Në pjesën veriore të Kosovës, tanimë e ditur që nga 2016-ta, lagjja Kodra e Diellit, ku bëhet fjalë për 24 hektarë, shteti serb dhe Kisha Ortodokse Serbe janë duke përfunduar ndërtimin e 300 njësive banesore. Kjo çështje dihet se është ngritur edhe herëve të tjera, dhe ndërtimi i këtij kompleksi banesor është duke u bërë në kundërshtim me të gjitha ligjet, të cilat natyrisht janë në fuqi. Pyetja është për ministrin Aliu: Çështja e planifikimit hapësinor është përgjegjëse e ministrisë që e drejtoni ju. Andaj, çfarë veprimi ligjor po ndërmerr Ministria e Mjedisit dhe e Planifikimit Hapësinor dhe Infrastrukturës ndaj këtij ndërtimi pa leje në këtë vend? 

Është biseduar këtu për Luginën e Diellit, por është edhe një pjesë, për të mos thënë dy-trefishi i ndërtimeve që janë duke u ndërtuar ndërtesa të larta, banesa që tipi më i vogël i tyre 12 familje strehon e shkon edhe deri në mbi 20. E të tilla janë afërsisht rreth njëqind. Ato banesa janë të ndërtuara, një pjesë nga to, në pronën publike, ndërsa pjesa tjetër është e ndërtuar në pronat private të blera nga shqiptarët dhe pakicat joserbe nga shteti serb, përmes Kishës Ortodokse. Pyetja është: Dinë organet ligj-zbatuese, por edhe ministria të cilën e drejton ministri Xhelal Sveçla, cilët janë banorët e vendosur në ato banesa që bëjnë një numër jo të paktë. Tjetra: Ka të dhëna se cila është toka, sa është e pronës private dhe sa është në pronë publike? Pyetja tjetër është: Ndërtimet janë duke u bërë nga disa kompani të dyshimta, që ekskluzivisht janë shqiptare. Ka të dhëna ministria për to? Kush janë ato kompani? 

Çështja është për 1354 punëtorë të Ballkanit, të cilët ishin dëbuar dhunshëm nga regjimi pushtues serb në vitet ’90-të. Në ditët pas çlirimit, menjëherë të njëjtit u angazhuan dhe u organizuan dhe aktivizuan ndërmarrjen e tyre jetike Ballkani. Por, atëkohë menjëherë si në tërë Kosovën edhe në ndërmarrjen e tyre filloi privatizimi nga AKM-ja atëherë. Por, këta punëtorët prapë u organizuan, natyrisht me këmbëngulje për të drejtën e tyre, por kësaj radhe në rrugën ligjore. Gjykata është në anën e tyre dhe ua njeh të drejtën e tyre që për nëntë vite të viteve të ‘90-ta të dëbuar nga puna nga ndërmarrja, që ndërmarrja me fillimin e aseteve të para të privatizuara, natyrisht AKM-ja e atëhershme t’ua kthejë në emër të borxhit pagën për nëntë vjet të tyre. Edhe pse atëkohë bëhet një numër jo i paktë i privatizimit të tyre, ata nuk gëzojnë të drejtën e tyre. Natyrisht gjendja e keqësuar e tyre dhe duke mos pasur tjetër, në vitin 2013 punëtorët u hodhën në grevë. Partitë politike opozitare i vizituan dhe u premtuan në të drejtën e tyre se natyrisht janë në të drejtë dhe do të kenë me të ardhur në pushtet do të gëzojnë këtë të drejtë. Në kohën e fushatës edhe partitë në pushtet, por me mundësi të tjera. Në 2019-tën ditën e heshtjes, të shtunën shkuan jo me premtim, por shkuan me vendim në dorë, i thirrën punëtorët dhe në këmbim të votës ua dhanë një të pestën e këstit, që d.t.th. secili nga ta morën nga 11 00 euro. Kështu që tani po dihet që paskan të drejtën e tyre për ta marrë borxhin, me të cilin ua njeh edhe gjykata. Natyrisht, në vlerësimin e ekspertëve kanë edhe mbi pesëdhjetë milionë të paprivatizuara asete të tyre. Është pyetja: pse këta punëtorë dhe gjithnjë nuk kanë përgjigjen në kërkesat e tyre të drejta? Pyes ministrin: kërkesa e tyre është që një ditë për t’i pritur përfaqësuesit e tyre. Kur do t’i presë dhe a kanë shpresë që do ta merrni një hap një zgjidhjen e drejtë të tyre për të cilën edhe e kanë vendimin e gjykatës. Faleminderit!