyetje dhe kërkoj përgjigje prej zëvendëskryeministrit të parë, ndoshta edhe kryeministri: sa është përgatitur Qeveria e Kosovës për aplikim në organizata ndërkombëtare? Sepse në shtator përfundon ky moratorium dhe në cilat organizata ndërkombëtare do të aplikojë, 12 sepse dihet që kërkohet një dinamizëm dhe lobim për anëtarësim në organizata ndërkombëtare. Si do të lobojmë për anëtarësim, nëse veç është përgatitur Qeveria, kur plot vende i kemi pa ambasadorë? Ndoshta zëvendëskryeministri ose kryeministri nuk do të hezitojnë të na japin këtë përgjigje. Faleminderit! |