Pyetjet parlamentare
Emri | Sektori | Pyetja | Drejtuar | Përgjigja |
---|---|---|---|---|
Financa |
E nderuar nënkryetare! I nderuar Kabinet qeveritar, Të nderuar kolegë deputetë, Pyetja ime ka të bëjë me kategoritë e dala nga lufta, siç janë invalidët, familjet e dëshmorëve si dhe viktimat civile, të cilët nuk kanë të drejtë të përfitojnë nga skemat p
Lexo më shumë
E nderuar nënkryetare! I nderuar Kabinet qeveritar, Të nderuar kolegë deputetë, Pyetja ime ka të bëjë me kategoritë e dala nga lufta, siç janë invalidët, familjet e dëshmorëve si dhe viktimat civile, të cilët nuk kanë të drejtë të përfitojnë nga skemat pensionale kontributdhënëse. Të kemi parasysh që Avokati i Popullit, Këshilli për Mbrojtjen e Lirive dhe të Drejtave të Njeriut si dhe institucionet e tjera relevante kanë tërhequr në vazhdimësi vërejtjen se kushtëzimi i pensioneve kontributdhënëse është shkelje e lirive dhe të drejtave të njeriut si dhe në kundërshtim të plotë me standardet ndërkombëtare të punës, të përcaktuara nga Organizata Ndërkombëtare e Punës. Pyetja ime për ministrin Hekuran, është: çfarë veprimesh jeni duke ndërmarrë ju si Qeveri në lidhje me këtë çështje. |
Hekuran Murati | Po | |
Bujqësi dhe Blegtori |
E nderuar kryesuese e Kuvendit! Kabinet qeveritar, Kryeministër, Të nderuar kolegë deputetë, Qytetarë, Qeveria e re duket se e ka zor ta zotërojë agjendën e vet. Në këtë zor të Qeverisë së re janë gjetur keq edhe bujqit, fermerët. Ata e kanë pasur një pa
Lexo më shumë
E nderuar kryesuese e Kuvendit! Kabinet qeveritar, Kryeministër, Të nderuar kolegë deputetë, Qytetarë, Qeveria e re duket se e ka zor ta zotërojë agjendën e vet. Në këtë zor të Qeverisë së re janë gjetur keq edhe bujqit, fermerët. Ata e kanë pasur një pako të dakorduar financiare në dy rata. Ratën e parë e ka dhënë Qeveria Hoti, rata e dytë nuk u është paguar fermerëve, vreshtarëve. Janë të shqetësuar. Njëkohësisht vreshtarë e pemëtarë e perimtarë të tjerë e fermerë janë shumë të shqetësuar që nuk janë shpërndarë aplikacionet për subvencionet e rregullta në këtë vit. Në praktikë ato shpërndahen në mars. Ende s’i kanë marrë. Ata kanë shqetësime të mëdha se si cikël kohor pra, këto subvencione nuk do t’i arrijnë ata në kohë për obligimet që i kanë pra si bujq, si fermerë dhe shpenzimet që i kanë në kultivimin e kulturave që i kultivojnë. Pra, pyetja për ju ministër është: a do ta paguani ratën e dytë dhe a do të mund ta shpejtoni në kohë ndarjen e subvencioneve, të tilla çfarë i parasheh ligji, apo edhe ka informata se do të ndërhyni në mënyrën se si ato subvencione do të shpërndahen, do t’i pakësoni ato, do t’i ktheni në rregulla të reja, në mënyrë që të humbet krejt ky vit. Këtë që po jua them unë, nuk janë veç fjalë të miat, por fjalët i kam marrë prej shumë fermerëve, vreshtarëve, njerëzve që janë të ndershëm, punëtorë, e të cilët nuk i thonë këto për shkak të partive as për shkak se dikush është me pozitën apo me opozitën, por janë të shqetësuar për gjendjen e tyre. Ju faleminderit! |
Faton Peci | Po | |
Financa |
Faleminderit, nënkryetare e Kuvendit! Ministër, është krijuar një praktikë e keqe dhe jo korrekte në Ministrinë e Punës, që invalidët duhet të lajmërohen çdo vit në Komision për Invaliditet që të dëshmojnë invaliditetin. 18 Ndodh që ky komision ta refuzo
Lexo më shumë
Faleminderit, nënkryetare e Kuvendit! Ministër, është krijuar një praktikë e keqe dhe jo korrekte në Ministrinë e Punës, që invalidët duhet të lajmërohen çdo vit në Komision për Invaliditet që të dëshmojnë invaliditetin. 18 Ndodh që ky komision ta refuzojë ose ta miratojë invaliditetin pa i ftuar fare invaliditet në intervistë. Njëjtë po ndodhë edhe me invalidët e Ushtrisë Çlirimtare të Kosovës. Shkalla e invaliditetit iu përcaktohet pa prani të palës në komision. Brenda vitit, nuk mendoj që ka mundësi që këtë përmirësim të invaliditetit, qoftë të invalidët e zakonshëm, qoftë tek ata të UÇKsë, të ndryshojë. Pyetja ime është kjo: pse po ndodhë kjo dhe a do të krijohet një komision profesional, sepse nuk mund të përcaktohet shkalla e invaliditetit për invalidët vetëm në bazë të dokumentacionit dhe pa prezencë fizike të invalidëve. |
Hekuran Murati | Po | |
Financa |
Ministër, nuk janë në pyetje veç invalidët civilë apo invalidët e luftës, por edhe invalidë të lindur apo që e kanë fituar invaliditetin prej periudhës së lindjes deri tash, ndonjë aksident në punë. P.sh. te kjo kategori iu vazhdohet, vetëm se çdo vit du
Lexo më shumë
Ministër, nuk janë në pyetje veç invalidët civilë apo invalidët e luftës, por edhe invalidë të lindur apo që e kanë fituar invaliditetin prej periudhës së lindjes deri tash, ndonjë aksident në punë. P.sh. te kjo kategori iu vazhdohet, vetëm se çdo vit duhet të lajmërohen në komisionet e përcaktuar nga Ministria e Punës. Duhet të lajmërohen në këto komisione dhe atëherë ose iu vazhdohet invaliditetit ose iu refuzohet. 19 Unë edhe për kategori po e them. Është etike, është morale që të jenë prezentë palët në këtë komision, në mënyrë që të përballen me komisionin shëndetësor që formohet në Ministrinë e Punës dhe aty të marrim përgjigje se pse po refuzohen. Përndryshe, ata s’po kanë qasje ku të ankohen ose ku të marrin informata shtesë dhe në këtë formë po krijohet njëfarë amullie dhe ata po gjejnë forma dhe alternativa të tjera për t’u ankuar, qoftë te deputetët apo... |
Hekuran Murati | Po | |
Dialog |
Faleminderit! Zoti kryeministër, Përgjatë viteve keni deklaruar se në tavolinë me Serbinë nuk duhet të ulemi pa pasur një platformë për dialogun. Keni qenë njëherë në Bruksel, dhe sipas raportimeve do të shkoni prapë gjatë muajit qershor. 20 Zoti kryemin
Lexo më shumë
Faleminderit! Zoti kryeministër, Përgjatë viteve keni deklaruar se në tavolinë me Serbinë nuk duhet të ulemi pa pasur një platformë për dialogun. Keni qenë njëherë në Bruksel, dhe sipas raportimeve do të shkoni prapë gjatë muajit qershor. 20 Zoti kryeministër, a e keni përpiluar një platformë për dialogun me Serbinë, dhe nëse po, pse nuk është paraqitur për diskutim para deputetëve të Kuvendit të Kosovë, dhe nëse jo, kur do ta sillni në Kuvend për diskutim? |
Albin Kurti | Po | |
Anti-Korrupsion |
Faleminderit, kryesuese! Të nderuar kolegë, Kabinet qeveritar, Zoti kryeministër, Gjatë gjithë kohës sa ishit në opozitë keni denoncuar, kritikuar punësimet me afërsi familjare e politike në institucionet e ndryshme publike. Këtë gjë e shndërruat në kauz
Lexo më shumë
Faleminderit, kryesuese! Të nderuar kolegë, Kabinet qeveritar, Zoti kryeministër, Gjatë gjithë kohës sa ishit në opozitë keni denoncuar, kritikuar punësimet me afërsi familjare e politike në institucionet e ndryshme publike. Këtë gjë e shndërruat në kauzë politike të cilën e përdoret në fushatë zgjedhore me zotimin se do ta luftoni dhe se me ardhjen në pushtet, nuk do të ndodhin gjëra të tilla më. Ju patët deklaruar se nuk duhet mbushur institucionet me familjarë, e kushërinjtë janë për të shtëpia, e fisi është për dasma e gazmende private. Ndërkohë, që jemi dëshmitarë që punësimet e tilla familjare në institucionet shtetërore e publike, jo që nuk janë ndalur, por përkundrazi ato po shpërfaqen me shpejtësi edhe më të madhe. Këtu mund të përmendim: Rabit Konjufca, axha i kryeparlamentarit Glauk Konjfca. Gëzim Tosuni, nipi i zëvendëskryeministrit Besnik Bislimi, i punësuar në Këshillin Shtetëror të Cilësisë. Gëzim Sveçla, nipi i ministrit të Punëve të Brendshme dhe Administratës Publike Xhelal Sevçla, i punësuar në Ministrinë e Tregtisë dhe Industrisë. Sami Uka, vëllai i deputetit Fitim Uka, i punësuar në Ministrinë e Shëndetësisë. Drilon Zyba, Shkurte Aliu, motra e deputetit Luan Aliu, 22 Emrush Avdyli, djali i axhës së deputetit Haxhi Avdyli. Alban Krasniqi e të tjerë e të tjerë, që lista vazhdon. Zoti kryeministër, Për një muaj e gjysmë, jo që i keni ndalur punësimet familjare, por përkundrazi ato janë përshpejtuar dhe janë dyfishuar. Prandaj... |
Albin Kurti | Po | |
Shëndetësi |
Faleminderit, kryesuese! I nderuar ministër, Ka disa muaj që në kujdesin parësor shëndetësor ka mungesë të insulinës, për këtë arsye qytetarët dhe qendrat kryesore të mjekësisë familjare janë ankuar se Ministria e Shëndetësisë nuk ka bërë furnizimin me i
Lexo më shumë
Faleminderit, kryesuese! I nderuar ministër, Ka disa muaj që në kujdesin parësor shëndetësor ka mungesë të insulinës, për këtë arsye qytetarët dhe qendrat kryesore të mjekësisë familjare janë ankuar se Ministria e Shëndetësisë nuk ka bërë furnizimin me insulinë dhe, në mungesë të insulinës, qytetarët janë detyruar ta blejnë vetë atë. Insulina është shumë e rëndësishme për trajtimin e pacientëve, të cilët janë të sëmur nga diabeti. Prandaj, është ilaç në listën esenciale të barnave, të cilën do të duhej ta siguronte Ministria e Shëndetësisë. Mungesa e furnizimit me insulinë është raportuar nga QKMF-të në mbarë vendin dhe Ministria e Shëndetësisë ende nuk ka arritur të sigurojë kontratë për furnizim me insulinë. Sipas informacioneve nga mediat Ministria e Shëndetësisë është në procedurë të kontraktimit të insulinës, procedurë e cila është duke u zvarritur nga vetë Ministria e Shëndetësisë. Shoqatat e të Drejtave të Pacientëve në Kosovë kanë kërkuar që në rast se Ministria e Shëndetësisë nuk arrin të sigurojë insulinë për qytetarët, të paktën duhet t’ua kompensojë atyre që janë detyruar ta blejnë. 24 I nderuar ministër, Kur do të furnizoni me insulinë institucionet shëndetësore të kujdesit parësor shëndetësor, kur pritet që pacientët të marrin insulinën në institucione publike shëndetësore, pa pasur nevojë që ta paguajnë vetë. A do t’i kompensoni qytetarët që janë detyruar ta blejnë vetë insulinën, kur dhe si do ta bëni këtë kompensim? |
Arben Vitia | Po | |
Shëndetësi |
Faleminderit për përgjigje, ministër, po aty pjesën e dytë nuk më dhatë përgjigje se a do t’i kompensoni qytetarët, të cilët janë detyruar të blejnë vetë insulinën. Dhe çështja tjetër, i nderuar ministër, Ministria që ju udhëhiqni, sapo e thatë që
Lexo më shumë
Faleminderit për përgjigje, ministër, po aty pjesën e dytë nuk më dhatë përgjigje se a do t’i kompensoni qytetarët, të cilët janë detyruar të blejnë vetë insulinën. Dhe çështja tjetër, i nderuar ministër, Ministria që ju udhëhiqni, sapo e thatë që OSHP-ja e ka kthyer lëndën në rivlerësim. Arsyeja pse e ka kthyer lëndën në rivlerësim është sepse ministria që ju e udhëhiqni ka rekomanduar për blerje të insulinës për kontratë kompaninë, e cila ka ofertuar me çmim 400 mijë euro shtrenjtë se kompania e dytë apo kompania më e lirë. Prandaj, për shkak të dallavereve brenda Ministrisë së Shëndetësisë, lënda është bllokuar dhe nuk ka kontratë për furnizim me insulinë dhe qytetarët detyrohen ta blejnë vetë atë. Interesi i qytetarëve është që të ketë kontratë dhe të ketë furnizim, a mund ta siguroni këtë, i nderuar ministër dhe a do t’i kompensoni ata që janë detyruar ta blejnë vetë? |
Arben Vitia | Po | |
Kulturë |
Faleminderit, kryesuese! I nderuar ministër, Më 14 qershor 2019 është prezantuar projekti i Stadiumit Kombëtar apo Stadiumit Nacional të Kosovës në futboll, ky është një nga projektet më të rëndësishme kapitale sa u përket investimeve në futboll në vendi
Lexo më shumë
Faleminderit, kryesuese! I nderuar ministër, Më 14 qershor 2019 është prezantuar projekti i Stadiumit Kombëtar apo Stadiumit Nacional të Kosovës në futboll, ky është një nga projektet më të rëndësishme kapitale sa u përket investimeve në futboll në vendin tonë. Deri te përgatitja e këtij projekti ka ardhur pas kërkesave të shumta të qytetarëve, interesimit të madh për të përcjellë ndeshjet e Kombëtares së Kosovës, sepse kapacitetet e stadiumit “Fadil Vokrri” në Prishtinë dhe stadiumit “Adem Jashari” në Mitrovicë nuk mund të plotësonin kërkesat e shumta të qytetarëve për të përcjellë kombëtaren e Kosovës. Me Ligjin për buxhetin e vitit 2019 ishte planifikuar buxheti për ndërtimin e Stadiumit Nacional të Kosovës. Për tre vjetët e ardhshme ishin planifikuar më shumë se 25 milionë euro. Ndërsa tani për këtë projekt kapital në total për tre vjetët e ardhshme janë ndarë një milion e 620 240 euro. Deri më tani janë shpenzuar afro 1,5 milion euro për studim të fizibilitetit dhe projektin për Stadiumin Nacional të Kosovës që pritet në ndërtohet në Korreticë, në magjistralen PrishtinëPejë. I nderuar ministër, Pasi që Ministria e Kulturës, Rinisë e Sportit ka përfunduar studimin e fizibilitetit dhe është përfunduar projekti për Stadiumin Nacional, çdo gjë është gati, përse nuk po fillon procedura për ndërtimin e këtij stadiumi, përse është zvogëluar shuma totale e investimeve nga tre milionë e gjysmë në Qeverinë Kurti 1, ndërsa në Qeverinë Hoti u zvogëlua kjo në një milion e 600. A do filloni realizimin e këtij projekti për ndërtimin e Stadiumit Nacional, kur dhe si? |
Hajrullah Ceku | Po | |
Ekonomi |
Faleminderit, kryesuese! E nderuar ministre, Me qëllim të mbështetjes së emancipimit të grave në shoqërinë tonë të të bërit biznes ose punësimi në sektorin e teknologjisë së informacionit dhe komunikimit, është duke u treguar gjithnjë si mundësi e mirë p
Lexo më shumë
Faleminderit, kryesuese! E nderuar ministre, Me qëllim të mbështetjes së emancipimit të grave në shoqërinë tonë të të bërit biznes ose punësimi në sektorin e teknologjisë së informacionit dhe komunikimit, është duke u treguar gjithnjë si mundësi e mirë për punësim. Prandaj, pyetja ime është, a mund të njoftoni për rezultatet e projektit Gratë në punë online si dhe cilat janë planet ose projektet konkrete që Ministria e Ekonomisë do të mbështesë, me qëllim të rritjes së punësimit të grave në TIK. Faleminderit! |
Artane Rizvanolli | Po | |
Administratë |
Faleminderit! Përshëndetje, për të gjithë! Meqenëse zhvillimet globale janë të hovshme, mendoj që është esenciale që shteti dhe qeveria jonë të jetë mirë e informuar dhe e gatshme të shfrytëzojë rrethanat në favorin tonë. Prandaj, besoj që kemi nevojë pë
Lexo më shumë
Faleminderit! Përshëndetje, për të gjithë! Meqenëse zhvillimet globale janë të hovshme, mendoj që është esenciale që shteti dhe qeveria jonë të jetë mirë e informuar dhe e gatshme të shfrytëzojë rrethanat në favorin tonë. Prandaj, besoj që kemi nevojë për një institucion, i cili bën analiza gjeopolitike dhe strategjike, me bazë shkencore, gjë e cila do të kontribuojë në kuptimin, shpjegimin dhe parashikimin e sjelljeve dhe të efekteve të ngjarjeve politike në marrëdhëniet ndërkombëtare dhe pozicionin tonë si komb dhe shtet në raport me këto rrethana. 31 Ky institucion ka nevojë të dalë nga Kuvendi i Kosovës, në mënyrë që të jetë i pranueshëm edhe nga opinioni i gjerë dhe nga partitë politike në vend. Analiza këto, mbi të cilat qeveria duhet të mbështetet në marrjen e vendimeve me interes për vendin tonë, për arsye se analizat e tilla po bëhen në bazë individuale, grupore, partiake. Kosova duhet të ketë një institucion të tillë mbipartiak e të pranueshëm për të gjithë. Dua të di, sa është e mundshme të realizohet një gjë e tillë? Dhe, pyetja e dytë: pse nuk është ende funksionale Zyra për Çështje të kategorive të dala nga lufta pranë Kryeministrisë? Faleminderit! |
Albin Kurti | Po | |
Financa |
E nderuar kryesuese! I nderuar Kabinet qeveritar, Të nderuar deputetë, Në takimet e shumta që kam pasur me pronarët e librarive dhe pronarët e shtypshkronjave, kam mësuar për shqetësimet që kanë për tatimin në vlerën e shtuar, për produkte kulturore, lib
Lexo më shumë
E nderuar kryesuese! I nderuar Kabinet qeveritar, Të nderuar deputetë, Në takimet e shumta që kam pasur me pronarët e librarive dhe pronarët e shtypshkronjave, kam mësuar për shqetësimet që kanë për tatimin në vlerën e shtuar, për produkte kulturore, libra letrarë, të ilustruar ose jo, libra shkollorë, revista periodike e të tjera të këtij lëmi, që shtypen e shiten në Kosovë dhe për ato që importohen nga Shqipëria, ata paguajnë 8 deri në 18% TVSH. Pronarët e librarive dhe të shtypshkronjave, kur kanë parasysh se në Evropë e më gjerë nuk paguhet TVSH-ja për produktet e kulturës, këtë tatim e konsiderojnë barrë dhe padrejtësi. TVSH-ja ndikon edhe rritjen e çmimit të këtyre produkteve që për blerësit bëhet gati i papërballueshëm. Ju bëj me dije se në vitin 2014 për import dhe eksport të produkteve kulturore ndërmjet Qeverisë së Republikës së Kosovës dhe Qeverisë së Republikës së Shqipërisë është nënshkruar një marrëveshje dhe është lëshuar një dekret nga Presidentja e Kosovës, Atifete Jahjaga, për heqjen e plotë të TVSH-së, por që nuk është zbatuar deri më tash. Pyetja është: Duke pasur parasysh rëndësinë e përhapjes së kulturës në bashkëpunim me institucionet e tjera përkatëse, a mund t’i lironi pronarët e librarive dhe pronarët e shtypshkronjave që për produkte të tyre kulturore të mos paguajnë TVSH? Faleminderit! |
Hekuran Murati | Jo | |
Arsim |
E nderuar ministre, kohët e fundit janë shtuar rastet e ngacmimeve dhe dhunës fizike në shkolla, por edhe akte të tjera delikuente në mesin e nxënësve. Një nga masat më efikase për parandalimin e rasteve të tilla konsiderohet angazhimi i psikologëve dhe
Lexo më shumë
E nderuar ministre, kohët e fundit janë shtuar rastet e ngacmimeve dhe dhunës fizike në shkolla, por edhe akte të tjera delikuente në mesin e nxënësve. Një nga masat më efikase për parandalimin e rasteve të tilla konsiderohet angazhimi i psikologëve dhe punëtorëve socialë, ky do të ishte hapi i parë në drejtim të ofrimit të një intervenimi të hershëm për parandalimin e akteve delikuente dhe jo vetëm, por edhe për të promovuar shëndetin pozitiv. Kryesisht format e intervenimit kanë qenë ndëshkuese deri më tash dhe asnjëherë promovim i modeleve pozitive dhe këtë mund ta bëjë një ekip i mirëfilltë multidisiplinar në shkolla që nuk mund të jetë e tillë kur mungon psikologu apo punëtori social. Me programin qeverisës parashihet edhe përfshirja e psikologëve në shkolla dhe unë e lus ministren Nagavci që të na njoftojë për procesin dhe progresin e arritur në këtë drejtim, duke marrë parasysh edhe faktin që me COVID-19 në sfond, shëndeti mendoj është cenuar ndjeshëm dhe prezenca e psikologëve është më e domosdoshme se kurrë. |
Arbërie Nagavci | Po |