E kam një pyetje për ministrin. Magjistralja Podujevë-Prishtinë është bërë një nga rrugët më problematike dhe më të kobshme për drejtuesit e automjeteve dhe të udhëtarëve, si dhe kjo rrugë tanimë njihet edhe me ermin si “rruga e vdekjes”. Janë të dhembshme lajmet kur dëgjojmë se dikush humb jetën në komunikacion në këtë rrugë, e cila ka mbetur e papërfunduar me xhepa, me shumë rreth-rrotullime, pa sinjalizime dhe shenja të mjaftueshme të komunikacionit, të cilat po e rrezikojnë jetën e qytetarëve përditë e më shumë. Pyetje: Duke filluar nga viti 2011-2021 në rrugën Podujevë-Prishtinë sa është gjithsej numri i aksidenteve, numri i qytetarëve që kanë përfunduar me fatalitet vdekje dhe lëndime, mosha e të vdekurve dhe të lënduarve, numri i veturave të aksidentuara dhe mundësisht nëse keni të dhëna edhe për vlerat dhe dëmet materiale të shkatërruara me rastin e këtyre aksidenteve.

Zoti ministër, po më intereson te rastet që kanë përfunduar me fatalitet. Po thua diku 57 qytetarë kanë pësuar me vdekje. Po më intereson a janë përfshirë këto të dhëna vetëm në momentin që ka ndodhur rasti, apo a keni edhe të dhëna që pas lëndimeve apo ndërkohë nga pasojat e këtyre lëndimeve kanë pësuar edhe qytetarë të tjerë. Po më intereson a janë përfshirë edhe këto të mundshmet, a keni të dhëna për këtë? Edhe si shqetësim ka qenë imi, ndër të tjera se për katër muaj kanë ndodhur 6 mijë aksidente në Kosovë, 31 qytetarë kanë vdekur 4 mijë janë të lënduar. Ekspertët e komunikacionit një ndër shkaqet e aksidenteve kanë thënë që është edhe ka qenë shpejtësia, punimet në rrugë, rrugët e papërfunduara e tjera. Faleminderit!

A janë duke u plotësuar kërkesat dhe nevojat e veteranëve, invalidëve dhe familjeve të dëshmorëve të Ushtrisë Çlirimtare të Kosovës?

A janë kompensuar qytetarët e dëmtuar për humbjet e tyre në ekonomitë familjare, prona dhe biznese, si rezultat i vërshimeve të 20 janarit të vitit 2023? 

Pyetja ka të bëjë me ndërtimin e ujësjellësit të Orllanit. Këtë pyetje e kam bërë që një kohë të gjatë. Një komision kur ke raportuar, ke thënë në muajin tetor se ky ujësjellës ka përfunduar. Por, ndërkohë u vërtetua që fare s’ka përfunduar, se ujë nuk kanë fshatarët. Po më intereson, atë përgjigje që e ke, a e ke sot?

Pyetja ime ka pasur të bëjë për ministrin e Mjedisit, i cili ka dhënë një përgjigje në komision, por për të cilën nuk jam i kënaqur. Ka të bëjë me ndërtimin e ujësjellësit në Orllan, i cili projekt nuk ka përfunduar.