Pasi që në detyrën tuaj përveç infrastrukturës ligjore, tani i keni edhe shërbimet sociale, a mund të na njoftoni se çka keni ndërmarrë për të miturit, të cilët bien ndesh me ligjin, duke pasur parasysh fazën e parandalimit deri tek integrimi i tyre në shoqëri pas kryerjes së ndonjë vepre penale nga të miturit?

Pyetja ime për ministrin e Shëndetësisë: a është ende funksional Komisioni Ekzekutiv për Shëndetësi? Nëse Komisioni Ekzekutiv për Shëndetësi është funksional a ka realizuar ndonjërën nga përgjegjësitë që janë prezantuar pas takimit të parë të këtij komisioni? 

A do t’u përmbaheni deklarimeve të Komisionit Ekzekutiv me ato 5-6 pikat apo do t’i përmbaheni plani të Qeverisë për sektorin e shëndetësisë? A do të thotë kjo që keni hequr dorë nga plani i Qeverisë dhe tani i keni ndryshuar objektivat me këtë Komision Ekzekutiv për të justifikuar dështimin tuaj?

Çështja ka të bëjë me rezervat shtetërore të mallrave. A janë përfillur procedurat ligjore dhe a është dëmtuar buxheti i Republikës së Kosovës gjatë kontraktimit apo blerjes së rezervave shtetërore të mallrave nga ana e Ministrisë së Industrisë, Ndërmarrësisë dhe Tregtisë?

Cili është vlerësimi i Qeverisë së Kosovës për këtë raport dhe a cenon sovranitetin e Republikës së Kosovës studimi i fizibilitetit për liqenin e Ujmanit?

Duke pasur parasysh se edhe në planifikimet e Qeverisë dhe të Ministrisë ka qenë hapja e specializimeve të reja gjatë këtij viti, unë dua t’ju pyes se deri ku kemi ecur me këtë proces dhe kur pritet hapja e specializimeve të reja, sidomos për lëmenjtë deficitarë që janë në sistemin tonë shëndetësor?