E nderuar zonja Nagavci, Çështja që dua ta shtroj ka të bëjë me një numër të mësimdhënësve në Komunën e Ferizajt, të cilët kanë kontrata pune me Drejtorinë e Arsimit dhe që kryejnë detyrën e tyre në shkollat përkatëse. Mirëpo, problemi qëndron se këta mësimdhënës nuk paguhen për punën e bërë dhe as nuk figurojnë në listën e pagave. Pyetja ime konkrete është kështu: Nëse është planifikuar që këta punonjës arsimorë të inkuadrohen brenda sistemit financiar, në mënyrë që të marrin kompensim monetar për punën që e bëjnë meqenëse deri tash kanë mbetur pa u paguar këta mësimdhënës që shkojnë në punë e nuk figurojnë në listën e pagave. Faleminderit!

Faleminderit, e nderuar nënkryetare Bogujevci! Çështjen që unë do të shtroj për Ministrinë e Administratës dhe Pushtetit Lokal ka të bëjë me një njoftim që e ka publikuar ministria para një muaji. Njoftoj se do të mbështes komunat për projektet të komuniteteve me fondin prej një milion euro. Nismë e ndërmarrë për herë të parë në këtë format dhe që synon drejtpërdrejt adresimin e problemeve të mëdha që kanë bashkëqytetarët tanë nga radhët e komunitetit pakicë. Pra, pyetja është kështu: a ka filluar aplikimi për këtë fond dhe si e ka organizuar MAPL-ja këtë proces?

Çështja që dua ngre ka të bëjë me tetarin “Adriana” në Ferizaj, i cili ka kohë që ka nevojë për intervenim dhe përmirësim të kushteve, si për artistët që e shfrytëzojnë ashtu edhe për qytetarët që shkojnë të shohin shfaqjet. A mund të na tregoni se në cilën fazë gjendet ky projekt dhe sa nga mjetet e zotuara për këtë projekt janë ndarë tashmë nga Qeveria?