Deklarimet
Emri | Sektori | Çështja |
---|---|---|
Drejtësi |
I nderuar kryetar i Kuvendit, Zonja nënkryetare, I nderuar kryeministër, I nderuar Kabinet qeveritar, Të nderuar kolegë deputetë, Të dashur qytetarë, Një gjë dua ta them para se ta lexoj këtë fjalim të shkurtër. Pos që jemi deputetë, edhe për mua të gj
Lexo më shumë
I nderuar kryetar i Kuvendit, Zonja nënkryetare, I nderuar kryeministër, I nderuar Kabinet qeveritar, Të nderuar kolegë deputetë, Të dashur qytetarë, Një gjë dua ta them para se ta lexoj këtë fjalim të shkurtër. Pos që jemi deputetë, edhe për mua të gjithë jeni të nderuar, janë të nderuar edhe ata të komunitetit serb si njerëz, do të jenë shumë të nderuar sikur të jenë në misionin e tyre, për çka janë këtu të zgjedhur nga qytetarët e tyre. Por, e marrin atë të drejtë për t’i parë, vërtet ma marrin, nuk do të dëshiroja, të jemi vërtet bashkë deputetë, jemi bashkë përfaqësues, të përfaqësojmë qytetarët e Republikës së Kosovës. Si çdo vit tjetër, në këto ditë të këtij muaji, edhe sivjet detyrohemi të kthehemi pas sa vjetëve për të kujtuar përpjekjet e njëpasnjëshme me mjete dhe forma që mundësonte koha, sakrificat e shumta, përkujtojmë e do të përkujtojmë gjithandej Kosovës rezistencën, qëndresën brez pas brezi e gjeneratë pas gjenerate. Përkujtojmë projektin më të madh të kësaj hapësire të atdheut tonë të dashur, Kosovës, rezistencën dhe qëndresën e Kosovës, të ushtrisë tonë të lavdishme, UÇK-së. 4Përkujtojmë komandantin legjendar Adem Jashari, përkujtojmë familjen Jashari, përkujtojmë dëshmorët e kombit dhe martirët e shumtë. Përkujtojmë e jetojmë me peshën e rëndë të mbi 1600 ende të pagjeturve, edhe pas një çerek shekulli. Por, të mos harrojmë, fal këtyre përpjekjeve, fal kësaj sakrifice, fal luftës së Ushtrisë Çlirimtare të UÇK-së, fal mbështetjeve të miqve ndërkombëtarë e të NATO-s, ne këto ditë dhe sot gjithandej Kosovës përkujtojmë, shënojmë, por mbi të gjitha kremtojmë 23-vjetorin e çlirimit të Kosovës. Pra, të dashur qytetarë, Urime dita e çlirimit e të gjitha komunave tuaja që me të drejtë shumë nga ju i quani edhe dita e dëshmorëve të kombit. Urime dita e çlirimit, lavdi dëshmorëve të kombit, lavdi të gjithë të rënëve, lavdi për jetë e lavdi rrugës tonë të përbashkët. Po e përmbyll, sot këta që po na drejtohen me këto fjalë “turp”, “marre” disa nga kolegët. Nuk jua kam borxh unë dhe asnjëri nuk ia kemi borxh tjetrit për ta fyer njëri-tjetrin. Ramush? A është këtu? Ramush, do t’i them qe disa herë unë jam këtu, nuk ia kem borxh, nuk do të dëshiroja që Ramushi të na shajë edhe me nënë. Por, e kemi sikur zotëriun këtu, kryetarin e grupit, që na ka sharë me nënë e babë. Por, ne e kemi urtësinë tonë, kanë thënë, thuhet “i shami të shanë”. Faleminderit! |
|
Drejtësi |
I nderuar kryetar, Kabinet qeveritar. Të nderuar deputetë, Të dashur qytetarë, Veteranë të Ushtrisë Çlirimtare të Kosovës, të cilët sot jeni detyruar që nga herët në mëngjes të vini në Prishtinë për ta mbrojtur të shenjtën, për ta mbrojtur kontributin, p
Lexo më shumë
I nderuar kryetar, Kabinet qeveritar. Të nderuar deputetë, Të dashur qytetarë, Veteranë të Ushtrisë Çlirimtare të Kosovës, të cilët sot jeni detyruar që nga herët në mëngjes të vini në Prishtinë për ta mbrojtur të shenjtën, për ta mbrojtur kontributin, për ta mbrojtur luftën, për ta mbrojtur çlirimin. Sot të gjithë ne këtu të bëjnë të ndjeshëm, të gjithë të turpëruar, ama të gjithë, po sidomos ata që votuan dhe që ishin kundër përfshirjes së veteranëve në marrjen e benefiteve në lartësi të pagës minimale. A thua, pak kontribut paskan dhënë veteranët e Ushtrisë Çlirimtare të Kosovës që të diskriminohen në këtë mënyrë? A thua i paskemi harruar të gjithë ata, të cilët lanë gjymtyrët vetëm e vetëm që ne sot të jemi këtu, që Kosova të jetë e lirë. Në dukje të parë duket krejt Kabineti qeveritar ka ardhur, një mbledhje krejt normale. Unë mendoj që mbledhje normale ky Parlament nuk do të ketë gjersa të rishikohet, po e përsëris, të 5rishikohet çështja e përfshirjes së veteranëve në marrjen e beneficioneve në lartësi të pagës minimale. Sot as që duhet të ketë seancë, as që mund të ketë seancë dhe jo sot, po seancë s’mund të ketë as nesër, as pasnesër. Normalitet në këtë Kuvend nuk do të ketë gjersa ne t’i trajtojmë ata që duhet trajtuar, veteranët e Ushtrisë Çlirimtare të Kosovës. Të nderuar deputetë veteranë, Mendoj që vendin s’e kemi këtu sot, vendin e kemi me veteranët dhe mendoj që ne të gjithë, pa dallim partie, duhet të jemi me veteranët sot, t’i përkrahim veteranët, sepse duke përkrahur veteranët, përkrahim popullin, duke përkrahur popullin, përkrahim vetveten. Prandaj, po e përsëris në emër të Partisë Demokratike të Kosovës, kjo seancë nuk ka kuptim dhe nuk do të mbahet, nuk do të lejohet të mbahet. Faleminderit! |
|
Drejtësi |
Faleminderit, i nderuar kryetar i Kuvendit! Të nderuar kolegë deputetë, Ne nuk duhet të sillemi dhe të veprojmë sikur gjithçka është normale jashtë kësaj salle dhe brenda kësaj salle. E vërteta është që një pjesë vitale, e jashtëzakonshme, e rëndësishme
Lexo më shumë
Faleminderit, i nderuar kryetar i Kuvendit! Të nderuar kolegë deputetë, Ne nuk duhet të sillemi dhe të veprojmë sikur gjithçka është normale jashtë kësaj salle dhe brenda kësaj salle. E vërteta është që një pjesë vitale, e jashtëzakonshme, e rëndësishme dhe kontributdhënëse për lirinë e vendit, është në protestë jashtë Kuvendit sot dhe kjo për gabime të Qeverisë, po e përsëris, për gabime të Qeverisë, sepse nuk ka realizuar dialog politik e social me shoqatat e veteranëve të luftës, nuk ka diskutuar dhe nuk ka realizuar dialog politik me partitë opozitare dhe nuk është koordinuar për këto situata. Është e padinjitetshme, e pandershme dhe e paarsyeshme që veteranët e luftës të trajtohen në këtë mënyrë, pa marrë parasysh për bindjet e tyre politike apo veprimet pas luftës. Flasim për njerëz që kanë dhënë kontribut të jashtëzakonshëm dhe kontributi i tyre duhet të respektohet. Është e papranueshme që veteranët e luftës të trajtohen në këtë mënyrë, sepse denigron luftën, denigron të sotmen dhe pamundëson të ardhmen, cili është mesazhi që ne u dërgojmë gjeneratave të reja nëse situata do të na përsëritet. 6Prandaj, unë propozoj në emër të Grupit Parlamentar të LDK-së dhe të LDK-së në këtë rast që të ndërpritet trajtimi i Ligjit për pagën minimale, të fillojë urgjentisht diskutimi me grupe të interesit dhe të mbërrihet një kompromis për këtë çështje. Po ashtu, në të njëjtën kohë i sugjeroj Qeverisë që të fillojë koordinimin me grupet e interesit dhe në këtë rast me shoqatat e veteranëve të luftës për pastrimin e listave, për kategorizimin e veteranëve dhe për marrjen e pagës minimale dhe pagë të dinjitetshme. Po ashtu të krijohet mundësia se kjo pjesë vitale e shoqërisë së Kosovës të aktivizohet dhe të jetë aktive në tregun e punës, në të njëjtën kohë duke përfituar edhe benificionet e luftës. Pra, të nderuar kolegë deputetë, Të nderuar qytetarë, Të dashur veteranë që jeni jashtë Kuvendit, ne duhet të diskutojmë dhe të gjejmë zgjidhje të dinjitetshme dhe të respektueshme për njerëzit që kanë dhënë kontribut për këtë vend. Nuk dëshirojmë që kjo temë të politizohet, nuk dëshirojmë që kjo temë të jetë temë e përplasjeve tona, kjo duhet të jetë tema që na bashkon dhe duhet të na bashkojë me zgjidhjen që ne ofrojmë për njerëzit që kanë dhënë pjesë të rëndësishme të jetës tyre me aktivitetet për lirinë e Kosovës dhe kjo duhet të jetë ajo që na bashkon dhe jo ajo që na ndanë. Prandaj, duhet urgjentisht të fillojë dialogu politik dhe social me këto kategori. Unë po flas si deputet, në emër të grupit parlamentar do të flasë zonja Hykmete Bajrami më vonë. Pra, po them që duhet të fillojë urgjentisht diskutimet me këto kategori. Faleminderit! |
|
Drejtësi |
Të nderuar qytetarë të Kosovës, Të nderuar veteranë, invalidë, familje të dëshmorëve, I nderuar Baca Gani, respekt për fjalimin që e mbajte sot, po unë të kisha propozuar që fjalimin e tillë të dalësh sot para veteranëve ta mbash, t’i përkrahësh dhe t’i
Lexo më shumë
Të nderuar qytetarë të Kosovës, Të nderuar veteranë, invalidë, familje të dëshmorëve, I nderuar Baca Gani, respekt për fjalimin që e mbajte sot, po unë të kisha propozuar që fjalimin e tillë të dalësh sot para veteranëve ta mbash, t’i përkrahësh dhe t’i mbështetësh, se kështu ta kërkon nderi, kështu ta kërkon nderi dhe kontributi yt familjar dhe i shumë të tjerëve që janë sot në këtë sallë. Kurrë s’e kam paramenduar që 23 vjet pas lufte një Qeveri, e udhëhequr prej një kryeministri Albin Kurti do t’i detyrojë veteranët, do t’i detyrojë invalidët dhe familjet e dëshmorëve të dalin e të protestojnë për minimumin e kërkesave që janë të garantuara me ligj, që të përfshihen në pagën minimale, që të përfshihen në mënyrë të dinjitetshme. 7Kurrë s’e kam menduar që Albin Kurti dhe deputetët e Lëvizjes Vetëvendosje do të votojnë kundër interesave të ushtarëve, të familjeve të dëshmorëve dhe të invalidëve të luftës. Andaj, po e përsëris edhe sot, marre, kryeministër! Në vend që sot ke gjetur kohë të vish këtu e të ulesh para deputetëve dhe të shikosh ashtu pa fije turpi, është mirë të dalësh para deputetëve, e ke përgjegjësinë morale, kryeministër, është një kategori e vlefshme, janë kategoria më e vlefshme dhe nëse sot po festojmë lirinë e Kosovës dhe ditët e çlirimit, sot është Dita e çlirimit të Deçanit, unë qytetarëve të Deçanit u uroj çlirimin e Deçanit, po s’mund të festojmë përderisa jashtë po protestojnë veteranët, po protestojnë invalidët. Mua më vjen keq që sot në ato protesta kam parë shumë invalidë të luftës, shumë ish-ushtarë që unë vetë i kam mjekuar gjatë periudhës së luftës. Ndërsa sot ti, Albin Kurti, i ke detyruar të dalin të kërkojnë lëmoshë, nuk është lëmoshë, është e drejta e tyre legjitime që ua garanton ligji, ua garanton Kushtetuta, ua garanton mundi dhe kontributi. Andaj, sot ne, të nderuar deputetë, Të nderuar qytetarë të Kosovës, Nuk mund të sillemi sikurse asgjë s’po ndodh atje jashtë, dil kryeministër, shihi, dil Glauk Konjufca, se para Kuvendit që t’i udhëheqë po protestojnë veteranët e luftës së Ushtrisë Çlirimtare të Kosovës. Andaj, unë propozoj që kjo seancë sot këtu të ndërpritet dhe të fillojë dialogu me kategoritë e dala nga lufta. Zoti kryeministër, nëse dhe bashkë me ministrin që nuk po i përfshin dhe po thotë nuk që nuk janë të përfshira në ligj, janë të përfshira, e kanë të garantuara me ligj që posa të rritet paga minimale, duhet të rritet edhe paga e veteranit, uluni, diskutoni, debatoni me veteranët, debatoni me partitë opozitare, bëni një zgjidhje dhe mos e bini vendin në këtë gjendje kaotike që e keni sjellë. Ndoshta me qëllim po e dëshiron ta bësh këtë zhurmë e këto protesta, nuk e di qëllimin tuaj, po kjo është e turpshme. Andaj, filloni diskutimin, ndërpritni seancën dhe diskutoni me kategoritë e luftës, në mënyrë që edhe ata të përfshihen në pagën minimale. Faleminderit! |