Të nderuar qytetarë të Republikës së Kosovës, I nderuar kryetar, Dhe ju deputetë, Një figurë groteske e dalë nga regjimi i Milosheviqit, ky ministri i Mbrojtjes i Serbisë, Aleksandër Vulin, para 2-3 dite e dha një deklaratë, në të cilën tha se Reçaku nuk është e vërtetë. Jo që nuk pritet diçka e tillë nga ai ose nga ajo nomenklaturë, e cila është aktualisht në regjimin e Beogradit, se është po ashtu i njëjti regjim, me nuanca të njëjta, së paku, nga vitet e ‘90-ta, por është e çuditshme se çfarë reagimesh pati nga Kosova në raport me këtë deklaratë. Pra, nuk është kjo patetizëm, sepse ne duhet të kemi jo ndjenja, por respekt me thellësinë më të madhe për ato viktimat e Reçakut dhe të gjithë të tjerat, sikur në rastin e Reçakut. Reagoi SHBA, reagoi BE dhe nuk pashë një reagim të ashpër nga kjo qeveri. Jo, jo nuk pashë reagim të ashpër, dëgjo çka po flas. Pra, ideja është që ju keni qenë edhe nëpër rrugë për Palestinën, e keni dramatizuar Palestinën atje, a po kupton. Palestina ka thënë që Reçaku është çështje e brendshme e Serbisë, Palestina Milosheviqit i jete medalje kur ai kishte bërrylat deri këtu me gjak atje në Reçak, prandaj unë sot qëllimisht, jo t’ju kritikoj juve, por të jap një porosi prej këtu në gjuhën e tij, sepse kështu më së miri ai e kupton, se është goxha e turpshme që ne të dalim me një reagim kaq të dobët, s’po flas veç si qeveri, por edhe si shoqëri, edhe si Kosovë. Pashë një reagim të Presidencës të shtunën. Pra, ishte dashtë që në fakt ditën kur ai ka dalë, kjo ministrja e Kurtit, Gërvalla, që bën taka-taka dhe mezi s’pret të japë dëshmi për Kadriun e Hashimin atje, të reagonte për këtë çështje, dhe nuk u pa. Nuk u pa që reagoi, por edhe kryeministri, në fakt, edhe krejt qeveria së bashku. A kjo porosia, po, shkon për atë zotërinë atje, sepse është e vdekur kjo, ata e dinë edhe e kanë të kotë, sepse ky realiteti ku jetojmë sot është kjo Kosova, të cilën e ka mundësuar pikërisht Reçaku dhe shumë Reçaka të tjerë. Faleminderit!