Faleminderit! Pyetja: Ministria e Financave, e Punës dhe Transfereve ka njoftuar se afati i fundit për pagesën e tatimit bazë dhe interesit është data 30 qershor 2020. Kërkesë e shumë bizneseve është që të falet edhe interesi dhe afati të shtyhet deri më 31 dhjetor 2021. Duke pasur parasysh gjendjen e rëndë që po kalojnë bizneset e vendit tonë, si pasojë e pandemisë, a ka mundësi që të aprovohet një gjë e tillë?

Unë ju kërkova që a do ta shtyni deri më 30 dhjetor apo jo, duke e ditur që çfarë gjendje është e pandemisë dhe ende s’e kanë tejkaluar? Duke e ditur që janë të rrezikuara bizneset shumë, kjo është kërkesë shumë e rëndësishme. Faleminderit! 

Faleminderit, kryetar i Kuvendit! Përshëndetje për të gjithë! Çështja është te Sindikata e Trepçës, për vite të tëra ka parashtruar kërkesa të ndryshme nëpër institucionet e Republikës së Kosovës lidhur me kushtet dhe të drejtat e tyre. Andaj, pyetja është: A do t’i merrni parasysh dhe si do t’i zgjidhni disa nga kërkesat e minatorëve të Trepçës që kanë të bëjnë me benificionet që rrjedhin nga përvoja e punës, sigurimi i punëtorëve, pensionimi i përjetshëm invalidor, pensionimi i parakohshëm, duke përfituar 70% të pagës së tij. Faleminderit!

Po e shoh që paske qenë në vizitë, se desha të them pavarësisht se si ju e keni menduar zgjidhjen e këtij problemi, duhet shkuar për t’i vizituar, jo vetëm në fushatë, por edhe pas fushatës. Dihet që ju kanë protestuar edhe para Qeverisë këtu. Si deputete, kërkoj nga ju që t’i takoni dhe t’i dëgjoni hallet e brengat e tyre për njohjen e pensionit e shumë e shumë të tjera dhe bashkë me ne t’ua japim një zgjidhje për problemet që po përballen minatorët e Trepçës. Faleminderit! 

Për ministrin e Financave e kam një pyetje. Çështja është te IGK “Ballkani” fabrika e prodhimi të gomës, shiritave transportues dhe e rripave trapez në Suharekë. Ka qenë gjigandi i vetëm në Evropë që mbante diku 1 396 punëtorë. Siç e dimë, kjo fabrikë është privatizuar në vitin 2004 dhe është shembull më i mirë i dështimit të privatizimit të ndërmarrjeve publike në Kosovë. Shqetësimi dhe kërkesa e punëtorëve të kompanisë industriale IGK “Ballkani” në Suharekë është mosrealizimi i të drejtës së garantuar nga Gjykata Kushtetuese për kompensimin e kontributit të tyre që e kanë bërë me vite të tëra në këtë fabrikë. Pyetja është: Kur do ta realizoni kompensimin financiar ndaj të gjithë punëtorëve? A keni ide dhe strategji se si do të veproni me punëtorët e “Ballkanit” në Suharekë, me qëllim që ata të vlerësohen për kontributin, duke i marrë pagesat që u takojnë. Faleminderit!

Faleminderit! Gjithashtu, edhe një pyetje të rëndësishme për pensionistët kontributdhënës, të cilët vazhdojnë të kërkojnë nga autoritetet vendore dhe ndërkombëtare të drejtën e tyre dhe asgjë ende nuk ka përfunduar në favor të tyre. Kushti prej 15 vjetësh stazh punë për përfitim të pensioneve kontributdhënës është i papranueshëm prej tyre. Pensionistet kontributdhënës kërkojnë që secilit t’i njihet stazhi i punës dhe secili të paguhet për aq sa kontribut. Andaj, pyetja ime është: Sa keni punuar ju në këtë drejtim dhe a i keni takuar ata për t’i dëgjuar brengat e tyre dhe cili është plani i Qeverisë suaj në lidhje me këtë temë? Faleminderit!

E nderuar ministre, Unë si deputete jam shumë e shqetësuar me rritjen e numrit të rasteve të dhunës në familje, si dhe rritjen e rasteve të ngacmimeve seksuale dhe dhunimeve që shumë shpesh përfundojnë në vrasje, sikurse që ishte rasti i vajzës nga Komuna e Ferizajt, rasti i gruas nga Komuna e Skenderajt, e shumë raste të tjera. Andaj, pyetja është: cila është saktësisht puna e juaj në këtë drejtim, duke mos dashur të ndërhyjë në sistemin e drejtësisë, mirëpo duke tentuar që të krijojmë një ndihmë në luftimin e kësaj dukurie. 38 A mund të kemi të dhëna të sakta nga gjyqësori se sa raste të tilla janë në vitin 2022? Çka është duke i ndaluar ata që këta të pandehur të vihen para drejtësisë, si dhe si po u ndihmoni ju si ministri gjegjëse në luftimin e kësaj dukurie që është tejet shqetësuese momentalisht? Faleminderit!

Në bazë të raportit të ZKA-së të çështjes kyçe thuhet se Conet LLC tashmë është shuar, ndërkaq i ka borxhe kompanisë publike INFRA-Kos rreth 752 mijë euro. Deri më tani INFRA-Kos-i nuk ka inkasuar mjetet e fituara nga Gjykata që nga viti 2011. Andaj, pyetjen po e shtroj: çka keni ndërmarrë ju si ministri lidhur me situatën e krijuar? Kam informata se Bordi i kaluar ka ngritur disa herë këtë çështje, mirëpo ju si ministre nuk keni marrë asnjë hap. A është arsyeja e shkarkimit të Bordit, insistimi i tyre për ta zbardhur rastin në fjalë?

Rasti i publikimit të hulumtimit nga gazeta Insajder, ku zv.ministri i Zhvillimit Rajonal dëgjohet duke folur për ryshfet dhe manipulim, duke përdorë dhe keqpërdorë pozitën dhe kompetencat zyrtare nuk u përcoll me asnjë reagim dhe vendim nga ana juaj si Kryeministër i Kosovës. Andaj, cili është qëndrimi juaj mbi këtë aferë korruptive dhe çfarë vendimi do të merrni dhe a mendoni se duhet të shkarkohet ky zv.ministër i Qeverisë suaj?

A jeni në dijeni dhe a keni njohur rreth të problemit të deponisë së bërllogut në fshatin Landovicë, pranë autostradës? Çfarë keni në plan për ta zgjidhur këtë çështje, dhe për sa kohë u premtoni qytetarëve të këtij qyteti që kjo do të zgjidhet? 

Janë bërë pothuajse dy vjet  nga koha që jeni në krye të Qeverisë, por premtimi i banesave për çiftet e sapomartuara është lënë në harresë. Kur do të fillojë jetësimi i këtij premtimi nga ju dhe a do të përfundojë projekti për ndërtimin e 4 000 banesave, ashtu siç keni premtuar gjatë këtij mandati qeverisës? 

A keni bërë ndonjë studim si ministri për shkaqet e këtyre aksidenteve dhe a i plotësojnë rrugët tona standardet e kërkuara, duke e ditur se në shumë pjesë të vendit kemi mungesë të sinjalistikës rrugore, a keni arritur të bëni diçka në këtë drejtim, në përmirësim të kushteve, infrastrukturës, për qytetarët e Kosovës?