Pyetja ose çështja që unë dua të diskutoj me ministren lidhet me mënyrën se si po menaxhohen ndërmarrjet publike?

 1. A janë pranuar të gjitha furnizimet për rezerva shtetërore, sipas kontratës së re, që është nënshkruar kohë më parë, sipas informatave që kemi? 

2. A janë kryer obligimet nga operatori ekonomik, siç e parasheh kontrata?

3. A janë siguruar rezervat plotësisht në sasi dhe në lloje, siç parashihet me ligjin përkatës?

4. Cili është vendi i origjinës së mallrave të blera për rezerva shtetërore dhe, nëse ministrja është e gatshme, të ndërmerret një auditim i rezervave shtetërore në përputhje me ligjin?

Tani e kemi marrë me raportin nëntëmujor të periudhës janar-shtator 2022. Aty është e qartë përgjigjja. Pyetja ime ka qenë rreth nivelit të shpenzimeve kapitale për nivelin qendror dhe bilanci bankar?

Ajo në mënyrë më specifike që mua më intereson është qëndrimi përfundimtar i Qeverisë, i kryeministrit lidhur me Asociacionin e Komunave me shumicë serbe. Marrëveshjet ndërkombëtare të Republikës së Kosovës mund të tërhiqen, pra Kosova mund të tërhiqet nga zbatimi i këtyre në bazë të procedurave të vendosura përmes këtij ligji. Në pikën 2 thotë: vendimi në lidhje me tërheqjen nga një marrëveshje ndërkombëtare merret nga Kuvendi i Kosovës me dy të tretat e votave pas rekomandimit të Presidentes, me iniciativë ose propozim të Qeverisë. Tash për t’u qëndruar prapa atyre deklarimeve, atyre fjalëve, pyetja është pse ky vendim i Qeverisë nuk po sillet në Kuvend dhe të anulohet.