Në programin qeveritar, ndër të tjera, keni thënë se “do të mundësojmë banim të përballueshëm për 4 mijë familje, këtë synojmë ta arrijmë nëpërmjet programit 120 here 120 dhe 150 here 150, ku familjet përfituese do të bëhen pronarë të banesave me këste mujore prej vetëm 120 euro, respektivisht 150 euro për një periudhë kohore prej jo më shumë 150 muajve”.

A mund të na thoni neve qytetarëve të Republikës së Kosovës se ku jeni me këtë projekt, në cilën fazë?

Duke e ditur rolin e sekretarëve të përgjithshëm në institucionet e Kosovës, me theks të veçantë nëpër ministri, sot shumica e ministrive udhëhiqen nga ushtrues detyre të sekretarit të përgjithshëm.

Kryeministër, a mund të na thoni, pse deri më tani i nuk keni emëruar sekretarët e përgjithshëm, por mbi dhjetë ministri funksionojnë me ushtrues detyre, ose siç e keni potencuar ju, me zëvendëssekretarë?

Pse personat mbi moshën 65 vjeçe nuk e kanë këtë të drejtë për sigurime shëndetësore dhe si e shihni në strategjinë tuaj zgjidhjen për këta persona?

Një javë më parë, pra kjo pyetje ka pritur një kohë, dhe një javë më parë Policia e Kosovës ka prangosur dy vëllezër në Dugajevë të Rugovës, të cilët kanë qenë duke bërë renovimin e Kullës qindvjeçare, trashëgimi e stërgjyshit

Pyetja për ministrin Aliu është kjo: Kush i ka urdhëruar këta policë dhe pse? Ingerencat për këto veprime kujt i takojnë, juve si qendër, apo Kuvendit Komunal të Pejës?

Dëmet e shkaktuara nga breshri në Kosovë, a u kompensuan, ministër? Nëse jo, kur do të kompensohen? A u vlerësuan, sa janë këto dëme dhe kur pritet kompensimi i tyre? 

Janë afër 500 nxënës që mësojnë në katër ndërrime, e që punëkryesi është prej 2016-ës, e që duhet pasur së 32 paku një përgjigje për qytetarët që na bëjnë presion neve. Çka është duke ndodhur? Kur po fillojmë? Çfarë masa kemi ndërmarrë ne si Qeveri? 

Në Komisionin për Shëndetësi dhe Mirëqenie Sociale kemi pasur në takim udhëheqësit e qendrave për punë sociale nëpër komuna. Nga ky takim kemi mësuar se që nga viti 2023 këto qendra punojnë dhe mbikëqyren nga Ministria e Drejtësisë. Jemi të vetëdijshëm se këto qendra kanë probleme të shumta funksionale mjaft komplekse.

Cila është strategjia juaj e punës dhe e ndryshimit në ngritje të cilësisë dhe efikasitetit në këtë sektor?

 Po më intereson edhe strategjia e Qeverisë sonë, pra e Ministrisë së Bujqësisë, sa u përket preventivave ose parandalimeve të vërshimeve nga lumenjtë?

Kemi një ankesë nga studentët e Universitetit “Kadri Zeka” të Gjilanit, të cilët nuk janë përfshirë në mundësinë e përfitimit nga mbështetja me bursa, që bëhet nga SEMS-i. Ju lutem, nëse kemi një përgjigje nga ju, se përse vetëm ata studentë janë përjashtuar nga kjo mundësi e përfitimit? 

Pse janë duke ndodhur vonesat në renovimin e shkollës "Gjon Serreçi" në Ferizaj?