I nderuar kryetar, Të nderuar deputetë, Kabinet qeveritar, Të dashur qytetarë, Me këtë parashtresë do të mundohet të shtroj 2-3 çështje, për të cilat mendoj se e vlen të shtrohen dhe të thuhen nga ne si deputetë. 6 Së pari, duhet tërheq vëmendjen për sjelljet, qëndrimet, mospërfillëse ndonjëherë nga ndonjë ministër i Qeverisë së Kosovës. Projektet, dora e parë e ligjeve, projektligjet si dhe të gjitha çështjet e tjera, të cilat sillen në Kuvend për aprovim është e drejtë e secilit deputet jo vetëm të thotë fjalën, të shprehë mendimin e vet, edhe kundërshtues, por për këtë edhe detyrohet. Prandaj, ministrat s’kanë nevojë të jenë mospërfillës, aq më pak të jenë kundërshtues, por të jenë në temë, sqarues, shpjegues dhe argumentues. Pra, të sillen në atë mënyrë që të jenë bartës të kërkimit të mundësive për të aprovuar ky institucion të gjitha ato projektligje a marrëveshje të parashtruara. Për mendimin ndryshe është opozita, pse jo edhe shumica aty ku e do puna dhe në fund, janë numra ata që mundësojnë ose jo aprovimin. Së dyti, dua t’i shtroj edhe 2-3 fakte në fund të paraqitjes së koleges së nderuar deputetes Blerta. Se kush janë terroristët dhe kush i ka quajtur të tillë djemtë tanë të rastit Kumanova. Deputetë të nderuar, Koleges po ia kujtoj vetëm në disa fakte historike, si dhe disa fakte të kohës sonë. Qyteti i Manastirit, të cilit sllavët i thonë Bitola, ishte një qendër e madhe e Rilindjes Kombëtare. Përveç veprimtarive të tjera kombëtare, aty është mbajtur edhe Kongresi i Alfabetit të Gjuhës Shqipe, i kësaj gjuhe që flasim edhe ne sot këtu në Kuvend. Zonja e nderuar, a keni qenë ndonjëherë që ta shohësh atë qytet, a dëgjon gjë shqip aty? A e ke vizituar Muzeun e Kongresit dhe a e di sa dokumente janë zhdukur nga aty, po për Rekën e Epërme ke dëgjuar ndonjëherë? Një krahinë e tërë shqiptare, e asimiluar dhe pas Luftës së Dytë Botërore vetëm se ata ishin shqiptarë ortodoksë që e vetmja rrugë për të mbetur gjallë u është ofruar asimilimi në maqedonas, ose të shpërnguleshin. Sigurisht e di se në cilat rrethana është përgatitur lufta e Ushtrisë Çlirimtare Kombëtare në Maqedoninë Shqiptare në vitin 2001. Për luftën e kësaj ushtrie të lavdishme, qëndrime të politikës zyrtare në Tiranë dhe në Prishtinë dihet, mirëpo pas kësaj lufte çlirimtare për shqiptarët atje ka ndodhur gjenocid i paparë. Keni vizituar ndonjëherë varrezat e të rënëve në Sllupçan të Kumanovës, aty ku s’janë kursyer qytetarët e pafajshëm nga foshnja me vetëm një ditë jetë dhe të moshuarit 90-vjeçar, besoj dhe do të duhej t’ ju kujtohen rastet e inskenuara të si në Brodec, në Odrën, Shkup, Haraqinë, Monstër, e deri te ky gjenocidi i fundit 2015 Kodra e Trimave në Kumanovë. Ata djem, luftëtarë 7 të lirisë të tri luftërave shqiptare, kishin shkuar atje që të jenë afër bashkëkombëseve të tyre për të mos ndodhur ndonjë gjenocid tjetër. Tash po ju pyes, zonjë e nderuar, Janë terrorist këta? Regjimi kriminal i Gruevskit, i cili ushtroi terrorizëm shtetëror ndaj shqiptarëve, sidomos ndaj atyre pjesëve, tokave shqiptare ku lufta e Ushtrisë Çlirimtare Kombëtare kishte qenë e pathyeshme . Pra, dihet se cilët ishin qëndrimet ndaj shqiptarëve, siç dihet se ku është sot Gruevski. Ata djem, pjesëmarrës të Betejës së Kodrave të Trimave në Kumanovë, janë ndër djemtë luftëtarët më të lavdishëm të tri luftërave çlirimtare të shqiptarëve në fund të shekullit të kaluar dhe në fillim të këtij shekulli. Më tutje, e dini, zonjë e nderuar, se nga 10 djem e.. E nderuar kolege, Se këta luftëtarë janë shpallur dëshmorë të kombit nga organizatat të dala nga lufta dhe se varrimi i tyre është bërë me nderimet më të mëdha të dhjetëra-mijëra shqiptarëve dhe të përcjellë nga Trupat Mbrojtëse të Kosovës. Pra, zonjë e nderuar, Qeveria e Gruevskit që ishte vëlla ideologjik i Milosheviqit, ishte terrorist, apo ende mendoni se ai ishte paqësor, dhe këta djem kishin shkuar atje të bëjnë terrorizmin. Në fund dëshiroj të dëgjoj edhe mendimin e kolegëve deputetë të Partisë Demokratike, se ndajnë të njëjtin mendim me kolegen e tyre dhe tonën, zonjën Blertë, apo cili është qëndrimi i tyre. Faleminderit

I nderuar kryetar, Kabinet qeveritar, Të nderuar deputetë, Të nderuar qytetarë, Edhe unë desha t’i them pak fjalë në lidhje me punëtorët e Ballkanit. Është e vërtetë që të gjitha ato të cilët i tha deputeti Selmanaj qëndrojnë për ta, por ka edhe 2-3 apo 4 të vërteta të tjera. Se punëtorët janë në të drejtën e tyre, sipas vendimit të cilën e kanë marrë edhe nga gjykata për ato 9 vjet, të cilët ua kanë njohur gjykata kur janë dëbuar që të gjithë dhe është borxh i Ballkanit, përkatësisht përkatësisht i punës ku kanë punuar është shumë e vërtetë. Se është e vërtetë se të gjitha partitë, edhe ato të cilët kanë qenë në opozitë, por edhe ato të cilët kanë qenë në pozitë, sidomos në kohën e fushatës që të gjitha kanë premtuar, duke u dhënë të drejtë se jeni në të drejtën tuaj, por se kjo e drejtë do të realizohet me ardhjen e tyre në pushtet, po këtë të drejtë, edhe zoti Selmani, tani deputet, dikur zëvendësministër po të njëjtin premtim ua ka bërë. Është e vërteta tjetër se në vitin 2019, ditën e heshtjes zgjedhore, të shtunën, edhe një herë them, ditën e heshtjes zgjedhore nga Partia Demokratike, njerëzit e Partisë Demokratike u është dhënë 1/5 e këstit atyre punëtorëve për këtë borxh, për të cilën flasim, që do thotë 1354 punëtorë kanë marrë nga 1100 euro secili, këtë duhet llogaritur. Unë këtë çështje e kam ngritur dhe në bindjen time e kam adresuar aty ku duhet në komisionin e linjës, është e vërtetë se kam biseduar edhe me ministrin e linjës për këtë çështje, siç kam kërkuar për të pritur delegacionin e tyre, siç e kam ngritur këtë shqetësim të këtij kësti, do të thotë të 1/5 e saj dhe, nëse punëtorët janë në të drejtën e tyre, është bërë mirë se u është dhënë ajo pjesë, pse të mos u jepet edhe pjesa tjetër. Por nëse ajo pjesë që thotë 1/5 u është dhënë joligjërisht dhe të dihet si është dhënë dhe natyrisht është bërë një shkelje, jo pse është dhënë hisja tjetër. Dhe në fund se edhe ashtu jam në përfundim. Punëtorët janë drejtuar të gjitha institucioneve edhe me një kërkesë, në dijen time, ngase e kam edhe me shkrim, të cilët kanë kërkuar që natyrisht të bëhet një auditim, se në bindjen dhe provat e tyre nuk është respektuar marrëveshja që është bërë privatizimi me spin of programin. Faleminderit!

I nderuar kryetar i Kuvendit, Zonja nënkryetare, I nderuar kryeministër, I nderuar Kabinet qeveritar, Të nderuar kolegë deputetë, Të dashur qytetarë, Një gjë dua ta them para se ta lexoj këtë fjalim të shkurtër. Pos që jemi deputetë, edhe për mua të gjithë jeni të nderuar, janë të nderuar edhe ata të komunitetit serb si njerëz, do të jenë shumë të nderuar sikur të jenë në misionin e tyre, për çka janë këtu të zgjedhur nga qytetarët e tyre. Por, e marrin atë të drejtë për t’i parë, vërtet ma marrin, nuk do të dëshiroja, të jemi vërtet bashkë deputetë, jemi bashkë përfaqësues, të përfaqësojmë qytetarët e Republikës së Kosovës. Si çdo vit tjetër, në këto ditë të këtij muaji, edhe sivjet detyrohemi të kthehemi pas sa vjetëve për të kujtuar përpjekjet e njëpasnjëshme me mjete dhe forma që mundësonte koha, sakrificat e shumta, përkujtojmë e do të përkujtojmë gjithandej Kosovës rezistencën, qëndresën brez pas brezi e gjeneratë pas gjenerate. Përkujtojmë projektin më të madh të kësaj hapësire të atdheut tonë të dashur, Kosovës, rezistencën dhe qëndresën e Kosovës, të ushtrisë tonë të lavdishme, UÇK-së. 4Përkujtojmë komandantin legjendar Adem Jashari, përkujtojmë familjen Jashari, përkujtojmë dëshmorët e kombit dhe martirët e shumtë. Përkujtojmë e jetojmë me peshën e rëndë të mbi 1600 ende të pagjeturve, edhe pas një çerek shekulli. Por, të mos harrojmë, fal këtyre përpjekjeve, fal kësaj sakrifice, fal luftës së Ushtrisë Çlirimtare të UÇK-së, fal mbështetjeve të miqve ndërkombëtarë e të NATO-s, ne këto ditë dhe sot gjithandej Kosovës përkujtojmë, shënojmë, por mbi të gjitha kremtojmë 23-vjetorin e çlirimit të Kosovës. Pra, të dashur qytetarë, Urime dita e çlirimit e të gjitha komunave tuaja që me të drejtë shumë nga ju i quani edhe dita e dëshmorëve të kombit. Urime dita e çlirimit, lavdi dëshmorëve të kombit, lavdi të gjithë të rënëve, lavdi për jetë e lavdi rrugës tonë të përbashkët. Po e përmbyll, sot këta që po na drejtohen me këto fjalë “turp”, “marre” disa nga kolegët. Nuk jua kam borxh unë dhe asnjëri nuk ia kemi borxh tjetrit për ta fyer njëri-tjetrin. Ramush? A është këtu? Ramush, do t’i them qe disa herë unë jam këtu, nuk ia kem borxh, nuk do të dëshiroja që Ramushi të na shajë edhe me nënë. Por, e kemi sikur zotëriun këtu, kryetarin e grupit, që na ka sharë me nënë e babë. Por, ne e kemi urtësinë tonë, kanë thënë, thuhet “i shami të shanë”. Faleminderit!