Përshëndetje, I nderuar kryetar i Kuvendit, I nderuar Kabinet qeveritar, Të nderuar kolegë deputetë, Sot në foltoren e Kuvendit të Republikës së Kosovës dua të shpreh shqetësimin tim rreth dy rasteve të fundit me motive raciste, njëri në Gjakovë e tjetri në komunën e Prizrenit. Sidomos këtë të fundit, ku një qendër tregtare nga roja e sigurimit është rrahur një familje rome, babai 45-vjeçar, i cili ende merr terapinë e caktuar për shërbim të plotë të leukemisë dhe djali 22- vjeçar, në sytë e bashkëshortes, nënës dhe vajzës, motrës 10-vjeçare. Krejt kjo ndodhi për shkak të mosmbajtjes së maskës të djaloshit 22-vjeçar, ku krejt në fund del që maska ishte vetëm pretekst i ngjarjes. Jam i bindur që një ndodhi e tillë është e papranueshme për tërë shoqërinë kosovare, e sidomos për shoqërinë e komunës së Prizrenit, të cilët me shekuj trashëgojnë frymën e tolerancës dhe bashkëjetesës mes komuniteteve. 5 A thua pse ndodhi e gjithë kjo? Pse disa grupe të caktuara marrin guxim për një sulm me motiv racist? Përgjigjja është shumë e qartë: për shkak se institucionet e drejtësisë që nga hetimi e deri tek ekzaminimet mjekësore, e sidomos vendimet qesharake të gjyqësorit janë rezultat i ushqimit të nxitjes së motivit për racizëm. Prandaj, sado që këto raste të jenë të izoluara nuk marrin trajtimin profesional, kam frikë që do të përditësohen dhe do të rëndojnë edhe më tej rendin kushtetues dhe demokratik. Në fakt, kjo është edhe njëra prej arsyeve pse komunitetet pakicë, ekskluzivisht komunitetet romë, ashkali dhe egjiptian, hezitojnë të raportojnë diskriminimet me të cilat ata ballafaqohen, sepse totalisht ka humbur besimin në institucionet e drejtësisë. Prandaj, lë të kuptohet që trajtimi profesional i rasteve, që nga procedura hetimore, ekzaminimet mjekësore si dhe vendimet e duhura gjyqësore, vetëm kështu do të arrijmë të ngremë vetëdijen qytetare, e sidomos ato institucionale. Pra, siç thotë ministrja e Drejtësisë, krejt veting, përnjëmend krejt veting. Prandaj, ftoj të gjitha organet shtetërore të reagojnë për rastin në fjalë dhe të kërkojnë përgjegjësi nga organet relevante lidhur me trajtimin e rastit, sepse vetëm kështu mund të evitohet më e keqja. Nga këtu, edhe një herë ftoj Avokatin e Popullit që sa më shpejt ta hapë ngjarjen si rast të ndodhisë së fundit. Po ashtu, të mos harroj t’i bëj thirrje edhe Bashkësisë Islame në Kosovë që nesër, në ditën e xhumasë të mbajë ligjërata kundër racizmit dhe kundër dhunës në familje, me qëllim të ngritjes së vetëdijesimit të mijëra qytetarëve, të cilët vizitojnë xhamitë pikërisht në ditën e xhumasë. Faleminderit!

I nderuar kryetar, Të nderuar deputetë, Kabinet qeveritar, Të dashur qytetarë, Me këtë parashtresë do të mundohet të shtroj 2-3 çështje, për të cilat mendoj se e vlen të shtrohen dhe të thuhen nga ne si deputetë. 6 Së pari, duhet tërheq vëmendjen për sjelljet, qëndrimet, mospërfillëse ndonjëherë nga ndonjë ministër i Qeverisë së Kosovës. Projektet, dora e parë e ligjeve, projektligjet si dhe të gjitha çështjet e tjera, të cilat sillen në Kuvend për aprovim është e drejtë e secilit deputet jo vetëm të thotë fjalën, të shprehë mendimin e vet, edhe kundërshtues, por për këtë edhe detyrohet. Prandaj, ministrat s’kanë nevojë të jenë mospërfillës, aq më pak të jenë kundërshtues, por të jenë në temë, sqarues, shpjegues dhe argumentues. Pra, të sillen në atë mënyrë që të jenë bartës të kërkimit të mundësive për të aprovuar ky institucion të gjitha ato projektligje a marrëveshje të parashtruara. Për mendimin ndryshe është opozita, pse jo edhe shumica aty ku e do puna dhe në fund, janë numra ata që mundësojnë ose jo aprovimin. Së dyti, dua t’i shtroj edhe 2-3 fakte në fund të paraqitjes së koleges së nderuar deputetes Blerta. Se kush janë terroristët dhe kush i ka quajtur të tillë djemtë tanë të rastit Kumanova. Deputetë të nderuar, Koleges po ia kujtoj vetëm në disa fakte historike, si dhe disa fakte të kohës sonë. Qyteti i Manastirit, të cilit sllavët i thonë Bitola, ishte një qendër e madhe e Rilindjes Kombëtare. Përveç veprimtarive të tjera kombëtare, aty është mbajtur edhe Kongresi i Alfabetit të Gjuhës Shqipe, i kësaj gjuhe që flasim edhe ne sot këtu në Kuvend. Zonja e nderuar, a keni qenë ndonjëherë që ta shohësh atë qytet, a dëgjon gjë shqip aty? A e ke vizituar Muzeun e Kongresit dhe a e di sa dokumente janë zhdukur nga aty, po për Rekën e Epërme ke dëgjuar ndonjëherë? Një krahinë e tërë shqiptare, e asimiluar dhe pas Luftës së Dytë Botërore vetëm se ata ishin shqiptarë ortodoksë që e vetmja rrugë për të mbetur gjallë u është ofruar asimilimi në maqedonas, ose të shpërnguleshin. Sigurisht e di se në cilat rrethana është përgatitur lufta e Ushtrisë Çlirimtare Kombëtare në Maqedoninë Shqiptare në vitin 2001. Për luftën e kësaj ushtrie të lavdishme, qëndrime të politikës zyrtare në Tiranë dhe në Prishtinë dihet, mirëpo pas kësaj lufte çlirimtare për shqiptarët atje ka ndodhur gjenocid i paparë. Keni vizituar ndonjëherë varrezat e të rënëve në Sllupçan të Kumanovës, aty ku s’janë kursyer qytetarët e pafajshëm nga foshnja me vetëm një ditë jetë dhe të moshuarit 90-vjeçar, besoj dhe do të duhej t’ ju kujtohen rastet e inskenuara të si në Brodec, në Odrën, Shkup, Haraqinë, Monstër, e deri te ky gjenocidi i fundit 2015 Kodra e Trimave në Kumanovë. Ata djem, luftëtarë 7 të lirisë të tri luftërave shqiptare, kishin shkuar atje që të jenë afër bashkëkombëseve të tyre për të mos ndodhur ndonjë gjenocid tjetër. Tash po ju pyes, zonjë e nderuar, Janë terrorist këta? Regjimi kriminal i Gruevskit, i cili ushtroi terrorizëm shtetëror ndaj shqiptarëve, sidomos ndaj atyre pjesëve, tokave shqiptare ku lufta e Ushtrisë Çlirimtare Kombëtare kishte qenë e pathyeshme . Pra, dihet se cilët ishin qëndrimet ndaj shqiptarëve, siç dihet se ku është sot Gruevski. Ata djem, pjesëmarrës të Betejës së Kodrave të Trimave në Kumanovë, janë ndër djemtë luftëtarët më të lavdishëm të tri luftërave çlirimtare të shqiptarëve në fund të shekullit të kaluar dhe në fillim të këtij shekulli. Më tutje, e dini, zonjë e nderuar, se nga 10 djem e.. E nderuar kolege, Se këta luftëtarë janë shpallur dëshmorë të kombit nga organizatat të dala nga lufta dhe se varrimi i tyre është bërë me nderimet më të mëdha të dhjetëra-mijëra shqiptarëve dhe të përcjellë nga Trupat Mbrojtëse të Kosovës. Pra, zonjë e nderuar, Qeveria e Gruevskit që ishte vëlla ideologjik i Milosheviqit, ishte terrorist, apo ende mendoni se ai ishte paqësor, dhe këta djem kishin shkuar atje të bëjnë terrorizmin. Në fund dëshiroj të dëgjoj edhe mendimin e kolegëve deputetë të Partisë Demokratike, se ndajnë të njëjtin mendim me kolegen e tyre dhe tonën, zonjën Blertë, apo cili është qëndrimi i tyre. Faleminderit

Faleminderit, i nderuar kryetar i Kuvendit! I nderuar kabinet qeveritar, Deputetë, 8 I dashur e shumë i respektuar baca Gani, Po e ndjej si obligim, meqenëse herën e fundit në këtë Parlament më është mohuar e drejta e fjalës për të sqaruar një keqkuptim të dukshëm e një keqkuptim të qëllimshëm, po e qartësoj edhe një herë sot para qytetarëve se për asnjë moment Blerta Deliu-Kodra nuk ka cilësuar të dënuarit që vuajnë burgimin në Maqedoni si terroristë. Qëllimisht dhe me dashakeqësi më është shkëputur një fjali nga konteksti për të deformuar gjithë idenë e replikimit. E keni keqinterpretuar si ju ka konvenuar për të nxitur e për të ndërsyer militantët tuaj. Përpos nxitjes dhe përdorimit të dhunës në gjithë historikun e juaj nuk keni ditur që të bëni gjë. Keni dështuar dëshpërimisht të qeverisni, sepse as s’e keni aftësinë e as s’e keni dijeninë dhe po mundoheni të mbani pushtetin duke ricikluar militantë e duke shpërfaqur dhunë. I keni ndërsyer servilët e të paskrupujt më të korruptuarit moral t’ju prijnë bandave të linçimit të këtyre ditëve, duke përfshirë edhe deputetë të këtij Parlamenti, duke besuar se zëri i një gruaje që përfaqëson dy familje është zë lehtësisht i mbytur, e po ju them se keni gabuar thellësisht. Ju, të nderuar kolegë deputetë dhe qytetarë të Republikës së Kosovës, E dini mirë se unë u përkas dy familjeve të mëdha patriotike, të cilat kanë flijuar shumë për lirinë e Kosovës, familjes Kodra dhe familjes Deliu, pra të provoni me servilë e të paskrupuj të diskreditoni trashëgiminë e tyre, po ju them sot ju dhe qytetarëve të Kosovës se e keni mision të dështuar. Mjedisi familjar, e sidomos krahina e regjionit prej nga unë vij, kanë qenë ndër vatrat e para të ndezura të rezistencës, familja Kodra dhe Deliu janë rreshtuar që në fillim në celulat e para të Ushtrisë Çlirimtare të Kosovës. Kemi plagë të cilat nuk janë mbyllur kurrë. Lufta na ka marrë njerëzit, por na ka dhënë një krenari të pashpjegueshme, sepse kemi qenë aty kur vendi më së shumti kishte nevojë. Një obligim kombëtar, natyrisht që kurrë nuk do t’ia kthejmë vendit. Në këtë kontekst, si është e mundur, po ju pyes unë juve, që unë Blerta Deliu-Kodra të kem një mendim të tillë ndaj pjesëtarëve të Ushtrisë Çlirimtare të Kosovës, siç kanë provuar të aludojnë disa nga ju. Mirëpo, ky fjalim imi, kolegë deputetë, është vetëm për të shprehur keqardhje për keqinterpretimin, të cilin dua ta korrektoj, por jo për bindjet e mia, pasi ato nuk kanë gabuar asnjëherë. Respekti im për luftën, simpatia për drejtuesit e saj, nderi im për ushtarët dhe përulja që kam ndaj të rënëve nuk lejojnë në asnjë mënyrë të interpretohem ndryshe. Veç tjerash, unë jam pjesë e një bashkësie politike që rrjedh po nga ai mjedis, Partia Demokratike e Kosovës. Nga kjo bashkësi që luftuan për të mbrojtur historikun e saj dhe për të promovuar veprën e shumë atyre, të cilët kanë flijuar më të shtrenjtën jetë. 9 Një keqinterpretim i qëllimshëm në këtë seancë plenare nuk mund të kthejë në defansivë dhe të dorëzohem para disa individëve, të cilët përmes fyerjeve, përmes ironisë, përmes nëpërkëmbjes, në konsistencë kanë provuar të dëmtojnë imazhin e luftës së armatosur të shqiptarëve për çlirim, para disa individëve që përmes shpifjes, përmes gënjeshtrave publikimeve e sulmeve të paargumentuara kanë ushqyer propagandën ndaj Ushtrisë Çlirimtare të Kosovës që për turpin tonë, për turpin tonë jemi detyruar ta mbrojmë. E unë sot pyes nga kush? Nga disa shqiptarë, të cilët provuan edhe rrënimin e lavdisë së saj vetëm për të ardhur në maje të pushtetit, e kjo kolegë deputetë, të nderuar qytetarë të Kosovës, është e dhimbshme shumë. Unë sot s’e kam kërkuar fjalën për t’i dhënë llogari ministres Haxhiu, këtë nuk do ta bëj asnjëherë dhe as bashkëpartiakëve të saj, sepse është gjuha, të cilën ata nuk e kanë kuptuar e nuk do ta kuptojnë asnjëherë. Por, nga kjo foltore e këtij Kuvendi ju drejtohem juve për sqarim më të saktë, për të parandaluar keqinterpretimin e mëtejmë nga njerëz që në mungesë të rezultateve qeverisëse, duan e deshën që të shpërqendrojnë vëmendje. Atyre djemve që janë atje, ndjesë më të madhe nga unë për keqinterpretimin e qëllimshëm që ju e keni bërë në këtë foltore të Kuvendit.

Faleminderit, kryetar i Kuvendit! Kryeministër, Të nderuar kolegë deputetë, Kabinet qeveritar, Sot kur pothuajse i gjithë rajoni është përfshirë në një rritje të numrit të rasteve me COVID-19 dhe po ashtu vendet evropiane kanë marrë masa kufizuese për të parandaluar një valë të re të infeksionit, Qeveria e Kosovës dhe Ministria e Shëndetësisë duket që po e kalon këtë situatë sikurse Kosova është imune nga pandemia dhe nuk po ndodh asgjë. Këtë qasje mashtrimi dhe vetëkënaqësie e kemi parë në fillimverën e këtij viti, kur u krijua përshtypja nga deklarimet dhe veprimet e kësaj Qeverie dhe të Ministrisë së Shëndetësisë se virusi është mundur, e me moton se ne jemi tash në Qeveri. Me këtë rast ndodhi rritja enorme e numrit të të infektuarve e fatkeqësisht në kulmin e shtimit të këtij numri ministri i Shëndetësisë, në kundërshtim me rekomandimin e Institutit Kombëtar të Shëndetësisë Publike dhe logjikës së mbrojtjes nga infeksioni vazhdoi lirimin e masave, shtimin e grumbullimit të njerëzve, e kjo papërgjegjësi shkaktoi numër të madh të infeksionit, e si pasojë edhe numër rekord të vdekjeve të qytetarëve tanë. Kolegë deputetë, Qeveri e respektuar, 10 Kjo situatë duket që është duke shkuar në përsëritje, kur nuk po shohim një angazhim, plan, strategji apo prioritet të ruajtjes së shëndetit publik si dhe ndërmarrjet e masave parandaluese për të mos përsëritur një situatë të tillë fatkeqësie. Menaxhimi dhe vendimmarrja nuk bëhet duke u ankuar, shpifur dhe imagjinuar situata, të cilat kërkojnë të gjejnë fajtor në të kaluarën. Çdo veprim pothuajse deri tani është mashtrim, demagogji dhe pa dituri e kësaj Qeverie, e cila reagon në afekt, panik dhe vetëm kur ka pasoja. Kur u larguan punëtorët shëndetësorë dhe inspektorët, thanë se s’ka nevojë se kaloi pandemia. Kur u ndalën shtesat dhe përkrahjen buxhetore për mjekët dhe stafin shëndetësor, na thanë se do të sjellim ligjin e pagave. Asnjëra nuk ndodhi, përpos injorim i punës, situatës dhe progresit në shëndetësi. Sot nga këto veprime kemi greva dhe protesta të këtij sektori,. Ndërsa ligji për pagat është vetëm në nivel diskutimi, pa ide dhe zgjidhje të shpejtë. Andaj, ftoj urgjentisht që Qeveria dhe Ministria e Shëndetësisë të ndërmarrë masa adekuate konform paralajmërimeve të OBSH-së dhe gjendjes në rajon e Evropë. Të mos neglizhojë situatën e të kemi pasoja të pariparueshme. Gjithë këto ditë dëgjojmë për mungesë të barnave nga lista esenciale, mungesë të insulinës si dhe shumë gjërave më elementare për pacientët tanë. Andaj, kjo qasje është e patolerueshme dhe duhen intervenime urgjente. Gjithashtu dialogu duhet të gjejë mirëkuptim me mjekët dhe infermierët, përndryshe injorimi i tillë është shtytje për greva dhe me këtë pasojnë pacientët tanë kudo në Kosovë. I nderuar kryeministër, Nuk mund të vazhdoni me papërgjegjësinë tuaj dhe fajtor për paaftësinë tuaj dhe të Ministrisë së Shëndetësisë të fajësoni popullin dhe të tjerët. Duhet ndërmarrë masa, veprime konkrete në ruajtjen e shëndetit publik. Faleminderit!

Sot po ju drejtohem i nderuar kryetar, I nderuar kryeministër, Kabinet qeveritar, Deputetë, 11 Qytetarë të Kosovës, Dy arsye pse e mora fjalën. E para është se është Dita e falënderimeve, amerikanët e kanë ditë familjare, bashkohen pasi një viti zhvillimesh në jetë dhe e kanë në mënyrë falënderuese për njëri-tjetrin, shprehin dashurinë, ndjenjën e mirë. Ne u urojmë të gjithë amerikanëve që jetojnë në Kosovë, populli ynë e ka një shprehje, janë në familjen e vet, se Kosova është familja e dytë e tyre. Njëkohësisht gjithë miqve të tjerë. Ndërsa ajo që dëshiroj të them dhe arsyeja pse po ashtu e kërkoj fjalën jemi në vigjilje të Festës së Flamurit, të 28 Nëntorit, pra të nëntorit të Kastriotit, të Ismajl Qemajlit, Isa Boletinit, Adem Jasharit, të UÇK-së edhe të gjitha lëvizjeve për liri, pra të Ibrahim Rugovës, të Adem Demaçit e të gjitha atyre që kanë bërë mund për lirinë e vendit. Përulemi me respekt, janë edhe pak ditë, do ta kemi mundësinë edhe të nderojmë në vende të shenjta, ku pushojnë heronjtë e dëshmorët. Mendoj që në një periudhë si kjo ia vlen të provojmë të gjejmë pozicione të përbashkëta, dallimet që i kanë të gjithë, spektri politik, institucionet e ndryshme, figurat e ndryshme politike për çështje të interesit nacional. Mendoj që është me rëndësi sa u përket qëndrimeve të përbashkëta Kosovë-Shqipëri që të bimë dakord për hekurudhën, pra hekurudha nuk do të jetë e njëjtë nga ne, do të jetë e gjithë neve Prishtinë-Durrës. Mendoj që mund të punojmë më shumë për një mbrojtje të përbashkët ushtarake Kosovë-Shqipëri, nuk është diçka e largët, duhet arritur deri aty. Pastaj, mendoj që është e drejtë të punohet që shtetësia shqiptare t’i takojë çdo shqiptari, kudo në glob, pa marrë parasysh ku janë, kushdo që mund ta dëshmojë origjinën shqiptare, edhe arbëreshët, edhe të tjerët, të kenë të drejtë në shtetësinë shqiptare, e lejojnë edhe ligjet e konventat ndërkombëtare këtë. Mendoj që duhet të punojmë bashkë e të përkrahim ata që janë me përgjegjësi që të arrihet një marrëveshje me Serbinë për njohje reciproke në kufijtë ekzistues. Mendoj që po, jemi për t’u hapur Ballkani, pra për një Ballkan të hapur kishim mundur të gjejmë një dakordim, por kjo të ndodhë pas njohjes së pavarësisë së Kosovës nga Serbia, pra është e pamundur të hapet Ballkani në gjendjen ekzistuese Kosovë-Serbi dhe po ashtu mendoj që duhet të shkojmë më tutje të punojmë me kujdes për Kosovën në NATO. Jam i bindur se përshpejtimi i procesit të Kosovës në NATO ose i anëtarësimit ose i ftesës ose i nisjes së rrugëve drejt NATO-së është interes i të gjithëve. 12 Në emër timin dhe të bashkëpunëtorëve të mi, e besoj të atyre që interesat kombëtare nuk i harrojnë dhe nuk i kanë në mend vetëm këto ditë, jemi të gatshëm të bashkëpunojmë. Faleminderit!

Faleminderit! Pozdravljam sve, Da ne ostavimo danas dug 25. novembru nacionalnom danu protiv nasilja nad ženama ove lepe narađaste šalove koji nosite upravo simbolizuju tu bitku. Nasilje nad ženama i devojčicama predstavlja značajan javno zdravstveni problem sa dubokim socijalnim, zdravstvenim i ekonomskim posljedicama za pojedinca, porodicu i društvu u celini. Osim toga, to je jedan od najrasprostranjenih oblika kršenja ljudskih prava, a proističe iz stavova da žene ne trebaju da imaju ravnopravan status sa muškarcima. Podaci pokazuju da jedna od tri žene u svjetu prebijene, prisiljene na seksualni odnos ili su doživele neki vid zlostavljanja, a naslednik je najčešći muškarac ili bliskog okruženja. Statistiku koji imamo na Kosovu još i mnogo gore od toga sa kojima se svet suočava. I sve se to dešava zbog toga zato što živimo u svetu i društvo gde se takvim stvarima čuti, i gde nije pristane mešati su u tuđe život, brak ili vezu. Vekovima smo učili da okrećemo glavu i ne obraćamo pažnju na tuđe probleme i da mislimo da je normalno da žena trpi. Danas bi sa vama želela da pričamo o tome da o jednom modernom načinu zlostavljanje žena, a to je digitalno zlostavljanje ili interne zlostavljanja žena, koje kod nas od početka pandemija pa do danas današnje zbog povećanog korišćene interneta postaje sve ozbiljnije, i mislim da praktično svaka treća žena u stvari predstavlja jednu od žrtvu ovakvog vrsta nasilja. Naselje na internetu je svaki oblik nasilja koje nastaje upotrebom digitalnim tehnologija. Može se odvijati na društvenim mrežama, aplikacijama za razmenu poruka, gejming platformama, i mobilnim telefonima. To je ponašanje koja se ponavlja i koje ima za cilj da uplaši, šantažira, naljuti ili osramoti osobu koju napadaju. Primeri digitalnog nasilja su širenje neistina ili objavljivanja sramnih fotografija nekoga na društvenim mrežama, slanje pretnje preko platforme za razmenu poruka, lažno predstavljanje i slanje neprikladnim poruka drugima u tuđe ime. 13 Istina je da ni jedna žena nije imuna na ovu vrstu naselja, te ne čudi činjenica da su digitalno nasilju izložene žene koji izražavaju svoje stavove na internetu, predstavnica akademske zajednica političarke, žena na visokom funkcijama kao i aktivistkinje organizacija koje se zalažu za rodnu ravnopravnosti i prava žena. Ne bi sada da pričamo o tome šta smo uradili da sprečimo sve ovo a što nismo, samo bi želela da menjam praksu i moju i vašu, tako da nećemo samo jedno godišnje na ovaj svetski dan pisati statuse na Facebook koji pričati u nasilju na ženama, nego da povučemo nekoj konkretne akcije, kao što smo mi to uradili u Parlamentu Kosova, u pripremi Zakona protiv nasilja nad ženama, ko je praktično u završnoj fazi prvog čitanja. I mislim da nijedno sama od nas ne može da stane na putu ovo negativno fenomenu, nego trebamo da imamo...

Faleminderit, kryetar! I nderuar kryeministër, Zëvendëskryeministra, Kabinet qeveritar, Të nderuar kolegë deputetë, Të dashur qytetarë të Republikës së Kosovës, Sot nuk isha e paraparë të flas në deklarime jashtë rendit të ditës, reagimi i koleges deputete Blerta Deliu-Kodra më bëri ta marr fjalën. Si e para, një grua në politikë gjëja më e keqe që mund ta bëjë është të mos e mbështesë një grua tjetër. Andaj, ky deklarim imi sot ndaj deklaratave të rrejshme të saj është tërësisht parimor. Në kuadër të asaj se çfarë tha Blerta Deliu-Kodra atë ditë, incizimi është, nuk ka pasur ndërprerje të fjalëve të saj, ajo i është drejtuar ministres së Drejtësisë tekstualisht: ‘Si do të duket takimi me një ministër të Gjermanisë, ku në CV-në tënde shkruan se kunati juaj është i dënuar për terrorizëm në Maqedoni’, asnjë pikë, asnjë presje nuk është ndryshe nga ajo fjalë, e para. E dyta, reagimet nuk kanë ardhur nga aktivistë e militantë të Lëvizjes Vetëvendosje, po nga gjithë njerëzit qëllimmirë të këtij vendi, të cilët nuk e shohin Ushtrinë Çlirimtare të Kosovës si organizatë terroriste. Se ata që janë sot në Kumanovë, nuk janë të Lëvizjes Vetëvendosje, janë të të gjitha partive, janë edhe të Aleancës, janë edhe të Partisë Demokratike. 14 Nuk është hera e parë që zonja Deliu-Kodra e sulmon luftën. Ajo vjen nga një rajon siç e shpjegoi edhe vetë i Drenicës, përderisa këtu në Kuvend ka votuar kundër Ligjit për personat e dhunuar. Numri më i madh i personave të dhunuara është në Drenicë dhe në Dukagjin, ajo gjithashtu ka votuar për Gjykatën Speciale, përkundër faktit që sot këtu ngritët gishti dhe akuzohen të tjerët. Unë prita një mohim tjetër nga ajo, se ajo tha që atë ditë u shpif. Nuk e mohoi që motra e saj punon në prokurim të Kuvendit, në kontrata të mëdha, ajo sot nuk e mohoi se vëllai i saj punon në zyrën e prokurimit të RTK-së, nuk e mohoi që dhëndri i saj është në OSHP, a të gjitha këto në emër të vlerave të luftës? A janë të gjithë pjesëtarët e luftës të punësuar në Kuvend, në Zyrën e Prokurimit? A janë të gjithë të punësuar në Radiotelevizionin e Kosovës? Apo, të gjithë kanë qasje në Organin e Shqyrtimit të Prokurimit Publik? Jo! Për arsye se në emër të luftës keni abuzuar, për arsye se në emër të luftës këtu keni ndjellë të pavërteta. Përderisa kjo qasje juaja dhe derisa ulej në vend, zonja Deliu Kodra u kthye me deklaratën ndaj meje “mshele, mshele, mshele”. Kjo është sjellja e një deputeteje ndaj një deputeteje tjetër. E njoh shumë më herët, nuk e njoh vetëm si deputete. Kam menduar se është një mike, po e kuptoj se në momentin kur vjen interesi, i cili e prek në interes ekskluzivisht personal dhe manipulim, janë në gjendje të shkelin mbi të gjitha...

Fillimisht, më lejoni të marr një minutë kohë rreth kampanjës me të cilën u hap kjo seancë sot nga kolegia jonë nga Vetëvendosja. Desha veç t’ia kujtoj që unë fillimisht e përgëzoj kampanjën për mbrojtje të ambientit, por desha t’ ia përkujtoj që nuk është hera e parë që ne pimë unë me gota të qelqit në Kuvendin e Kosovës. Është mirë të rikujtohet pse janë larguar gotat e qelqit nga Kuvendi. Janë larguar për shkak të dhunës së krijuar në këtë Kuvend dhe rrezikut që është paraqitur këtu nga deputetët e dhunshëm të Lëvizjes Vetëvendosje. Prandaj, edhe një herë, unë po e përgëzoj rikthimin e gotave të qelqit dhe uroj e shpresoj që të mos na detyroni që t’i largojmë prapë. Kaq sa i përket kampanjës për mbrojtjen e ambientit. Të nderuar qytetarë të Republikës së Kosovës, Të nderuar kolegë dhe ju kolege deputete, Sot dua të flas për shqetësimin e bujqve dhe fermerëve të Kosovës, meqenëse jam në kontakt të vazhdueshëm me ta, jam e informuar që ata po ballafaqohen me probleme serioze. Meqenëse 15 Rregullorja e Kuvendit për këtë pikë ma lejon vetëm 3 minuta të flas, unë do të kaloj direkt në temë. Ministria e Bujqësisë, Pylltarisë dhe Zhvillimit Rural, përkatësisht Agjencia për Zhvillimin e Bujqësisë më datën 29 janar 2021, me qëllim të mbështetjes së aftësisë konkurruese të sektorit agrorural, rritjen e prodhimit dhe të produktivitetit, përmirësimin e sigurisë së ushqimit, përdorimin e teknologjisë moderne, diversifikimin e aktiviteteve në ferma dhe bizneseve rurale, mbrojtjen e mjedisit dhe të resurseve natyrore, krijimin e vendeve të punës dhe zvogëlimin e bilancit negativ tregtar, ka shpallur thirrjen e dytë për aplikimin për fermerët, për agropërpunuesit dhe bizneset rurale për disa masa të Programit të zhvillimit rural 2020-2021. Aplikimi për këto masa ka përfunduar më 1 mars të vitit 2021, kurse rezultatet duhej të shpalleshin brenda një afati kohor prej tre muajve. Deri në këtë moment aplikuesit nuk kanë marrë asnjë përgjigje, qoftë pozitive apo negative, thjesht ata janë injoruar. Tash e 10 muaj institucioni ynë shtetëror po i mban peng bujqit dhe fermerët, të cilët duan të dinë nëse do të jenë përfitues apo nuk do të jenë përfitues të këtyre skemave, si rezultat i kësaj neglizhence, as ata që kanë pasur ndonjë mundësi të vogël vetjake për investime nuk e kanë bërë këtë, gjithmonë duke pritur dhe duke shpresuar se do të jenë përfitues të këtyre skemave. Edhe procesi i subvencioneve për vitin 2021 karakterizohet me mungesë të transparencës, shtrohet pyetja: deri ku ka shkuar ky proces, sepse sipas informatave që kam, nuk është bërë asnjë kontroll në terren dhe as nuk dihet se si do të bëhen kontrolle dhe verifikimi tani kur kanë filluar mbjelljet vjeshtore. Bujqit.... Bujqit dhe fermerët me të drejtë pyesin se a do të bëhen pagat në dhjetor, pasi që dhjetori është afati kur përmbyllen të gjitha pagesat nga institucionet shtetërore dhe vitin fiskal 2021. Nga ky neglizhim bujqve dhe fermerëve, përveç tjerash, u është shkaktuar edhe dëm material deri në 1 mijë euro për një aplikim, si dhe dështim të planifikimit vetjak. Një trajtim i tillë është i papranueshëm dhe i pajustifikueshëm dhe, për këtë bujqit nuk përjashtojnë mundësinë e manifestimit të pakënaqësive të tyre dhe përmes protestave. Opinioni publik e di që në Agjencinë e Zhvillimit të Bujqësisë kanë ndodhur edhe arrestime, edhe keqpërdorime të detyrës zyrtare, zhvillime këto, të cilat unë personalisht edhe publikisht i kam përshëndetur, por kjo nuk guxon të jetë arsyeja që bujqit, fermerët dhe pronarët e bizneseve rurale të mos marrin përgjigje për 16 aplikime të tyre dhe të dëmtohen më shumë dimensione. Ata nuk janë fajtorë dhe nuk duhet të paguajnë për mungesën e papërgjegjësisë...